This topic contains 10 replies, has 1 voice, and was last updated by 
-
Topic
-
Eins og allir vita færist það í vöxt út í hinum stóra heimi að bílar séu framleiddir á stærri felgum en áður. Svo virðist vera að hin hefðbundna 15″ jeppafelga sé á undanhaldi. Menn hafa lengi barist við að koma 15″ felgum undir bíla hér á klakanum, nokkuð sem er „yfirstíganlegt“ vandamál þegar bremsubúnaður og annað í jeppunum er gert fyrir 16-16,5″ felgur. Núna þegar jeppar á 17″ felgum eru farnir að líta dagsins ljós versnar málið augljóslega og það er orðið talsvert verkefni að græja bremsur og annað fyrir 15″ felgur.
Ég gerðist svo frægur að skoða SEMA showið í Las Vegas s.l haust og þar var alveg greinilegt hvað er að gerast í tískunni þar vestra. Ég held að það megi segja að „stærri felgur, minna gúmmí“ lýsi þeirri þróun ágætlega. Það er greinilegt að jeppar framtíðarinnar verða á einhverju öðru en 15″ felgum að öllu jöfnu, 17″+ þætti mér líklegri stærð á jeppafelgum eftir fáein ár.
Kannski verður hægt að velja eitthvað um þetta fyrst um sinn og e.t.v bjóða framleiðendur áfram 15-16″ til ákveðinna markaðssvæða. Jafnvel það er þó lítil huggun fyrir okkar sérþarfir þar sem við teljumst varla af stærðargráðunni „markaðssvæði“ í þessum skilningi.
Nú virðast framleiðendur stórra jeppadekkja lítið hafa gert í að bjóða dekk fyrir annað en 15″ já eða 16,5″ eins og staðan er í dag. Vitaskuld verða þeir að bregðast við þróuninni á einhvern hátt, en spurningin er hvort að salan hjá þeim tengist á beinann hátt nýjum bílum, eða eru þeir að spá í allt annan markað sem tengist notkun ameríkana á þessum dekkjum.
Verður það næsta skref hjá Artic Trucks að þróa AT405 fyrir 17″ felgur? Voru þeir kannski of íhaldssamir að hanna dekkið ekki strax fyrir 16″? Hvernig sjá menn þessi mál fyirr sér í framtíðinni, verðum við að taka alla nýja jeppa sem skal breyta og umbylta bremsubúnaði (og jafnvel fleiru) til að geta notað undir þá dekk sem virka almennilega í snjó? Eða sér hinn erlendi markaður okkur fyrir lausnum á þessu, hvað segið þið um það?
Kv
Óli
-
Replies
-
Erlendi markaðurinn mun sjá okkur fyrir dekkjum gerðum fyrir stærri felgur. Til dæmis fást [url=http://www.intercotire.com/html/trxus-mt-sts.htm:10dtmy61]TrXus[/url:10dtmy61] frá Interco (Super Swamper) fyrir felgustærðir 15", 16.5", 16", 17" og jafnvel 20". Reyndar virðist strigalögunum fjölga og burðargeta dekkjanna aukast eftir því sem felgurnar eru stærri. Spurning hvort það gerir þessi dekk of hörð til að vera nothæf til aksturs á snjó.
Kv.
Bjarni G.
Sælir félagar.
Hér áður fyrr heyrði ég menn halda því fram að "16,5 felgur væru ekki eins góðar og "15, þ.e. að dekkin á "16,5 felgunum leggðust ekki eins vel og gæfu því ekki eins gott flot í snjó.
Ég hef m.a. heyrt að margir hafi lagt mikið á sig til að koma 8 bolta hásingum á "15 felgur til að drífa betur…
Hvað segja þeir sem reynt hafa bæði númerin?
Ferðakveðja,
BÞV
Það hefur alltaf loðað við 16,5" felgur að dekkjunum gengur ekki vel að tolla á felgunum þegar búið er að hleipa vel úr þeim og þau er dýrari en 15" dekk og minna úrval af dekkjum.
Ég veit að margir 16,5 kallar eru búnir að tala við Magga felgumann útaf Magglock felgubúnaði sem ég er að prufa núna og er nokkuð sáttur við þótt einhverjar smávægilegar breytingar verði kannski að gera á þeim búnaði, en affelgunarhættan úr söguni ef þessi búnaður er settur á felgurnar.
Einn góður maður sem ég var í samfloti með um seinustu helgi í Laugarnar kallaði Magglock búnaðinn "hjólkoppa" en svo var hann búinn að affelga stuttu seinna…..helvíti hvað ég glotti þá og var ánægður með "hjólkoppana".
Eftir að Magglock var sett á felgurnar eru þær hættar að spóla í dekkjunum svo maður er farinn að brosa aftur og orðinn klár í feita páskatúrinn.
Kveðja Hlynur R2208
Ég átti Econoline sem var á dana 44 og Ford 9 og á 15" felgum 14" breiðum. Affelgað alltaf reglulega. Síðan setti ég undir dana 60 að framan og 10 og kvart að aftan. Fékk með því dóti 16,5 og 12" breiðar. Slóraði aðeins með að láta breikka þær, og endaði svo náttúrulega í vetri áður en ég vissi af. Það var svo aldrei neitt úr að ég léti breikka, því mér fannst bíllinn fljóta mun betur á þessum útbúnaði og svo affelgaðist bara alls ekki. Kannski er þetta tilviljun, en samt sat ég sveittur margt kvöldið í einhverjum fjallaskálum og reyndi að smíða kenningar um málið. Það tókst auðvitað bara mjög vel, en ég ætla ekkert að hætta mér út í að birta þær hér.
