This topic contains 21 replies, has 1 voice, and was last updated by 
-
Topic
-
Nú fer að líða að þorrablóti inn í setri og erum við hjónin að fara í fyrsta skipti á það. Eru ekki einhverjir tilbúnir að leyfa okkur að vera í samfloti annað hvort föstudag seinnipart eða á laugardagsmorgni. Gaman væri að heyra ykkur.S:698-3468 eða magga@centrum.is.
Kveðja.
Bjarki og Magga
-
Replies
-
Erum að fara á þremur bílum snemma á laugardagsmorgun. Ykkur er velkomið að slást með í för.
Theodór Kristjánsson.
S:6605928
Veðurstofan spáir -20 gráðum á laugardaginn, og ef það rætist ættu menn að tryggja að bílarnir séu hæfilega frostþolnir fyrir helgina, sérstaklega díesel bílar. Olían sem við erum með í dag er á mörkunum að þola svoleiðis frost (þolir svona -20 til -25)
-> nota ísvara, skipta um hráolíusíu ef það hefur ekki verið gert í haust eða í það minnsta tappa af henni vatninu, og jafnvel steinolíublanda olíuna (reyndar kannski ekki sniðugt á nýrri bílum), frostmæla kælivatnið, og yfirfara/skipta um glóðarkertin ef fákurinn hefur verið leiðilegur í gang undanfarið.
Jafnvel sniðugt að taka nokkra auka lítra með af diesel, til að geta látið fákinn bara malla alla nóttina.
Sjáumst
Rúnar
Sælir félagar
Hann Benni í Bílabúð Benna ætlar að borða með okkur þorramat í Setrinu og ætlar hann að bjóða þeim félögum sem fara á blótið í hressingu áður enn fólk brunar úr bænum bæði á Föstudag og einnig fyrir þá sem fara á Laugardagsmorgunn.
Hann segir okkur meira frá þessu á fundinum í kvöld.
kv.Lúther
Anonymous- Umræður: 0
- Svör: 16404
Pláss fyrir fleiri bíla? Hef einnig hugsað mér að fara laugardagsmorgun. Erum tveir. Búnir að ákv. hvaða leið á að fara?
Sælir félagar.
Ég vil aðeins taka undir það sem Rúnar skrifaði, að menn athugi vel með raka í eldsneytiskerfum bílanna. Olían sem verið er að nota á að þola -21 gráðu en það þýðir að hún gæti verið farin að þykkna við -18.
Annars óska ég ykkur öllum góðrar ferðar og vona að þið eigið ánægjulegt blót.
Kveðja
Ella.
Sælir félagar og félögur!
Ég stefni á það að fara ekki Sóleyjarhöfðavað heldur einhverja leið skemmtilega á blótið.
Jafnvel spurningin um að kíkja á Hveravelli á föstudaginn og baða sig svo maður verði nú hreinn og sætur á blótinu.
Einnig vill ég minna þá sem eru á bensín fákum að glotta bara en hlæja ekki þegar grútarbrennararnir eru að rembast í gang á morgnana.
Kveðja Fastur
Það þorir enginn annar .. he he
uhh.. hmm .. hérna .. ég get eiginlega ekki sagt neitt fallegt og uppbyggjandi fyrir þá sem stefna á Sóleyjarhöfðavaðið annað en góða skemmtun í litla bíltúrnum ykkar.
Kveðja Fastur
ps. Þarf maður að vera búinn að setja bílinn saman fyrir ferðina?
Ef þú nærð ekki að skrúf’ann saman þá er alltaf pláss á pallinum hjá mér fyrir svona fjórhjól. Láttu mig bara vita í tíma hvort ég eigi að kipp’onum með
Kveðja
Rúnar.
Sæll þú hárprúði mömmustrákur
Ég er að velta fyrir mér hvað ég eigi að geyma mikinn mat eftir fyrir ykkur ef þið kæmuð ekki fyrr en á Sunnudagsmorgunn eða hvort ég eigi að keyra matinn til ykkar út á sléttuna þar sem þið snéruð við í fyrra, það er ekkert aukavesen fyrir mig enda ekki nema 1,5 km frá Setrinu:)
kv.Lúther.
p.s. vonandi verðurðu ekki ný klipptur þó þú verðir ný baðaður.
Rúnar.. Ég þakka gott boð, ég bjalla bara í þig ef ég næ þessu ekki 😉
Ég gæti náttúrulega reynt að klára þetta á pallinum meðan þú keyrir uppeftir 😀
En Lúther ég var ekki 1,5 km frá setrinu ég var 15 km frá setrinu. Smá munur þar á.
En ég skal reyna að komast alla leið frekar hreinn.En ekki á ég von á því að ég klippi mig.
Sjáumst upp frá .
Kveðja Fastur
Fastur ef þú festir þig mjög fast þá get ég komið á grútarbrennaranum og dregið þig upp í Setur.
Kveðja, Theodór.
Sæll Theodór
Með glöðu geði þygg ég spotta frá ofur grútarbrennar þínum.
