Þungaskattur

sælir

Ég myndi nú ekki vera alveg svona bjartsýnn á 90 kallinn. Miðað við forsendurnar frá því í haust þá verður þetta meira svona 100 kr/l því ofan á olíugjaldið bætist vsk !!!

kv
AB

er þessi breyting ekki bara fyrir bíla undir 10tonnum held það þannig að vörubílar verða áfram á mæli??????????

Ef menn skoða áður skrifaða pósta um þetta efni, þá sést að þessi breyting á gjaldfærslu á Díselolíu er gerð fyrir bíla sem eru undir ca. 1.500kg.

kv. vals.

Þetta olíugjald er alveg glæsilegt eða þannig. Ef við segjum að líterinn kosti 50kr og á hann kemur þungaskattur 45kr pr-líter, plús kostanður sem olíufélög verða fyrir útaf þessu litunarkjaftæði, en maður hefur heyrt að það verði 2kr pr-liter. Þá erum við með 47 króna hækkun, plús VSK sem er 24,5% (11.515kr) og þá er gjaldið komið í 58,5kr, þannig að líter kostar þá 108,5kr. Það besta er þessi VSK sem er lagður á þungaskattinn, en ég hélt að það væri bannað að leggja skatt á skatt, en þessir höfðingjar sem eru að setja þessi ósköp á okkur fara létt með það, breyta nafninu á þungaskattinum í olíugjald og skella svo VSK á olíugjaldi. Þetta er stór kostnaðraukning á alla landflutninga og þeim kostnaði verður að sjálfsögðu velt á okkur neitendur, hvað annað. Svo þar fyrir utan verða bílar sem eru yfir 10 tonn áfram á mæli svo það er komið tvöfalt kerfi á þungaskattinum. Þessi breyting átti að vera svo góð fyrir alla, fólk fer nú varla að kaupa disel bíla, sem eru miklu dýrari og þar að auki verður olían trúlega nokkuð dýrari en benzín. Þetta er bara ein skattahækkunin í viðbót á bíleigendur og manni er nóg boðið af þessu rugli.

Hlynur

Reiknimeistarar ríkisvaldsins töldu sig hafa reiknað út að heildartekjurnar yrðu þær sömu eftir breytingu og fyrir. Upphaflega átti reyndar olíugjaldið að vera lægra og þungaskatturinn að flutningabílana að vera hærra (þeir slíta víst vegakerfinu margfalt á við léttari bíla). Vegna mótmæla ýmissa sem sá fyrir hærra vöruverð á landsbyggðinni var olíugjaldið hækkaði í núverandi 45 kr. og þungaskatturinn lækkaður.

kv.

Þorsteinn Þ.

Heyrði þetta viðtal ekki var verið að taka nein efni úr olíunni heldur lækkuðu þeir ekki verð á sama tíma og bensínið, vegna þess að þeir hafa verið að kaupa inn olíu sem er meira hreinsuð til að uppfylla einhver EB skilyrði og vildu meina að þeir væru búnir að taka á sig minni álagningu í einhvern tíma.
Eyðslan ætti ekki að aukast við þetta
kv
SIGGI

Alveg rétt hjá þér siggi, þetta var eitthvað EB dæmi sem ég var ekki með alveg á hreinu hvað var, en það sem mér þótti skrítið er að eyðslan hjá mér hefur verið nokkuð stöðug síðustu 95.000 km. en hoppar upp um rúmlega tvo lítra á sama tíma og þessar breytingar verða. Ég var bara að spyrja hvort aðrir hefðu sömu reynsla til að athuga hvort samband sé þarna á milli. Ég er bara eitt spurningarmerki þar sem ekkert hefur breyst í bílnum, alltaf sama viðhaldið, alltaf nýjar sýjur, olíuskipti regluleg o.s.f.

kv. vals.

Þær upplýsingar sem ég fæ um þetta ,,olíugjald" er það að ráðamenn segja að olían fari ekki upp fyrir 89 kr per lítra. Svo er það annað það mun engum detta til hugar að mótmæla þessu, allir sitja í sínu horni og bölva en engin gerir neitt, Spaugstofan gerði einmitt grín að þessu að það væri nánast engin tengsl á milli nauldurkirtils og minnis. Hvernig væri nú að reyna að gera eitthvað í þessum málum í stað þess að bölva útí horni, láta reyna á samstöðu í þjóðfélaginu.( sem er kannski engin) ég veit það ekki.

Kv
Snorri Freyr

P.s ég er ekki að segja að ég sé eitthvað betri en þið hinir, en á endanum lætur maður valta yfir sig og segir ,, Ég get hvorsum ekkert gert til að breyta þessu "

Sjáið þið ekki plottið ?

Fyrst hækkar hann Haarde olíuna í rúmar 100 krónur því að 45 kallinn er fyrir utan vsk. Svo sjá allir að það er náttúrulega ófært að hafa grútinn dýrari en bensínið og því verður reddað snarlega með hækkun á bensínskatti.

Allt í spaugstofustíl, en ég verð ekkert mikið hissa þótt þetta gangi eftir.

Wolf