Þetta er nú komið í algera vitleysu!!

Það er nú líklega ekki mikill vafi að Land Cruiser 80 typan er einhver heppilegasti bíll sem hefur verið fluttur inn. Því miður held ég að LC 100 sé ekki eins heppilegur, þrátt fyrir að þetta er auðvitað gæðabíll sem slíkur. Það var afleitt að fá þessa bíla ekki lengur með heilu röri að framan. Sama á auðvitað við um Hi Lux. Þar vantar hinsvegar vélarafl og sterkari hásingar. Mér er hinsvegar sagt, að það sé framleiddur bíll hjá þeim í Toyota, einhverskonar 100 typa, en með heilli hásingu að framan, frekar spartanskri innréttingu o.s.frv., og sé notaður mikið af alþjóðlegum hjálparstofnunum o.s.frv. líkt og 70 bíllinn. En þarna er eldsneytiskerfi, sem reglugerðapáfunum í Brussell fellur ekki svo þeir fást ekki fluttir inn til almennra nota í Evrópu. Þessar typur eru framleiddar með "gamaldags" eldsneytiskerfum svo auðveldara sé að láta þá ganga þar sem ekki er hlaupið inn á verkstæði með fullkomnum rafeindabúnaði ef eitthvað fer úr lagi. Verðlagningin á LC80 stafar líklega af því að menn vilja enn eiga þessa bíla, þrátt fyrir að þeir séu allir farnir að eldast talsvert, vegna framangreindra kosta. Þetta Brussell kerfi er okkur því mjög til ama, því það sér líka til þess að við fáum ekki Nissan Patrol með þeirri vél, sem er í raun hönnuð í hann og er sambærileg að rúmtaki og afli við vélina í LC 100. Geländewagen hef ég aldrei ekið, held hinsvegar að body-ið á honum sé svolítið ryðsækið. Vélarnar eru svolítið misjafnar, 5 cyl. vélin á við lekavandamál að stríða eins og þekkt er úr 5 cyl. Musso, skiptir ekki máli hvort hún er framleidd í Kóreu eða Þýskalandi. Drifin, fjöðrunarbúnaður og gírkassar eru hinsvegar alveg fínasta kram. Held að báðir kassarnir séu frá ZF (Zahnradfabrik Friedrichshafen) en er ekki viss.
Nóg bullað í bili.

Veit einhver hver munurinn er eiginlega á Nissan 4.2 og Toyota 4.2 vélunum sem gerir það að verkum að nissan vélin fæst ekki hér? Mér skilst að Nissan vélin stenst ekki einhverjar ímyndaðar mengunarkröfur, en hvað veldur því???

-haffi

"Sterkur"….að cruiserinn eigi ekki heima upp á fjöllum er einungis mín skoðun. ég segi þetta vegna þess að ég myndi aldrei taka þetta dýran og "fínan" bíl upp á fjöll. Frekar vil ég hafa bíl með veltibúri sem hægt er að velta(ef svo færi) án þess að þurfa að gráta nokkrar milljónir. ég myndi bara ekki vilja hætta á það.

Það er rétt sem að einhver hérna sagði að bílarnir myndu seljast á svona háu verði svo lengi sem að einhver myndi vilja kaupa þá. ég get ekkert sagt við því. nema þá skoðun mína að mér finnist vitleysa að bílar, þetta gamlir og mikið keyrðir séu að ganga á svona háu verði, einungis vegna þess að það heitir landcruiser, eða patrol eða eitthvað annað.

til dæmis er cherooke á mun lægra verði,og er þó yfirleitt í sama verðflokki nýr. willys eða wrangler er sömuleiðis hægt að fá sambærilega breytta og landcruiser eða patrol á mun lægra verði.

kv. Arnþór.

Sælir félagar mikið er ég sammála Rx7 um verðið á lc 80
allt of hátt , en svo koma menn með fullyrðingar um að þetta séu bestu og mestu jepparnir en bíddu við hvar eru þeir bestir? ´á malbikinu? ég segi þetta nú bara því að ekki sér maður þá á fjöllum nema í einstaka tilvikum og rekur þá upp stór augu íundrun sinni.
Og varðandi breytingar á jeppum auðvitað skiftir máli hvort auðvelt er að breyta eða ekki Patrol er auðveldasti jeppi til að breyta mikið en mjög grátlegt að ekki fáist 4,2 í húddinu ef það væri hægt ætti patrol hálendið,
ok. Lc 80 er kraftmeiri en Patti punktur og basta.
hálendiskveðja Helgi

Ekki ætla ég nú að fara að fullyrða um hvaða bílar séu bestir, og hef ég nú átt þó nokkrar gerðir gegnum árin.
En einhverra hluta vegna þegar að maður sér ásett verð á notuðum bílum, fæ ég þá tilfinningu að það sé stór skortur á slíku hér á landi…..
P.S.
Smá hugleiðing um bílanotkun.
(Þetta er náttúrulega ekki raunhæft, en samt…)
Bíll sem er ekinn 20 þús. á ári.
Ef að þessum bíl er ekið af stað 1 janúar og ekið er að meðaltali á 80 km. hraða á klst. 10 tíma á dag.
Hvenær er búið að aka þessa 20 þús.?
Svar: 25 janúar…..