Þetta er nú komið í algera vitleysu!!

Það er líka svona verðlagning á Patrol.
Þessir bílar eru hannaðir sem ofvaxnir fólksbílar en það er þó hægt að breyta þeim í ofurjeppa (það er Land Cruiser, Patrol er bara drusla).

Hvaða bílar fóru í mesta jöklatúr í mannkynssögunni? Voru það ekki Arctic Trucks-Land Cruiserarnir? Samt finnst mér þessi endursöluverð á LC og Pjattrollum of há. Eins og Mazda RX-7 sagði þá eru þetta oftar en ekki óbreyttir bílar.

Þrátt fyrir það eru Toyota bílar eins og HÞS segir: Tákn um meiri gæði en Datsun;)

Viva la Toyota!
Toyman

Voru þeir ekki líka að brjóta helling af gormum?????????

Með pattakveðju.
Karl Guðjónsson.

Það er nú alveg ljóst að menn eru ekki sáttir við verðið á þessum bílum. Ég var það svosem ekki heldur áður en ég eignaðist svona bíl. Ég Á LC80VX 1991 sjálfskiptan, sem er ekinn 298.000 km. Ég borgaði um 1,5 milljón fyrir bílinn, ég hef sett hann á ný dekk og felgur, sett í hann nýja ytri framöxla og tímareim.

Félagi minn verslaði sér um svipað leiti á svipaðan pening 1997 Pajero 2,8TDI sjálfskiptan og er það svosem ágætis bíll, en ég fengist aldrei til að skipta við hann á mínum Landcruiser sem er ekinn um 120.000 km meira og er 6 árum eldri. ALDREI !!!

Hvers vegna ? Nefnum bara umboðin til að byrja með, svart og hvítt þegar kemur að þjónustu og verðum á varahlutum. Krúserinn sem skortir ekki afl eyðir ekki mikið meir en Pajero, hann tekur 8 í sæti og á samt eftir pláss fyrir farangur og gæti jafnvel dregið á eftir sér kerru fullhlaðinn. Að aka LC80 800 km á dag er eitthvað sem ég væri til í að gera oftar og leyfi ég mér um að efast að margir bílar fari eins vel með mann eins og LC80, skröltlaust.

Málið er einfalt, þetta eru yfirburða bílar sem eigendur láta ekki af hendi fyrir eitthvað klink, þeir sem vilja eignast svona verða bara að borga fyrir þá vilji þeir eignast einn slíkan.

Og Hr. RX7, ef þú myndir auglýsa ’96 LC80VX á 2 millur sléttar þá myndi kvikna í símanum þínum.

Það var nú bara málmblöndunni að kenna. Hún þoldi ekki frostið. Þegar ég las póstinn hans Toyman (snillingur) þá langaði mig til að skella þessari líka snilldarmynd í tækið (Torfærutröll á Suðurskautslandinu) og þar kom það fram að málmblandan þoldi ekki frostið, gormarnir fóru álíka illa og patrol hedd.

Toyota, tákn um meiri gæði en Datsun!
Haukur

Toyman

Ef Patrollurnar eru svona mikið drasl af hverju er svona auðvelt að breyta þeim og fyrir 44"

Ég hef ekki séð einn LC 90 á 44"

Einu Land Cruiserinn sem ég hef fílað er 80 Cruiserinn og mér finnst það vera skömm að setja Toyotu merkið á hann! Það hefði verið gáfulegra að setja Lexus merkið á hann því í mínum augum kemur LC 80 ekki frá Togaíogýta!

kv, Geiri Gúrka
Hatar díseldruslur

Greinilega ekki margir hér sem hafa prófað Mercedes Benz Gelandewägen. If you do there is no turning back!

gúrka, lc90 hefur lítið, eða ekkert verið breytt á 44" því að drifbúnaður að framan þolir það ekki. en ég skil eigi hvað pattarnir hafa komist langt á þessu takmarkaða vélarafli sínu. svo er pattinn líka mikið þyngri en lc90, og lc90 færi trúlega minna á 44" en á 38", því að hann færi trúlega ekki af stað, sökum álags á drifbúnað, og mótorinn væri trúlega ekki að snúa hjólunum, heldur bara eins og kúplað væri

en sjálfur hef ég ekki skilið hvað þykir svona flott við að eiga lc90, en lc80 er bíll sem að mig langar í, hann er lang flottastur (að mínu mati) og svo er þetta bara fínn bíll í utanvega akstur, en mig langar EKKERT til að borgann 😛

Ég tek undir með Snorra hér á þræðinum. Það er öllum frjálst að setja hvað sem þeir vilja á bílinn sinn. Það breytir ekki neinu um hvað þeir fá fyrir bílinn, því það er kaupandinn, sem ræður því hvaða verð fæst fyrir bílinn, eða hvað sem selt er.

Ef einhver er svo hrifinn af einhverjum bíl að hann er tilbúinn til að greiða himinhátt verð, og hefur aðgang að fjármagni, þá er það lukka seljandans.

