Þórsmörk – árnar

Það var lítið í, þrátt fyrir rigningu og tiltölulega hlýtt veður.

lítið í Jökulá, og Krossá…Hvanná eiginleg týnd..af flakki og vatnsleysi…eiginlega mest í Steinholtsánni svona miðað við það sem maður er vanur..

En þrátt fyrir vatnsleysið þá er Krossáin alltaf jafn óútreiknanleg.

Ég var rétt kominn yfir í Langadal og byrjaður að spjalla við skálavörðinn þegar Patrol af eldri gerðinni smellti sér í síðastu lænuna yfir í Langadal…fór vel yfir húddið og svo dó hann á bakkanum..

skálavörðurinn brá skjótt við og dró kauða upp á traktor…

reyndar held ég að patrolinn hafi sloppið með skrekkinn….ótjónaður ..utan smá bleytu í teppum..

hér að neðan má sjá festuna…

[url=//old.f4x4.is/new/files/photo/?file=files/photoalbums/4578/32410.jpg]//old.f4x4.is/new/files/photo/?file=files/photoalbums/4578/32410.jpg[/url]

….ef menn myndu nú aðeins lesa ánna betur…en vaða ekki yfir ánna þar sem hun er einna þrengst…og þ.a.l. dýpst. ;o)

Menn tala oft um að vaða ef áin er tvísín t,d pabbi sagði alltaf ef þú getur ekki vaðið þá geturðu ekki keyrt yfir, ég er ekki alveg sammála, tel það svolídið gamli skólinn:o) margir bílar eru orðnir svo öflugir í dag, við reyndum einusinni að vaða þar sem var mikill straumur, náði rétt upp á mitti, það gekk einganveigin við duttum óg týndum stafnum og derhúfunum, þannig að við keyrðum yfir og var það ekkert stór mál á 44".Er kominn með nýja aðferð að keira með húddið frekar á ská uppí strauminn til að sjá hvað það er djúpt, þá getur maður alltaf bakkað aftur, en ef þú dembir þer beint útí með straumnum eins og á að gera ef þú veist hvað þú ert að fara útí, en ef þú veist það ekki þá er ekki aftur snúið takk fyrir.

Mér var kennt vaða fyrst og keira svo ef þú getur ekki vaðið þá keiri þú hanna ekki heldur,en það eru til menn sem fara ekki eftir þessu eins og dæminn sanna.
( Höfum skinsemi með í för )
kv,,, MHN

Ef menn kunna ekki að meta aðstæður þá eiga þeir ekkert
á fjöll eða keira yfir ár og eiga bara halda sig bara á malbikinu.
( Og ekki hafa heilan milli eirna hann er aðeins ofar )
kv,,, MHN

… hvað ég er búinn að fara oft inn í Þórsmörk á hinum ýmsu faratækjum frá handónýtum rútukálfum til öflugra jeppa og einnig á öflugustu fjallatrukkum (4×4 rútum) sem völ er á, en mér hefur aldrei tekist að fara þarna inn eftir án þess að hafa hnút í maganum hvort sem það er lítið vatn eða mikið. Og ég er á því að þann dag sem ég fer framhjá gömlu Markafljótsbrúnni án þessa hnúts er komin tími til að snúa við og fara eitthvað annað. Það vill gleymast að Þórsmörk hefur tekið fleiri mannslíf á síðari tímum heldur en flestar ef ekki allar aðrar fjallaslóðir og maður hefur séð menn sína ótrúlegt kæruleysi og að mínu áliti oft hreinan hálfvitaskap í ánum þarna.

