This topic contains 1 reply, has 1 voice, and was last updated by 
-
Topic
-
Þráður frá Þorvarði Inga (tingit), sem varð eftir á gömlu síðunni:
Félagar góðir,
um daginn heyrði ég slitrur úr frétt um að til stæði að Landmælingar Íslands fengju 200m króna á næstu 10 árum til að ferla vegi lands og flokka til að koma í veg fyrir utanvegaakstur!!! Hvílíkt bull, þvæla og vitleysa, það er verið að reyna að koma því inn í hausinn á þjóðinni að með því að aka um vegi sem ekki eru gönguskóa- og sófadraumheimaelítunni þóknanlegir þá flokkist það undir utanvegaakstur.
Missti ég af umræðunni hér á vefnum, -eða misstu allir aðrir af umfjölluninni???Og svona til að koma að viðhorfi yfirvalda til ferðaþjónustunnar og annarra frjálsra ferðalanga:
Komin hlið og keðjur á alla helstu vegi inn á hálendið, -hefur það einhverja merkingu lagalega séð?
Búið að moka burt Gjábakkaveginum innan Þingvallaþjóðgarðs,eru það ekki lands- og náttúruspjöll?
Búið að grafa burt veginn/gönguleiðina niður Almannagjá og stendur bara ekkert til að lagfæra fyrir veturinn,
Göngustígnum að Gullfossi verður bráðum lokað vegna lélegs og hættulegs vetrarástands, í stað þess að gera betrumbætur…ERGO: Lok lok og læs virðist lausnarorðið í dag, loka spítulum, loka leiðum, loka augum og eyrum fyrir því sem skynsamara er. Uppbyggingu síðustu áratuga er kollvarpað með einu blýantsstriki, er ekki kominn tími til að sljóvga blýantsoddana með því að fækka blýantsnögurum innan raða Umhverfisstofnunar og annarra niðurrifsstofnana?
Ingi, -sem ætlar að aka vegi landsins hér eftir sem hingað til!!!
-
Replies
-
Svar frá Snorra Ingimarssyni af gömlu síðunni:
Því miður er það svo að hugatakið "utanvegaakstur" virðist vera orðið að samnefnara fyrir spjöll af völdum umferðar utanvega.
Svo er búið að sannfæra þjóðina ( heimakæra bæjarbúa sem ekki vita betur) um að leiðin til að varðveita og ganga vel um náttúruna (sem við viljum væntanlega öll gera) sé að stöðva eitthvað sem heitir "utanvegaakstur" og leiðin til þess sé að koma í veg fyrir ferðalög duglegra og framtakssamra einstaklinga á vélknúnum ökutækjum um landið.
Legg til að við hættum öll að nota þetta misvísandi orð. Tölum frekar um spjöll af völdum umferðar utanvega, sem viljum að sjálfsögðu lágmarka.
Með útilokun á því að einstaklingar geti farið á vélknúm tækjum utanvega er aldeilis ekki verið að koma í veg fyrir landspjöll af völdum umferðar utanvega. Fjölmargir geta áfram farið um á vélknunum tækjum, vísindamenn, bændur, björgunarsveitir og svo á telja áfram. Þá verða líka vaxandi spjöll af völdum stóraukinnar umferðar göngufólks, hesta og sfr.
Það sem helst gerist er að dregið er út getu og þekkingu almennings til að ferðast um eigið land. Eins og hefur gerst í Noregi, þar er allt bannað, líka akstur á snjó.
Enda þurfa Norðmenn nú að kaupa verkþekkingu af Íslendingum til að geta farið um eigið land. ArticTrucks er að selja breytta og öfluga jeppa til norskra yfirvalda og það skapar miklar gjaldeyristekjur. Forsenda fyrir þessu er athafna- og ferðafrelsi almennings sem ríkt hefur á Íslandi, það hefur lagt grunn að þeirri verkþekkingu sem við erum nú að selja til Norðmanna og reyndar á Suðurskautslandið líka.
Athugið að þetta eru gjaldeyristekjur sem koma án stóriðju og virkjana. Ekki má virkja og ekki má hafa stóriðju, heldur á gera eitthvað annað.
Frjáls ferðamennska heur getið af sér ábatasaman iðnað fyir Íslendinga, samt skal ráðist gegn henni líka.Snorri
R16
You must be logged in to reply to this topic.