Þjórsárver

Ég er sammála magnum að fólk skoði þessar síður og kynna sér þær framkvæmdir sem eru fyrirhugaðar á þessu svæði. Ef Norðlingaöldustífla verður byggð þá hefur það í för með sér að Sóleyjarhöfðavað sekkur og sú ágæta leið verður ekki fær lengur og það lengir ferðina í Setru töluvert mikið. Eftir að hafa farið um þetta svæði og séð skilti sem er búið að setja niður um vatnshæð á fyrirhuguðu lóni er ég mjög á móti að þarna verði virkjað. Því miður komst ég ekki á fundinn þar sem fulltrúi Landsvirkjunar kom og skírði sitt mál,en eftir að hafa skoðað svæðið er mér nokkuð sama hvað hann hefur sagt. Sem dæmi má nefna að leiðin norður að Bólstað mun fara að mestum hluta undir vatn og Tjarnarversskáli trúlega enda sem neyðarskýli á eyðieyju í lóni Landsvirkjunarmanna. Ég hvet menn og konur til að mynda sér skoðun á þessu máli og leggja orð í belg um þessa umræðu hvort sem það er með eða á móti.

Kær kveðja Hlynur Snæland R2208