Þorrablót í Setrinu 2004

Kenning Hlyns er athyglisverð, og virðist geta passað vð merkingar á DMA (1/50:000) korti. En það sem Valur segir passar við það sem ég hef alltaf haldið og [url=http://this.is/kayak/tungufl.htm:6vlxyng8]þetta[/url:6vlxyng8] og [url=http://www.nat.is/veidi/tungufljot_arnessyslu.htm:6vlxyng8]þetta[/url:6vlxyng8] sem ég fann með [url=http://www.google.com/search?hl=is&ie=UTF-8&oe=UTF-8&q=tunguflj%C3%B3t+%C3%A1sbrands%C3%A1&btnG=Google+Leit&lr=:6vlxyng8]Google[/url:6vlxyng8]

-Einar

Sælir félagar góðir.
Fyrir fáum árum ritaði Gísli Sigurðsson frá Úthlíð árbók Ferðafélags Íslands um þetta svæði. Hef hana ekki tiltæka hérna í vinnunni en ætla að fletta í henni þegar ég kem heim. Ég man ekki betur en hann fjalli um þetta allt saman og Gísli ætti að vera afbragðs heimildarmaður, fæddur og uppalinn þarna í grenndinni og afar kunnugur svæðinu. Jafnframt kemur fram í bókinni að hann hefur víða leitað fanga hjá þeim, sem hann vissi kunnugasta. Minnir mann enn og aftur á hversu gríðarmikill fróðleikur er saman kominn í Árbókunum.

Ja hvar sat Lúther fastur, það er nú betra að það sé á hreinu. Ég ætla ekki að þykjast vita sannleikann í því máli, en Lúdda vegna finnst mér að menn ættu að sættast á Tungufljót, miklu meiri stíll yfir því að sitja þar fastur en í Ásbrandsá. Það er líka eins og eik segir getur það passað við kort, ef þetta er ekki Tungufljót heita báðar árnar sem mynda fljótið þarna á ármótunum Ásbrandsár.
[img:1ouezt9z]http://www.mountainfriends.com/Images/tungufljot.jpg[/img:1ouezt9z]

En við bíðum spenntir eftir úrkurði árbókarinnar, ólsari!

Kv – Skúli

[img:2u23jlpy]http://www.mountainfriends.com/Images/tungufljot.jpg[/img:2u23jlpy]

[img:2kyjl6vo]http://www.mountainfriends.com/images/tungufljot.jpg[/img:2kyjl6vo]

Áinn heitir Ásbrandsá skv Vegagerðinni, ég var þarna viðstaddur björgunaraðgerðir. Eins og þeir vita sem þarna voru þá var glerhálka á svæðinu. Ég skall þrisvar á rassinn þar af einu sinni ofaná skilti sem lá hálft á kafi í ísnum, á því stóð Ásbrandsá
kveðja
Gunnlaugur

Árbók FÍ 1998 eftir Gísla Sigurðsson, sem ég minntist á hér á þræðinum fyrr í dag, fjallar um þetta svæði, m.a. á bls. 149, en þar stendur og leyfi ég mér að vitna í bókina orðrétt hér á eftir. Vona að Gísli virði mér það á betri veg:
" Sé haldið í vesturátt er beygt til vinstri af Kjalvegi, spölkorni innan við Pokakerlingu og Selhaga, gróðurvin innan við ölduna. Þar er komið að vaði á Ásbrandsá sem rennur í tveimur kvíslum austan og vestan við Ásbrandshólma, langan og mjóan rima sem nær allar götur inn að Sandvatni og er framantil samfelld stórgrýtisurð. Þarna gat verið strembið vað, jafnvel fyrir jeppa, en eftir að stíflað var við Sandvatn og Farinu veitt austur í Sandá 1994, er Ásbrandsá ljúf og falleg lindaá úr uppsprettum á heiðinni, botninn kannski dálítið grýttur en nú á að vera fært yfir ána á þessu vaði á venjulegum fólksbílum. Á fyrri öldum var aðeins eystri kvíslin nefnd Ásbrandsá, en hin Far. Kom það til af því að Farið rann þá ekki alltaf inn í Sandvatn, heldur vestan við það og síðan eftir farveginum vestan við hólmann, En eins lengi og elstu menn muna hafakvíslarnar tvær, hvor sínum megin við hólmann, verið nefndar einu nafni Ásbrandsá." Lýkur þar tilvitnun í ritverk Gísla. Nú ætla ég mér ekki þá dul að segja ykkur hvað sé rétt, en grunur minn er sá að fáir núlifandi menn séu betri til heimildar um þetta en einmitt Gísli.
Hvet svo alla til að kynna sér þessa og aðrar árbækur FÍ, enda er tæplega á öðrum vettvangi að finna jafn mikinn fróðleik um landið okkar, örnefni þess og sögu, samandreginn á einn vettvang.
kveðja frá Ólsaranum.

Ég bakka snarlega með mínar nafngiftir eftir seinasta póst. Ég hélt alltaf að vestri kvíslin bæri bara nafnið Ásbrandsá en núna er þetta allt á tæru. Tek nú undir með Skúla, að það er virðulegar að drekkja sér í fljóti en á, en það verður bara fljót næst hjá Lúdda.

Hlynur

Sæll Lúther.

Það er óhætt að segja að þú "opnir það með stæl" á nýbreytta Patrolnum. En fall er fararheill! Gott að græjan er lítið skemmd eftir þetta ævintýri.

Ferðakveðja,

BÞV

Sælir strákar

Já ekki veit ég ennþá hversu vel ég er sloppinn, það kom í ljós nú í kvöld að bíllinn er farinn yfir á tíma enn ómögulegt er að sega hversu alvarlegt ástandið er fyrr enn búið er að kíkja ofan í hana.

Enn einhver bið verður á að hún verði ökufær aftur.

kv. Lúther.