This topic contains 5 replies, has 1 voice, and was last updated by 
-
Topic
-
AnonymousÉg var að vafra um og rakst á þetta frábæra þorrablót þeirra norðanmanna, ég get ekki betur séð en dagskráin sé frábær. Þarna ætla menn að gefa öllum séns að komast á blótið, líka þeim sem eru á óbreyttum bílum, svo á að flétta í dæmið ferðum og svo geta þessir sem vilja endilega sofa í fjallaskála gert það. Hinir aularnir verða bara á þessu fína hóteli með bar, sturtu, heitum potti og ekki má gleima alvöru WC fyrir þessa sem sitja þegar blaðran er losuð.
Gisli T
-
Replies
-
Anonymous- Umræður: 0
- Svör: 16404
Þetta ef flot, þeir virast leggja mikið ´i þetta, mér finnst þetta verð eithvað skrítið, 2600 kall???
Þeir hljota að vera sauðaþjófar sem geta selt svona ódýran mat, sorry, ónýtan mat.
Eitt er flott, það verður þarna matur fyrir pitzzu kynslóðina, jibbí.
Ef ekki væri svona helvíti langt þarna norður þá mindi ég skella mér, þetta þarna quality time er freistandi, það segir mín að minsta kosti, hún bölvar alltaf þessum fjallaskálum.kv, Gusti
Flottar ferðir og allt það hjá Eyfirðingum eins og þeirra er von og vísa. En, er ekki allt almennilegt fólk hætt að éta þennan andsk….. þorramat? Ég var að horfa á í verslun súrt hvalrengi (ojbarasta) og það kostaði 2.490 kr. kílóið! Svo var eitthvað fleirra af óætu spiki af vegarollum sem var búið að liggja mánuðum saman í einhverju gráhvítu glundri á lítið lægra verði. Er ekki eitthvað að fólki sem borgar fyrir að éta svona lagað?
Bara ef einhver skildi ekki átta sig á af hverju þorramaturinn kostar svona "mikið", þá meina ég af annari ástæðu en hvað hann er góður, auðvitað er þetta sama tengingin og með eðalvínið, því eldra því betra.
Og menn bara þurfa að borga fyrir gæði, eðlilega.Súrsaðar bringukollakveðjur.
Jón Ebbi.
Anonymous- Umræður: 0
- Svör: 16404
Ólsari, þar kom að því að við vorum ekki sammála félagi! Auðvitað hætta menn ekki að éta þetta góðgæti, hvað sem kransæðasérfræðingar segja. Auk þess er fátt íslenskara en að sitja upp á fjöllum í gömlum Willis (helst með tréhúsi), nú eða Land Rover, horfa á bylinn úti og veiða hrútspunga og bringukolla með vasahnífnum upp úr súrfötunni. Ég hef heyrt um menn sem taka ekki með sér annað nesti í fjallaferðir en súrmeti, grípa bara fötuna með sér á leiðinni útí bíl.
Þá þykir mér ekki ólíklegt að þetta hafi haldið lífi í þeim Fjalla-Eyvindi og Höllu á sínum tíma, en Eyvindur var nú eiginlega fyrsti íslenski jeppakarlinn þó engan ætti hann jeppann.
Verst að þeir sem eru að framleiða þetta góðgæti virðast ekki vita lengur hvað þetta heitir, ég sá t.d. í búð um daginn vacumpakkaða hrútspunga en á pakkningunni stóð "súr eistu". Það er svosem rökfræðilega alveg rétt, en ég hef nú vanist að nota annað orð og svona merkingar hjálpa sjálfsagt ekki til við sölu og útbreiðslu þjóðmenningarinnar.
Kv – Skúli
Sælir félagar,
Ekki verður haldið lífi í landanum á þessum köldu vetrum ef ekki væri þessi súrmatur til.
Ég vil fyrir hönd okkar norðanmanna þakka fyrir áhuga manna á okkar þorrablóti, þessi siður er góður og ekki skemmir ef menn geta fléttað þetta inní sportið.
Ef flatlengingar og aðrir góðir fjallamenn vilja blóta þorran með okkur norðanmönnum þá eru allir velkomnir hvort sem menn eru á 31" eða 44". Það verður svo hægt að taka þassa á litlu númerunum með í þeim fótstóru, eins geta flottir flatlendingar komið með Flugfélag.is til Akureyrar og fengið far á blótið með Akureyringunum.
Ég hef heyrt að Benni Right verði með allan sinn flota kláran ef einhvejum skyldi vanta alvöru fjallabíl.
mbk. mundi
Mundi er meðlimur í Eyjfjarðardeild 4X4 og situr í stjórn deildarinnar, hann hefur látið til sín taka með fárálegum skirfum á netinu, Mundi situr nú í framkvæmdastjórn Þorrablótsnefndar. Mundi er kvæntur Evuminni og eiga þau fjögur börn.
You must be logged in to reply to this topic.