This topic contains 15 replies, has 1 voice, and was last updated by 
-
Topic
-
Ég var að skoða myndir af breytingum í myndaalbúminu þínu og langar að benda þér á eitt.
Stífurnar sem þú ert að nota eru þannig gerðar að þær nota hásinguna í raun sem ballansstöng þegar bíllinn misfjaðrar. Gúmmíin í stífunum eru þarna til að bíllinn geti misfjaðrað en þegar þú ert búinn að færa þau svona langt frá hásingunni þjóna þau ekki lengur sínu hlutverki eða gera a.m.k. minna af því og mikil hætta er á að suðurnar við hásinguna gefi sig. Þó svo að suðurnar haldi þá ertu búinn að þvinga afturfjöðrunina verulega. Besta uppsetningin á þessu er sú að ef dregin er ímynduð lína á milli miðju gúmmíanna þá á hún að skera hásingarrörið í miðju. Þannig ná þau að njóta sín og bíllinn misfjaðrar/teygir eins mikið og hægt er með þessum búnaði.
Kv.
Bjarni G.
-
Replies
-
Það er ekki rétt hjá Bjarna að miðja gúmíanna verði að vera við miðju hásingar. Hins vegar veldur það óæskilegri spennu á gúmíin að sæti fyrir gorm eða loftpúða, er ekki yfir miðju hásingar.
Þetta eru Range Rover framstífur og það er einfaldlega best að hafa þær eins og framleiðandinn hefur þær. Þ.e.a.s. miðja gúmmíanna sker miðju rörsins. Það er hægt að vera með þær á ýmsa vegu en það verður aldrei eins gott.
Kv.
Bjarni G.
Til að fyrirbyggja allan misskilning þá eiga stífurnar að sjálfsögðu að koma utan um hásinguna en ekki utan á hásinguna. Þ.e.a.s. stífugúmmíin eiga að vera sitthvoru megin við hásinguna. Eins og þetta er sett upp hjá HalldorG þá eiga annaðhvort suðurnar eftir að brotna eða hásingin liðast í sundur. Hásingar þola almennt illa að vera notaðar á þennan hátt sem ballansstangir.
Kv.
Bjarni G.
Sælir
Þarna get ég talað af reynslu, og tek undir með Bjarna.
Ég smíðaði fyrir mörgum árum stífur undir Bronco sem ég átti. þar var uppsetningin ekki ósvipuð og hjá HalldorG, en þó var aftara augað undir hásingunni miðri. Það endaði með ósköpum. Þetta brotnaði, og hásingin snérist um sjálfa sig. Sem betur fer var ég að taka af stað þegar það gerðist.
Ég endaði í fourlink sem reyndist vel.
Kv.
Emil
Það kemur ekki á óvart að þetta skuli hafa brotnað hjá þér Emil við að taka af stað. Það reynir mest á tenginuna við hásinguna við að taka af stað, sérstaklega ef kúplingu er sleppt snögglega, og í hemlun. En þetta hefði alveg eins getað brotnað þó gúmíin hefðu verið sitt hvoru megin við rörið. Ég get tekið undir að það sé betra að hafa þetta eins og það er á Ranger Rover, en það munar sára litlu. Staðsetning á Gormi/loftpúða, dempurum og sérstaklega samsláttarpúðum skiptir mun meira máli.
Tengingin við hásingar rörið þarf að vera góð, ég er ekki
viss um að hún sé nægileg, eins og myndin sýnir hana, það væri betra að suðurnar næðu um það bil hálfhring um rörið og að sá hluti braketsins sem nær aftur fyrir væri efnismeiri.Ef áhugi er fyrir hendi, þá er ég til í að mæta í Mörkinni eitthvert fimmtudagskvöldið og fara í gegnum þá krafta sem um er að ræða.
Það eru ekki hemlunarkraftarnir og kraftarnir við það að taka af stað sem ég hef áhyggjur af í þessu tilfelli, þessi útfærsla ætti alveg að þola þá krafta. Það eru kraftarnir sem snúa upp á hásinguna þegar bíllinn misfjaðrar sem ég hef áhyggjur af.
Lykilatriði í framfjöðrun í Range Rover eru gúmmíin. Ef sett eru polyurethan fóðringar í stað gúmmía verður bíllinn mun minna svagur (og hefur minni misfjöðrun), afhverju skyldi það vera, jú polyurethanið gefur mikið minna eftir en gúmmíið og hásingin er því orðin ballansstöng. Sömu áhrif nást með því að auka bilið á milli gúmmíanna, þar kemur vogaraflið til sögunnar. Ekki skiptir máli hvort gúmmíin eru sitthvoru megin við hásinguna eða sömu megin, það er bara fjarlægðin frá rörinu sem skiptir máli. Minnsta fjarlægð frá röri næst einmitt með því að hafa gúmmíin sitthvoru megin. Ef ætlunin með þessum æfingum hjá HalldorG hefur verið að stífa bílinn þá þarf hann líka huga að því að styrkja hásinguna því minnsta gerð af 9" ford hásingu þolir ekki lengi að leika ballansstöng.
Í fourlink fjöðrun eru önnur lögmál í gangi, þar er best að hafa sem lengst á milli gúmmíanna enda allt aðrir kraftar að verkum þar. Rétt staðsetning gorma/loftpúða (beint fyrir ofan hásingu) er alltaf jafnmikilvæg sama hvað leið er farin í stífum.Kv.
