þræði eytt

Það eru smá takmörk fyrir því hvað fólk getur leyft sér hérna.

Var haldinn símafundur um að eyða þessum þræði sem er verið að tala um? hver tekur ákvörðum að eyða póstum? er það einn maður eða fleiri?
Á maður þá von á því að það sem fyrir brjóstið fer á vefnefnd eða einum á manni að því verði eytt?
Hafði þessi bílasali samband og óskaði að þessu væri eytt?var komin lögsókn?
Hvað er í gangi ég bara spyr?
Verður þessum skrifum mínum eytt?
Ég hefði allavega áhuga fyrir því að sjá þennan umtalaða póst.
Kv-JÞJ

Ég skal taka á mig ‘sök’ í þessu þar sem vefnefnd hafði samráð við mig um að eyða þessum pósti út. Vefurinn er fjölmiðlill og klúbburinn (og væntanlega þá ég sem formaður hans) ber ábyrgð á því efni sem þar birtist og þetta voru einfaldlega skrif sem ég er ekki tilbúinn til að bera ábyrgð á. Þetta gildir jafnt þó viðkomandi skrifi undir nafni, sem viðkomandi sá þó sóma sinn í.

Það er mín skoðun að það eigi að fylgja því nokkuð fast eftir að vefurinn sé ekki vettvangur til persónulegra árása á einstaklinga eða fyrirtæki, eða fyrir annað efni sem getur hugsanlega leitt til lögsóknar (meiðyrðamál t.d.). Það má vel vera að viðkomandi hafi réttinn sín megin í þessu máli, en við höfum nákvæmlega enga möguleika til að meta það, hvorki stjórn, vefnefnd né almennir lesendur.

Kv – Skúli

Sælir

Ég var ekki alveg nógu fljótur að skrifa, pósturinn hjá Skúla var ekki kominn þegar ég byrjaði.

Ég tek þetta svar gott og gilt

Kveðja
Izeman

Það er mjög góð stefna að fara ekki út í skítkast á persónur eða fyrirtæki. En ég spyr þó hvort þetta sé ný stefna klúbbsins þar sem ég hef oftar en ekki séð ansi harkalega gagnrýni/skítkast á kostnað fyrirtækja hér á spjallinu sem var þó oftar en ekki nafnlaust. Hver gæti til dæmis gleymt skítkastinu sem var beint á Fjallasport hér um árið? Því var í raun beint að fyrirtæki og persónu!
En það er þó tilefni til að fagna þessari breyttu stefnu.

Kv. Davíð

Það var ég sem skrifaði þennan þráð og svo virðist sem ,,bílasalinn heiðarlegi" hafi svo sterk ítök í félaginu að hann geti fengið málefnaleg skrif (sem auðvelt er að sanna) þurrkuð út. Þetta er ,,lýðræðislegt félag" þykir mér. En upplýsingarnar eru komnar á framfæri og ég þakka allan stuðning.

Kær kveðja

Hrafnkell Harðarson kt. 010373-5819

4×4 nr. R-3361

Það var ég sem skrifaði þennan þráð og svo virðist sem ,,bílasalinn heiðarlegi" hafi svo sterk ítök í félaginu að hann geti fengið málefnaleg skrif (sem auðvelt er að sanna) þurrkuð út. Þetta er ,,lýðræðislegt félag" þykir mér. En upplýsingarnar eru komnar á framfæri og ég þakka allan stuðning.

Kær kveðja

Hrafnkell Harðarson kt. 010373-5819

4×4 nr. R-3361

Getur þú ekki sett þetta aftur inn en slepp því að nefna bílasöluna ?

Davíð nefnir einmitt mál sem fyrir mér var tilefni til þess að taka þessa stefnu upp, sem er umfjöllun hér um árið um Fjallasport. Bílanaust fékk líka einhvern tíman nokkra útreið hér og tók stjórnendur þar nokkur tíma að jafna sig á því, enda hafði umfjöllunin veruleg áhrif á viðskiptin. Þegar verið var að undirbúa gerð nýju vefsíðunnar og leggja upp með hverju við vildum breyta var þetta einmitt á borðinu að reyna að koma í veg fyrir að vefurinn væri vettvangur fyrir persónulegar árásir á menn og fyrirtæki og það má því segja að þar hafi þessi stefna orðið til þó þessu hafi ekki verið framfylgt fyrr með þessum hætti. En sennilega væri óvitlaust að setja þetta nákvæmlega niður á blað og birta á vefnum þannig að þeir sem skrifa viti nákvæmlega á hverju þeir geti átt von.

Varðandi ábyrgðina þá er útgefandi fjölmiðils alltaf ábyrgur, þó staðan sé auðvitað betri þegar skrifin eru undir fullu nafni. Þess vegna setur Mogginn t.d. það skilyrði fyrir birtingu innsendra greina að ekki séu persónulegar árásir þar að finna. Hvar mörkin eru á milli þess að gagnrýna málefni annars vegar og hins vegar að ráðast á einstaklinga getur sjálfsagt stundum verið loðið. En í grunninn liggur munurinn einhvers staðar í muninum á því að segja "þetta er vitleysa sem þú heldur fram" eða því að segja "þú ert vitleysingur" svo einfaldað dæmi sé tekið. En þegar jeppamenn eru annars vegar held ég að það sé útilokað að láta þetta ná yfir tegundaskítkastið þó Patrol/Toyota húmorinn sé að mínu mati löngu orðinn þurrausinn með öllu.

Að lokum vil ég hafna því að þarna hafi haft einhver áhrif hvort viðkomandi hafi sterk ítök innan klúbbsins, slíkt hafði engin áhrif hér.