Svo í lokin, þá er það gjarnan svo að þeir, sem skipa bílum í besta og versta eftir tegundum, eru gjarnan að tala á trúarlegum nótum.

Ég skil ekki hvers vegna það þarf sífellt á þessum vef að vera að tala illa um náungann og bílinn hans. Heilu þræðirnir spretta upp eða eru gleyptir þar sem verið er að segja að þessi bíltegundin eða hin sé drusla og komist ekki þetta eða hitt og líklega bara alls ekki neitt. Nánast undantekningalaust eru engin rök færð fyrir málinu. Það er eins og eini tilgangur margra innleggja sé að lengja lesturinn fyrir þeim sem eru að reyna að lesa þræðina sér til gagns og e.t.v. gamans.

Tilvitnun:
?landcruiser eru alls ekki lélegir bílar, mér finnst þeir bara ekki eiga heima upp á fjöllum. verðið á þeim er líka alltof hátt. Þótt að gæðin séu mikil.?

Þessi segir að LC séu ekki lélegir, segir reyndar að gæðin séu mikil. Gott og vel. Ágætis rök fyrir háu verði þessara bíla og því efni í umræðu þráðarins. En hver eru þá rökin fyrir því að LC eigi ekki heima á fjöllum?? ENGIN!

Tilvitnun:
?Það er líka svona verðlagning á Patrol.
Þessir bílar eru hannaðir sem ofvaxnir fólksbílar en það er þó hægt að breyta þeim í ofurjeppa (það er Land Cruiser, Patrol er bara drusla).?

Hér eru engin rök færð fyrir því að Patrol sé drusla. ?Hann er það bara? að áliti þess sem skrifar. Þetta minnir á ?Af því bara? rök í leikskóla. Ha? Af því bara!!! Samt selst hann bara dável og margir aðilar í ferðaþjónustu sjá nógu mikið við hann til þess að hafa þessa bíla í þjónustu sinni. Það segir líklega eitthvað um bílinn og þá frekar gott en vont ekki satt?

Tilvitnun:
?Ef Patrollurnar eru svona mikið drasl af hverju er svona auðvelt að breyta þeim og fyrir 44" ?
Mér finnst það ekki nokkur mælikvarði á gæði bíla hvort það er auðvelt að breyta þeim eður ei. En ég vísa í ummælin að ofan um Patrol. Virðast vera ágætir bílar. Þeir sem ég þekki sem eiga Patrol tala vel um þá nema ef vera skyldi vélarafl. En það virðist ekki há mönnum meira en svo að þeir vilja ekki skipta þar sem þeir telja sig ekki fá annan bíl sem hentar þeim betur.

Ég á sjálfur LC 80 og líkar vel. Þekki reyndar ekkert annað af eigin raun og hef engan samanburð* nema við gamlan Bronco I sem pabbi átti. Það voru fínir bílar líka en voru plásslitlir. Ég held að flestir þeir bílar sem rætt er um á þessum vef séu vel nothæfir til fjallaferða. En þegar kemur að því að fara lengra en næsti maður skiptir líklega bílstjórinn (og e.t.v. dekkin ) meira máli en nokkuð annað.

Það væri óskandi að menn reyndu að vera svolítið uppbyggilegri í skrifum sínum á vefnum og færðu rök fyrir máli sínu í stað þess að vera eins og fimm ára krakkar í sandkassarifrildi. Það er ferlega pirrandi þegar góður þráður um áhugavert efni hverfur í einhverju bulli sem engu máli skiptir. Já ég veit ég þarf ekki að lesa þetta en inn á milli eru oft gullkorn sem vert er að lesa og eiga fullt erindi inn á vefinn.

Sá eini sem gaman er að lesa níðingsskrif eftir er Patrolman. Hann skrifar ekki oft og því verður enginn (ég amk ekki enn) leiður á honum. Einnig er hann ótrúlega staðfastur í skrifum sínum og orðheppinn með eindæmum. En ég nenni ekki að lesa bullið eftir hann í hverjum þræði. Af og frá!

*Ég hef reynsluekið Mercedes G og ég tek undir það að ég vildi engan annan bíl eiga. Er bara of dýr fyrir mig. Ég skil ekkert í þeim sem eiga salt-nóg af peningum að flytja ekki inn nýlegan G-blett og láta breyta honum fyrir 38" eða 44". Draumur í bænum og enn betri utan vega. Kemur með feikinógu afli, er tiltölulega vel gerður til fjallaferða og vantar samt ekkert upp á þægindin.

Varðandi verð á bílum þá held ég að markaðurinn ráði algerlega verðlagningu þeirra. Svo lengi sem það er kaupandi að vöru á verði x þá selst hún á því verði hvort sem einhverjum finnst það of hátt eða ekki. Þetta er svipað og hlutabréfamarkaðurinn. ; )

bkv. S

Það eru náttúrulega gömul sannindi og ný að hlutir (þ.m. jeppar), eru hvorki meira né minna virði en einhver vill borga fyrir þá. En þetta þarf varla að segja nokkrum manni!

Friðrik H. Friðriksson