Þegar ég var að keyra rútur þarna inneftir varð ég oft var við það að jeppar sem voru þarna á ferðinni biðu eftir okkur á rútunum til að sjá hvernig við færum yfir og komu svo á eftir okkur og það er svosem eðlilegt en menn gleyma því oft að stór rúta þarf annarskonar vað heldur en jeppi. Margar af þeim rútum sem eru þarna á ferðinni eru með loftinntakið í hátt í tveggja metra hæð og jafnvel með búnað til að geta tekið loftið innan úr bílnum. Hún er líka kannski 10-15 tonn á þyngd og þetta gefur henni færi á að fara í miklu dýpra vatn heldur en jeppi getur leyft sér. Rútan er hins vegar löng á milli hjóla og löng fyrir aftan afturhjól og er þess vegna viðkvæm fyrir bröttum bökkum sem jeppi klifrar auðveldlega uppá. Þess vegna er staðurinn sem rútan fór yfir ekki endilega besti staðurinn fyrir jeppa.
Einhver hérna var að tala um að fara skáhalt upp í strauminn en því er ég algjörlega ósammála og hef alltaf reynt að fara undan straumi ef það er nokkur möguleiki. Fyrir því eru tvær ástæður.
1. Streymandi vatn býr yfir ótrúlegri orku og ef þú ekur á móti straumi þarftu að vinna upp þennan kraft en ef þú ekur undan straumi bætist hann við afl bílsins. Ég veit dæmi um bíla sem hafa lent í að hafa ekki afl til að aka á móti miklum straumi þó að þeir hafi haft grip.
2. Þeim megin sem straumurinn er verður vatnsborðið hærra en undan straumi lækkar það og það þýðir að ef þú ekur á móti straumi ertu fyrr búinn að fá vatið í þá hæð sem loftinntakið er.

Stundum er sagt að ef maður hafi ekkert merkilegt til málanna að leggja, eigi maður bara að halda kjafti.
Ég hef helgað líf mitt baráttunni gegn þeim frasa 😉
Ég er reyndar sammála því að það er "betra" að keyra undan straumi yfir á ef maður kemur því við – en mikið rosalega hef ég oft bitið í varirnar þegar fólk hefur sagt það EINU leiðina til að þvera ár.
Er því feginn að sjá að ég er ekki einn í því að velja stundum leið á móti straumi, þó ég reyndar noti húdddið nú sjaldnast sem mælikvarða á það hvort áin sé of djúp eða ekki, enda ansi hátt upp á húdd hjá mér.
Fyrir utan þetta augljósa, þ.e. að bíllinn erfiði minna, spóli minna, láti betur að stjórn ef hann missir grip, taki síður inn loft (allir með snorkel 😉 og allt það, þá er ein ástæða í viðbót fyrir því að ég reyni frekar að snúa nefinu niður.
Jökulár eru nefnilega nálægt 90% vatn – restin er sandur, grjót og annar framburður sem mig langar ekki vitundarhót að fá í vatnskassann.

Jæja – nóg röfl í kvöld.
Einar Elí
ps. – muna svo að hafa vaðið fyrir neðan sig.

Það er rétt hjá nafna mínum að að fara undan straumi er ekki eina leiðin til að fara yfir, stundum eru aðstæður þannig að það er enginn önnur leið en upp á móti eða að vaðið undan er svo slæmt að skársti kosturinn er að fara upp ánna og þá er bara að láta sig hafa það eða snúa við (sem er ALLTAF kostur). Svo er lika hægt að fara þvert yfir en þá er eins gott að standa klár á því að lenda ekki niður fyrir áætlaðan lendingarstað því að bíll sem fer þvert í straumvatn rekur oft ótrúlega mikið undan straumi.
Hvað það varðar að leggja sig í hættu við að bjarga bílum úr ám veit ég um marga rútueigendur sem banna sínum mönnum að nota bílana í björgunaraðgerðum nema að um líf og dauða sé að tefla. Ástæðan er að þeir eru orðnir þreyttir á skemdum á bílum í svoleiðis æfingum sem enginn er síðan tilbúinn að borga.
Ég held síðan að það sé öllum hollt að fá að skoða myndaalbúmið sem er til hjá skálavörðunum í Langadal með myndum af hinum ýmsu óhöppum í ánum í nágrenninu.