This topic contains 13 replies, has 1 voice, and was last updated by 
-
Topic
-
Hvernig er með ykkur suðurlandsmenn… eru engar sögur úr þorrablótsferðinni… maður heyrði allavega á vhf..inu að það var fjör á leiðinni í Landmannalaugar og af veðurfréttum að dæma ætti ekki að hafa verið minna stuð á leið heim í dag… undirritaður skaust í Laugarnar og til baka á laugardagsmorgun og fannst krapinn þá lofa bara góðu.
Áskorun….koma nú með fréttir
Kveðja
Pétur Gíslason
-
Replies
-
Þeir virðast vera í miklu actioni þarna innfrá, bara komnir 8 kílómetra áleiðis samkv. fréttum frá RÚV.
nú væri gaman að fá beina útsendingu frá hópnum ef einhver er í sambandi við þá.KV: Kátur.
…Þeim hefur greinilega ekki dottið í hug að ráðfæra sig við helstu sérfræðinga í krapa og Landmannalaugum. Ég er viss um að valkyrjurnar úr Kvennaferðinni 2002 hefðu fúslega veitt góð ráð og jafnvel lóðsað þá yfir krapann ef eftir því væri leitað…
:o)
Skv samtali við Jón Bergs formann eru þeir komnir rúman kílómeter norður af Hnausapolli (Bláhyl) og hafa hreyfst lítið síðan kl 4 í gær. Ef að Ice cool væri ekki með væru þeir algjörlega stopp. Þeir eru að vonast til að það lagist færið í hrauninu og að þeir komist heim í kvöld eða nótt. Heiðar
Ég held að aðstæður versni í hrauninu ef þær geta þá versnað á annað borð, þeas dekkjarif,vosbúð,hungur,bilerý ofl.
Ga
Hópurinn er að nálgast hraunið, eru búin að aka heila 2km í dag. SEM ER MJÖG GOTT!
Ga
Var að tala við Jón formann Suðurlandsdeildar, Þeir eiga eftir 2 km í hliðið við Bjallavað og hafa því farið 3,5 km í loftlínu síðan kl 9 í morgunn. Heiðar
Hvernig er staðan hjá þessu fólki núna ???
Heyrst hefur að menn sem fóru á fyrsta þorrablótið í Setrinu séu hræddir um að nýlegt tímamet í þorrablótsferðum sé að falla og það þykir þeim miður.
Kveðja Hlynur R2208
Var að hringja í Jón Bergs. Náði ekki í hann en talaði við son hans. Jón var úti að hjálpa einhverjum að koma dekki á. Þeir eiga eftir 5 kílómetra í Sigöldu og það er búinn að vera þokkalegur gangur síðustu 2 tímana, c.a. 2-3 kílómetrar.
Þeir eru sæmilega settir með olíu, eitthvað búnir að miðla á milli bíla, en eru bara brattir annars. Orðnir soldi þreyttir en þetta hefst allt hjá þeim. Það er seigt í þeim þarna fyrir sunnan.
Við sendum þeim bara góðar kveðjur, það verður gaman að fá lýsingu á þessum túr hjá þeim.
kv.
Eiríkur
Að Gunni Egils sé búinn að skifta um öxul,brjóta framdrif,brjóta afturrúðu og beygla afturhurðir. Ca 1km eftir til Sigöldu. Hópurinn fékk tveggja tíma hvíld í nótt.
GTurbo
Fyrsti bíll er kominn upp brekkuna við Sigölduna og hinir að laumast upp úr hrauninu þar fyrir neðan. Smá bilanir og óhöpp eins og fram kom hjá GTurbo, en þó aðeins búið að skilja einn bíl eftir, Range Rover (Hang over) sem saup víst aðeins á í einum krapapittinum.
Allir hressir, þrátt fyrir að lítið sé orðið um mat og eldsneyti, en þetta er líka að klárast, menn ættu að ná í Hrauneyjar fyrir hádegið.
Sennilega er þetta nýtt met á þessari leið, ca. 48 klst að fara þessa 25 km.
Baráttukveðjur,
BÞV
Anonymous- Umræður: 0
- Svör: 16404
Til hamingju Suðurlands deild að vera komin til byggða og með nýtt met í basli í þorrablótsferð. Við á stór Hafnarfjarðarsvæðinu vorum ný búnir að að setja glæsilegan tíma, 36 t upp í Setur. Þegar það er valtað yfir okkur á skítugum og blautum dekkjum með 48t Landmannalaugar – Sigalda. Nú skora ég á Suðurnesja menn að gera enn betur næstu helgi.
Já, þetta er helvíti gott hjá þeim. Meðalhraði 500m á klst. Glæsilegt hjá þeim..
kv,
heijo
Núna ættu allir að vera komnir til síns heima eftir hamborgara og eldsneyti í Hrauneyjum. "Mis þurrir"
Kveðja Bóndinn
You must be logged in to reply to this topic.