En helst vildi ég vera búinn að festa mig áður. Það er skammarlegt þegar menn eru farnir að binda í mann af gömlum vana hvort sem maður er fastur eður ei.
Kveðja Fastur
Sælir félalagar
Ætlar einhver af ykkur að taka með ykkur sleða upp í Setur?
Ef svo er .. Er pláss fyrir auka sleða úr Hrauneyjum í bæinn eða á selfoss?
Kveðja Fastur
Eru eitthverjar fréttir af því hvernig þeim sem lögðu af stað í gær gékk? Eftir [url=http://www.vedur.is/athuganir/sjalfvirkar/setur:3w4t4niq]sjálfvirkum veðurathugunm[/url:3w4t4niq] að dæma, snjóaði talsvert við Setrið í gær, síðan hvessti og er búinn að vera stormur í nótt.
-Einar
Jú ég frétti af Seturs förum kl 21 í gær kvöldi. Þá áttu þeir eftir 1,3 km í Setrið. Voru þeir á 7-8 bílum, og var færið það slæmt að þeir voru búnir að vera 4 tíma frá Sóleyjarhöfða. Hlynur og Sindri voru að riðja leið, og sagði Lúter að 38" bílarnir kæmust ekkert nema í hjólförum.
Og var Hlynur þá stundina að riðja. Semsagt 44" ló-ló færi og ekkert miðar áfram. Ég er hræddur um að það gangi illa inn eftir fyrir aðra í dag, ef ekki eru 44" lóló bílar í för. Og ég held að menn ættu ekki að reyna að fara aðra leið en Sóleyjarhöfðann, ef það á ekki að endurtaka leikinn frá því í fyrra.
Jón Snæland.
Ég var að spjalla við Sigþór, sem staddur var í Setrinu.
Og sagði hann að færið hefði veri þannig í síðustu km´að púðrið hefði verið upp á húdd hjá Hlyn þegar hann var að riðja. 2 bílar eru fastir milli Setursins og Sóleyjarhöfða eru þeir ekki saman. Eru þeir í VHF sambandi við Setrið. Og er dautt á öðrum og skefur inn í hann og átti það fólk slæma vist í nótt. Anna bíll er fastur 400 m frá Kerlingafjallarskálanum. Einn bíl var skilinn eftir við Sóleyjarhöfða með brotið framdrif í gær.
Sigþór vildi benda þeim á sem ætla í Setrið í dag, að reyna ekki við aðra leið en Sóleyjarhöfða leiðina.
Veðrið hefur verið að ganga niður í Setrinu en Sigþór sagði að aftaka veður hefði gert eftir að þeir komust í hús í gær.
Ég var að tala við hlyn hann sagði að þeir hefðu komið í setrið kl 10 í gærkvöldi.Hann sagði að það væru komnir um 30 mans í setrið ,einhverjir hefðu snúið við vegna slæms færis .Einn bíll er að koma að norðan og er hann 3 km frá setrinu fólkið hafði við í bílnum í nótt og beið þess að veðrið lagaðist en það er á ferðinni núna.
Sæll Ofsi.
Hvað kemur til með að þú ert ekki á ferðinni í þessari "blíðu" ? Ætlar kannski enn einu sinni að slá í gegn á morgun, er þú ferð á móti einhverjum með spottann fína og nærð þér þannig í þennan fína björgunartúr. Þú er alveg ótrúlegur í þessum útpældu ákvörðunum þínum… En ef þú ferð, hringdu í mig og segi bara eins og Freysi: "Maður sleppir ekki góðu basli".
Annars er maður alltaf jafn hissa á að vakna á morgnana hér í borginni og góða veðrið ætlar að gera mann alveg brjálaðan. Svo er vitlaust veður allt í kring, bílar fastir, útaf og allt í mega brasi og logn í bænum.
Hann Ingó var ekki svo galinn hér í denn að velja sér þessa vík til að búa í. Sjáið td Keflavík, alltaf rok og þegar það kemur loksins logn, detta allir beint á andlitið.
Baráttu kveðjur til allra í fjöllunum.
Palli
Anonymous- Umræður: 0
- Svör: 16404
Er ekkert meira að frétta af þorra ferðalöngum? Þetta er að verða svona skemmtilegur árlegur viðburður að fylgjast með þessari ferð.
Kv. Hörður
Já drengir það er alltaf jafn gaman að fylgjast með þessum Þorrablótum. Verst er að þeir eru utan ??????? þjónustu svæðis nú sem stendur. Rottugengið skrapp á Hellisheiðina í dag og fórum við yfir hana og niður að Þingvallavatni. Þetta var hörku túr. Og ég festi Runnerinn í láa drifinu, og fékk hann engan veginn úr því, þannig að við voru dágóða stund að sníglast heim á 27 kílómetran hraða.
Það var fullt af fólki víð Nesjavelli að spóla, og heyrði í þeim Flugsveitarmönnum á leið í Hvanngil. Til að blóta Þorra. Þó ekki Björn Þorra.
Jón Snæland.
You must be logged in to reply to this topic.