This topic contains 14 replies, has 1 voice, and was last updated by 
-
Topic
-
Jæja félagar maður þorir nú varla að spyrja en hefur einhver farið íLangadal síðastliðna viku eða veit hvernig færðin er ég er að fara með bíl og rútu þarna uppeftir um helgina Þarf náttúrulega ekki að taka það fram að ég er Atvinnumaður 😉
-
Replies
-
Hef reyndar ekki farið í Langadal nýlega, en það er ófært öllum venjulegum rútum inn úr nema leiðin hafi verið löguð nú í vikunni. Vegurinn var víða illa skorinn, við Langanes og á Hvannáraurum.
Þess fyrir utan er Krossá nánast ófær í augnablikinu á móts við Engidal og neðan við Stakk, þar eð hún hefur flæmst gegnum varnargarð og að suðurhlíðunum, í töluðum orðum er hún ansi vatnsmikil.Ingi
Ertu ekki að meina að áin sé fyrir neðan Stak ? Eða hvort er rétt að segja Stakk eða Stak ?
Góðar stundir
Venjulega talað um Stakk. Stakkholtið og Stakkholtsgjá draga nafn sitt væntanlega af honum. Hvort Stakur hafi einhvern tíma verið notað þekki ég ekki.
Kv. Árni Alf.
Rútan er öflug Trölli frá Trex gott væri að heyra ef einhver hefur verið á ferðinni í vikunni
Var að heyra að nokkrir 38 tommu bílar hafi snúið við á Þórsmerkurvegi og í gær átti 44 tommu Liner í erfiðleikum með að komast. Ofan á skorninga og brölt er komin sandbleyta og svoleiðis skemmtilegheit. Í augnablikinu er því færðin hábölvuð.
Kv – Skúli
Ég var búinn að svara þér á Jeppaspjallinu en hér eru þegar komnar miklu betri og nákvæmari upplýsingar.
Það er spurning að maður skreppi nú aftur og skoði aðstæður og í þetta skiptið á mínum eigin fjallabíl
Ef einhverjir ætla um helgina, þá væri gaman að vita af því.kv. Bragi – ekki atvinnubílstjóri
Anonymous- Umræður: 0
- Svör: 16404
Ef ég þekki Trölla rétt þá man ég ekki eftir því að Þórsmörk hafi staðið í vegi fyrir honum hingað til og fór ég margar ferðir á honum þangað innúr,bara að skoða aðstæður vel áður en anað er útí eitthvað þá held ég að þetta ætti að ganga með skynsamum bílstjóra.
KV:Matti
Þegar 46" Ecolinerar eru að sleikja með afturendanum og að reka hann niður, þá er ekki rútufæri. Seinast þegar fór í Mörkina var ekki rútufæri, hvorki fyrir dverga eða tröll..
Læt vita annað kvöld ef þetta er ekki hægt en ef vel tekst til skrifa ég ekki orð fyrr en eftir helgi.
Kveðja Dóri
Ég fór í gær í Þórsmörk og hitti Trölla í Langadal. Hann komst innúr kvöldið áður, ekki mikil vandræði enda vanur bílstjóri sem þekkir þennan trukk vel. Það er sumstaðar sandbleyta og þverár-farvegirnir verulega skornir, aðallega Stakkholtsáin og Hvanngilið.
Færið var ekkert svakalega erfitt en er það líklega fyrir 35" bíla, sérstaklega í lægri kantinum.Við fengum frábært veður, eins og alltaf í Mörkinni, sól, andvari og logn á köflum og ca. 5-7°C. Var best um og upp úr hádegi.
Ég hefði nú boðið ykkur uppá kaffi en ég fór með hópinn í göngu og var rétt ókominn þegar þið rennduð við.
46" Econolinerar eru greinilega stórkostlega ofmetnir
Álíka getumiklir og 35" slyddujeppar samkvæmt ofangreindu…
Anonymous- Umræður: 0
- Svör: 16404
Enda var ég búinn að segja það að Trölli hafi ekki snúið frá Mörkinni áður og með vanan mann undir stýri yrði þetta ekkert mál.Og þó að menn hafi stór orð um að það sé ekki rútufært þá þýðir ekki að taka mið af malbikstrukkum eða 46" Ford.Allavega voru það mín kynni af Trölla og oft fóru ekki aðrir á eftir honum þegar það var ófært í mörkina……
Kv Matti
Það fór 35 tommu patti inneftir á sunnudaginn án vandræða. Hjálpar til að vatn hefur minnkað talsvert síðan á miðvikudag.
Kv – Skúli
You must be logged in to reply to this topic.