Þorrablótsferð Suðurlandsdeildar

Ja, sko, þótt maður þekki nú tilfinninguna sem fylgir því þegar ekkert gengur nema klukkan og allt virðist fast og ófært, þá eru svona ferðir rosalega skemmtilegar svona eftir eitt eða tvö ár, þegar maður er farinn að segja frá þeim fólki, sem ekki var með í þeim. Kærar þakkir fyrir myndirnar. Heldur okkur hinum við efnið.
Bið sérstaklega fyrir kveðju til Gunna Egils.
ólsarinn.

Ég bara á ekki orð, þetta hlítur að hafa verið gaman en ég skil ekkert í mönnum að hafa afþakkað aðstoð stelpnanna. Konan bauð fram aðstoð sína við að lóðsa þá í bæinn en þeim datt það sko ekki í hug að hringja( sem betur fer mín vegna ),karlrembur.En gaman væri að sjá og heyra um þessa ferð upp eftir og heim aftur úr (waterworld) á mánudagsfundi.
Bestu óskir um skjótan bata.
Beggi

Í þessu samhengi má segja frá því að í páskatúr Fjallavinafélagsins Kára (http://www.mountainfriends.com) þar sem við lentum í mjög þungu færi (þungur snjór sem engu hélt í 50 km radíus) kom þessi staða upp. Eini 44" bíllinn í hópnum var allan liðlangan daginn að ryðja, bíllengd fyrir bíllengd, þar sem aðrir höfðu ekkert í færið að gera. Þetta endaði með því óhjákvæmilega að öxull fór í sundur. Þar var það alveg kristaltært að hópurinn deildi þeim kostnaði, þó það hafi verið smámunir miðað við tjónið á Icecool miðað við þær fréttir sem maður hefur heyrt.

Sæll Heiðar!!
Stjórnarfundur verður fljótlega hjá Suðurlandsdeild og verður þetta rætt

Sælir félagar.

Þessi umræða er ekki ný af nálinni og þetta er örugglega mál sem allir eru/verða aldrei nokkru sinni á eitt sáttir um.

Það er alveg ljóst af myndum að dæma, frásögn manna og síðast en ekki síst tala áverkarnir á Fordinum sínu máli, að mikið hefur mætt á græjunni í túrnum. Mér heyrist á mönnum, bæði meðan á heimferðinni stóð og einnig eftir að heim var komið, að IceCool hafi verið með nokkra yfirburði á aðra við þessar aðstæður, þrátt fyrir öll sín tonn… Auðvitað þarf oft að aðstoða þann sem fer á undan við þessar aðstæður, það segir sig sjálft.

Á hinn bóginn er það mín skoðun að við verðum alltaf að gera það sem við gerum á okkar eigin ábyrgð, hvort sem það er að gefa í skafl, draga í spotta eða láta vaða í krapapitt. Ef maður ákveður að gera eitthvað sem leiðir til þess að bíllinn manns tjónast, þá er það á eigin ábyrgð. Þetta hlýtur að vera almenna reglan. Að vísu gæti undantekningin frá þessu verið ónýtur spotti sem sá fasti setti í bílinn hjá manni og maður sleit við eðlilegar aðfarir og stórskemmdi bílinn sinn. (Að lögum er það sá sem dregur sem ber ábyrgðina).

Að mínu viti er lang skynsamlegast að vinna út frá þessu sjónarmiði, því annars erum við í endalausum stúdíum um sök þessa eða hins eða "hópskyldu fjöldans" og "hvort þetta eða hitt atvikið sé sambærilegt við önnur", eins og óli bendir réttilega á. Það sjónarmið gefur líka af sér ábyrgari ferðamennsku og meiri yfirvegun og hugsun hjá hverjum og einum, af því að hann gerir það sem hann gerir á eigin ábyrgð en ekki annarra… Pólitík Hannesar Hólmsteins er sú, að menn fari betur með eigin fjármuni en annarra… 😉

Ég reikna annars með því að fjöldi annarra ökuþóra í þessari eftirmynnilegu ferð hafi dregið bíl(a) og jafnvel einhverjir tjónast (mér sýndist afturljósið á glæpagula 6 hjólinu ekki alveg heilt…). Hvað þá með þá??? Ætla menn að stofna eða samþykkja fyrirfram einhverja tryggingasjóði fyrir hópinn og samþykkja svo og hafna tjónum eftirá???

Ég heyrði í Gunnari sjálfur í gærmorgun um kl. 10.30 og hann var ekkert að fara á taugum yfir því sem á hafði gengið, enda ekki hans stíll. Ég hef ekki heyrt í neinum sem hefur haldið öðru fram en að skipperinn og "bláa hótelið" hafi staðið sig frábærlega í þessum túr og ég tæki ofan fyrir hverjum þeim sem finndi hjá sér hvöt til að taka þátt í kostnaði við að laga "hóteltjónið". Það gera menn þá bara skv. eigin ákvörðun og tilfinningu, en mér finnst langsótt að "skylda" menn í slík fjárútlát.

Til hamingju annars suðurlandsdeild með eftirmynnilega heimferð, mér finnst algert grín að aðeins einn bíll skyldi þurfa að verða eftir í svona erfiðum túr.

Ferðakveðja,

BÞV

Af því ég vísaði í hliðstæðu við tjónið á Icecool úr ferð okkar Káranna í fyrra um páskana þá snýst málið nákvæmlega um það sem Björn bendir á. Að sjálfsögðu er það almenna reglan að hver og einn bér sína ábyrgð í svona túrum og þarf ekkert að flækja það neitt frekar. Mér sýnist það liggja fyrir að Gunnar hótelstjóri á Icecool og nafni hans sem var á 44" Cruisernum í okkar túr ætlast ekki til annars né gera neina kröfu á ferðafélagana. Í okkar tilfelli mátum við hin það hins vegar þannig að tjónið hafi orðið vegna þess að bíllinn þurfti að þola mikið álag til hagsbóta fyrir allan hópinn, meðan aðriri gátu ekki annað en mallað í förunum. Það var því okkar ákvörðun, út frá samvisku okkar en ekki einhverjum reglum, að krefjast þess að bera kostnaðinn … þrátt fyrir mótmæli eigandans. Þetta er ekkert flóknara en það, undantekningarnar frá reglunni fara bara eftir því sem samviska manna býður þeim. Tek það hins vegar skýrt fram að með þessu er ég ekki að leggja mat á hvað menn eiga að gera þarna fyrir austan fjall, ég var ekki í túrnum og er ekki í neinni aðstöðu til hafa skoðun á því. Vildi bara koma með þetta innlegg í þessa umræðu svona almennt.

Skúli H.