þyrlu rekstur

Hvað eftir annað koma þyrlumál til umræðu þegar slys verða og þyrlurnar í viðhaldi.
Reyndar er vitað að ríkið er ekkert að ofdæla fjármagni í gæsluna heldur fjársveltir hana eftir bestu getu.
Ekki er nú langt síðan stjórnvöld ætluðu að skera niður lækniskostnað á þyrlunni, en þau voru stoppuð af því hryðjuverki með fínum rökum bæði lækna og gæslumanna. Nær væri að efla og styrkja gæsluna með enn stærri hluta á næstu fjárlögum.

það er svo sem endalaust hægt að pæla fram og aftur hvað þyrlurnar eiga að vera margar – en það sem ég set spurningamerki við er framkvæmd fjarksiptamála við björgunina.
Samkvæmt því sem fram kom í fréttum í kvöld var til að byrja með mikið bras á samhæfingu fjarksipta og eitthvað var að vefjast fyrir þeim að koma Fokkernum í loftið – ekki voru flugmenn á bakvakt og þurfti að fara að leita að flugmönnum til að koma vélinni í loftið til að miðla fjarskiptum á milli.

tjahh Líf er metin á ca 800 mill samkvæmt heimasíðu gæslunar og Sif á ca 200 mill. Ættli ný vél kosti ekki nálægt 2000 mill með öllu sem til þarf. Finnst líklegt að þessir gúrúar sem stjórna okkar fagra landi telji ekki aurunum betur varið í annað ??? Ég bara spyr ……
Já ég er sammála ofsa um að Georg sé kjarnorku maður. Held að hann eigi eftir að gera góða hluti fyrir gæsluna. En góðir hlutir gerast oft annsi hægt ….

Svo ekki sé talað um hversu klárir flugmenn eru innan gæslunnar, þetta eru sennilega einhverjir bestu þyrluflugmenn heims (og ég hika ekki við að segja það). Ég fór einn túr með gæsluskipinu Ægi ári eftir að Vikatindur strandaði og heyrði lygilegar sögur um afrek þessara manna þegar herinn neitaði að fara í loftið sökum veðurs en okkar menn hikuðu ekki við að leggja í hann. Ég skal vera fyrsti maður til að standa upp og verja heiður þessara manna.
Þetta eru hetjur og vinna kraftaverk í háloftunum.
Kveðja
Ásgeir

TF-SIF (MINNI) Aerospatale Dauphin II kom til landsins 1985.

TF-LÍF (STÆRRI) Aerospatale super puma kom 1995.

það er engin vafi á hvað þetta eru þyðingarmikil tæki og mennirnir sem manna þau eru sannkallaðar hetjur.

Og ef horft er til framtíðar er raunhæft að hafa allavega 4 þyrlur í þjónustu gæslunnar 2 minni og hraðfleygar eins og Sif og 2 stærri og öflugri eins og Líf.

Og það stendur að það er ekkert annað en VANHÆFNI rikisstjornar að tryggja ekki nóg fjármagn til rekstursins.