Strákar höldum áfram að spá út í eitt….
Kveðja
Pétur Gíslason
16.5" felgurnar eru það sem dekkjakallar kalla "kónískar". Það þýðir að sætið sem dekkið situr í hallar inn. Þess vegna er mun auðveldara að affelga þær. Stórar vörubílafelgur 22.5" eru líka svona kóniskar, meðan 20" felgurnar sem finnast á torfærutrukkum og bryndrekum eru það ekki.
Þá eru breiðari felgur alltaf viðkvæmari fyrir affelgun en mjórri felgur.
En Pétur minn, að tala um Econoline og flot í sömu málsgrein, það finnst mér fyndið…
Kveðja
Rúnar (Bullukollur).
Anonymous- Umræður: 0
- Svör: 16404
Hvað segja menn um það að setja 38" á 20" felgum undir sem sumardekk. Ég er aðeins búinn að vera að pæla í þessu, nú eru hlutföllinn hjá mér þannig að hann væri sjálfsagt ókeyrandi á 35" og hef því verið að pæla í einhverri lausn fyrir sumarakstur sem er töluverður hjá mér. Ég held að það sé nokkuð ljóst að því hærri sem felgurnar eru því minna flot er í snjó vegna þess að það er minna gúmí sem hægt er að nota í flot. En maður er kannski ekki mikið að nota það á sumrinn heldur frekar að pæla í akstureiginleikum á malbiki og möl. Er bíll sem er á 20" felgum ekki léttari og eyðsluminni en bíll sem er með meira gúmí að keyra áfram? Þessi kenning miðast þá við að " sé léttari í felgu en dekki, veit reyndar ekki alveg hvernig það er. Ætti hann ekki líka að liggja betur?
Ég veit ekki hvaða mórall þetta er hjá öllum þessum smájeppaeigendum út í alvörubílana. Econolinerinn minn flaut um allt með rúðmið og eldavélina og ísskápinn og olíumiðstöðina og allt hitt sem ég man ekki eftir. Var mest að ferðast með Hiluxum og Landcruserum og þessháttar vögnum. Átti aldrei í neinum vandræðum með að fljóta yfir það sem þeir flutu. Einu vandræðin voru að ég var alltaf að snúa eitthvað í sundur, enda stoppaði 6,9 turbóið ekkert fyrr en eitthvað gaf sig, enda gífurlegir kraftar í lógírnum. Eftir að ég setti sverari hásingar var það vandamál úr sögunni. Ég fór kannski ekki alltaf jafn hratt og þeir, en var samt alltaf kominn áður en að kveikt var í grillinu….;) Og núna kominn á fínan japana dreymir mig samt alltaf gamla góða linerinn.
Rúnar minn vertu duglegur að borða og taka lýsi, og þá verðuru kannski stór….=)
Kveðja
Pétur
Sælir strákar,
eitt svona sem forvitinn langar að vita…
Þannig var að ég var með 12" breiðar felgur og 36" mudder undir mínum "Lappkrúser". Dekkin voru límd á felgurnar af fyrri eiganda og mér fannst það bara flott. En ég komst að því að það var bara ágætis kostur.
Í erfiðu færi, (= að elta 44" Econline á Skjaldbreið) tók ég bara píluna úr og ekkert vesen. Mér tókst ekki að affelga, sem Econlininum tókst, og komst það sem ég vildi. Kannski ekki eins hratt, en ég komst.
Spurningin sem ég er að reyna að koma fram er, eru menn hættir að líma dekkin á felgurnar? Og af hverju?
Kv. úr danaveldi
Markús
Ég mótmæli því alfarið að ég sé eitthvað lítill, og ef ég væri eitthvað stærri, þá myndi ekki passa almennilega í kajakinn, né hrísgrjónafatið (fyrir utan það að þurfa miklu meiri bjór til að finna á mér).
Og hananú.
Kveðja
Rúnsi (með soðna kanta og vænan slurk af límkítti), og alls ekkert svo lítill (bara nota réttu viðmiðin).ps. Var einu sinni með swampera á 12" felgum. Keyrði þau oft á 0 pundunum og affelgaði aldrei.
Ja hérna…Rúnar… Ég get nottlega ekkert sagt við þessu. Það má samt fá ansi stóra kajaka líka…til sko kajakar sem fara vel ofan á sæmilegan liner… nottlega ef menn eru að fíbblast eitthvað í straumvatnskajak þá er hann auðvitað mega hallærislegur ofan á öllu öður en kannski dobbara…
Þetta með stærri bjórskammt er erfiðara…var reyndar sko ekki með bjórdælu í linernum….en það hefði verið pláss fyrir hana..hefði þá bara þurft að innrétta sér bílstjóraíbúð í kjallaranum, og mér fannst það bara ekki þess virði.
Er annars bara sæll og saddur og glaður.
Kveðja úr sveitinni
Pétur
You must be logged in to reply to this topic.