Bjarni G.
Það er rétt sem þú segir um gúmíin og fjarlægð milli þeirra. Hvar hásingin er miðað við gúmíin er aukaatriði, aðalmálið er bilið milli gúmía og að þau gefi hæfilega eftir. Ég myndi ekki nota gúmí sem hönnuð er fyrir svona fjöðrun í fourlink, en mér skilst að það sé algengt að menn noti gúmí af fram hásingu úr Land Cruiser 80, í four link.
Ég hefði ekki áhyggjur af því að hásingin sjálf gefi sig undan snúningsvæginu fylgir því að gúmín fá hlutverk balansstangar, nema sett séu miklu stífari gúmí en eiga að vera. Hásingarör eru margfalt sverari en balanstöng og snúningsvægi sem rör þolir er í hlutfalli við annað veldi af þvermáli þess, ef þykktin er sú sama.
fróðlegt að fylgjast með skrifum ykkar gárunga hér að ofan, ég velti fyrir mér kvort "eik" og "yktur" verði nokkurntíma sammála, skiftir kanski ekki máli en umræðan er "professional" af leikmanni sagt þó !!
kveðja
Jon
Ég veit dæmi þess að hásingar hafa liðast í sundur við það að setja of þvingaða fjöðrun á þær. Þær eru að sjálfsögðu mun stífari en hefðbundin ballansstöng en þær gefa sig á endanum.
Kv.
Bjarni G.
Hvernig er með Tedda, hefur hann ekki skoðun á málinu…, eða er breytingin á Toylettinu svona tímafrek…
kv.
Eiki
Ég hef engan tíma til að hafa skoðun á þessu máli er alltof upptekin af því að reyna að raða druslunni minni saman þannig að ég komist í túr 15 feb. Ég verð nú reyndar að viðurkenna að uppsetningin á fjöðrunarkerfi Halldórs er ekki alveg eftir bókinni og spurning hvort þessi útfærsla fái skoðun.
Þetta eru mjög fróðlegar umræður og ýmislegt sem maður getur lærir á þeim en það er eitt sem ég vil benda á sem gamall suðumaður en það er, að aldrei á að sjóða þvert á átaksstefnu, hvorki á grind, hásingu eða annað sem á að þola burð. Það er alveg ljóst, eflaust geta reynslunarmenn staðfest það, að ef hásingin brotnar gerist það við suðurnar. Ef það er nauðsynlegt sjóða eitthvað við þessar aðstæður á að hafa suðustrengi langsum, með því skerðir hann minnst burðargetu bitans/hásingarinnar.
Það er annað sem ég er svolítið undrandi á; eru menn ekki hræddir um að þenslur og/eða samdráttur vegna suða, geta valdi því að legur og eftilvill eitthvað annað endist skemur við þessa meðhöndlun.
Persónulega finnst mér menn fari ansi frjálslega í þessum efnum, enda eru menn að brjóta stífur ofl. undan bílum sínum.
En þessar umræður, svo ekki sé talað um myndir, er mikill fengur fyrir reynslu minni aðila og er bara hið besta mál.Kv. vals
Ég hef nú aldrei vitað að hásingar hafi gefið sig við þessar suður enda mjög þykkt í rörunum, þ.e.a.s. ef suðan er í lagi á annað borð. Það sem gerist er að rörin losna frá kúlunni og/eða suður gliðna í kringum kúluna. Það eru alveg ótrúlegir kraftar í gangi þarna sem sést best á því að gúmmín gefa lítið eftir þegar gefið er í eða hemlað, þau hinsvegar krumpast alveg í döðlur þegar bíllinn misfjaðrar. Ef gúmmíin eru færð fjær hásingunni veldur vogaraflið því að erfiðara verður að krumpa þau og þar af leiðandi reynir meira á hásinguna. Ef þetta væri eins og eik heldur fram þá mætti alveg eins sjóða löng bracket á hásinguna og setja gúmmíin hlið við hlið upp við grind en það sér hver heilvita maður að gengur ekki 😉
Kv.
Bjarni G.
Sælir
Ég mundi segja að besta útfærslan á fjöðrun, sem ég hef séð, sé undir Unimog.
Þar eru stífurnar jafn langar og drifskaftið og festast upp við gírkassa,(þar er enginn hjörliður við hásingu), bara við kassa. þessar stífur koma saman í einn punkt við gírkassann og festast svo út við hjól í hásingu,
Ég hef ekki sagt að það væri hægt að hafa gúmíin uppvið grind. Til að svona system virki rétt þarf stífan að vera mun lengri en bilið milli gúmía á stífunni. Ef Halldór hefði haft gúmíin sitthvoru megin við hásginguna og lengt stifurnar sem því nemur, hefði hann fengið betri útkomu en það sem hann er með.
Vogaraflið sem krumpar gúmíin fer ekki eftir fjarlægð frá hásingu, heldur bili milli fóðringa og lengd stífu.
Flestir bílar með svona 3 link fjöðrun eru líka með balansstangir. Pajero er t.d. með svona stífur að aftan, þar er líka massíf balansstöng.
You must be logged in to reply to this topic.