mikki

Það hefur síðan í síðasta Þoskastríði verið markvist skorið niður hjá gæsluni og um 81 vorum við sendir á Þór til gæslustarfa (túrinn var um 15 dagar)og vorum við með 1 tank fullann af olíu hinir voru tómir og var okkur ættlað að vera fyrir vestan sem sagt á Aðalvík eða Hornvík fyrir akkerum allann túrinn,við hefðum ekki geta sinnt kalli ef það hefði verið slys á Halanum td og er þetta bara eitt dæmi af mörgum.
En starfsmenn gæslunar bæði á sjó og lofti vinna bara frábært starf og hafa sýnt í verki að þeir eru vaxnir hvaða vanda sem leggst á þeirra veg og hafa æ ofaní æ sýnt hreinlega ótrúlega færni og kunnáttu við störf sín.
Þetta fjársvelti gæslunar er ekki þeim að kenna heldur eru misvitrir stjórnmálamenn þar ábyrgir og Dómsmálráðherra ber alla ábyrgð á rekstri gæslunar og held ég að óhætt sé að segja að sjómenn og starfsmenn gæslunar hafi oft sent honum harðorðar kvartanir,en ekkert virkar,þannig að við skulum ekki dæma gæsluna eða starfsmenn hennar heldur á eitthvern hátt reyna að vekja stjórnmálamenn til meðvitundar um alvarleika málsins og eins og réttilega er bent á hérna að framan þá held ég að hlutskipti skipstjóra á frystitogara væri vægast sagt erfitt ef bara ein þyrla kæmi og hinar væru vant við látna vegna bilana eða verkefna annarstaðar.
Mér var sagt í gær að sú ástæða að Varnarliðsvélarnar væru á sér rásum ættluðum til hernaðarnota hefði verið hluti af samskiptavanda við slysstað og hefðu þær ekki leyfi til að fara á aðrar rásir og væru þá samskipti við almennar björgunarsveitir heft af þeirri ástæðu.
Leggjum okkar af mörkum við að vekja Dómsmálaráðherra af þyrnirósarsvefni og gera eitthvað róttækt í málefnum gæslunar.
Kv
Klakinn

Við verðum að átta okkur á því að það er næstum alveg sama hversu margar þyrlur landhelgisgæslan á það getur alltaf komið upp sú staða að allar séu í 3000 stunda skoðun á sama tíma. þess vegna er bráðnauðsinlegt að hafa samning við aðila sem á nóg og andskoti mikið af svörtum haukum og annarskonar þyrlum til að hafa til skiptana eða sem bakkupp þegar svoleiðis kemur upp. einmitt undanfarið hefur ríkisvaldið verið að reyna að semja við usa flugherinn um að halda úti rekstri í keflavík og íslenska ríkið ætlar að borga brúsan og reka landhelgisgæsuna undir sama hatti. þetta gæti þítt margfallt betri tækjabúnað og hagkvæmari rekstur okkar bráðnauðsinlegu þyrlubjörgunarsveitar. ég get ekki séð annað en þetta sé bráðnauðsinlegt og mjög góður kostur þó vinstri grænir gangi ennþá keflavíkurgönguna og hrópi herinn burt.

Þarf aldrei að framkvæmast á sama tíma fyrir tvær þyrlur. Skoðunin má fara fram áður en tímafjöldanum er náð og þannig er hægt að tryggja það að engar tvær vélar séu á sama tíma í skoðun. Gildir náttúrulega annað um bilanir (eins og var í þessu tilfelli).

kv
Rúnar.

Það var útkall í Þúfuver vegna banaslys og þá var staðan sú að gæslan sem þá hafði eina þyrlu og sú var biluð varnarliðsþyrla biluð á Snæfellsnesi önnur bilaði á leiðini með varhluti 3 var í reglubundnu viðhaldi og 4 fekkst ekki til starfa vegna annara verkefna sem ekki var gefin skýring á.
Þarna voru 5 þyrlur allar ótiltækar vegna bilanna og annara starfa og sá slasaði dó í höndunum á okkur.
Á þessu sést að undantekningar henda eins og Georg Lárusson hjá gæsluni sagði í kvöld, hvað með öll hin skiptin sem allt hefur gengið upp??
Bara að velta þessu fyrir mér frá öllum hliðum
Kv Klakinn

Þetta finnst mér sláandi frétt um ástand Gæslunnar
Tekið af rúv:
Fjárskortur hamlar flugi gæsluþyrlunnar
Stóra gæsluþyrlan verður ekki flughæf fyrr en eftir tæpan mánuð vegna fjárskorts. Tæknistjóri flugtæknideildar segist ekki lengur geta borið ábyrgð á öryggi gæsluflugvélanna og hefur því sagt upp.

Er þetta viðunnandi???

Kv-JÞJ