Þarf að skoða hlut jeppa í slysum?

Svona úttekt gæti reynst hættuleg fyrir jeppamenn þar sem álit umferðarráðs hlítur að vega þungt við laga- og reglugerðarsetningar um umferðarmál (ekki þarf nema eina reglugerð til að stór hluti jeppaflotanns verði kyrrsettur, um tíma að minnsta kosti).

En hvað er það sem umferðarráð ætlar að rannsaka? Er það búnaður breyttra jeppa sem veldur umferðarslysum (brotnir stýrisarmar, felgur eða annar búnaður sem átt hefur verið við)? Eru það breyttir aksturseiginleikar sem valda slysum og þá hvernig (það er ekki nóg að segja ?Ljóst sé, að ef bíll er óstöðugur vegna dekkjastærðar…?)? Eru það kannski bílstjórar breyttra jeppa sem eru hættulegir en ekki bílarnir sjálfir?

Ég held að ef umferðarráð myndi rannsaka samhengið milli umferðarslysa og hækkandi hö/kg kæmu jepparnir mun betur út en litlu kraftmiklu sport/fólksbílarnir, en það er líklegast ekki á döfinni hjá þeim. Fylgjumst vel með þessu því hrein tölfræði gæti komið illa út fyrir jeppamenn.

Með kveðju
Daníel Gíslason

Sælir.
Ætli þessi könnun stafi ekki af því að í sumum af þessum slysum þá lenda fólksbílarnir yfirleitt illa út úr því að lenda á breyttum jeppum. Fólk í fólksbílunum slasast verr EN ef það lendir á fólksbíl. Þeir taka kannski frekar eftir þessu ef um stóran bíl er að ræða sem lent hefur á litlum eða öfugt. Og þess vegna hafi þeim dottið í hug þessi könnun.
ice

Megin atriði í svona könnun er að það sé rétt staðið að henni og ætti tækninefnd 4×4 að beita sér í málinu,það er örugt að lítill fólksbíll sem lendir á jeppa sem er 1m upp í stuðara eða sils,fer mjög illa,en það þarf hinsvegar að koma fram hver veldur slysinu o.s.fr.í sambandi við stöðugleika og aksturseiginleika breytra bíla eru engar tölur til eða upplýsingar til samnburðar við óbreytabíla.
Aðal málið í svona könnun held ég að forsendurnar séu réttar í upphafi.það er staðreind að verstu slysin eru þegar bíll sveigir á öfugan vegarhelming og beint framan á hinn og vissulega fer hann ver ef það er upphækkaður jeppi sem hann lendir framaná, en hvað á að gera banna upphækkaða jepp,vörubíla,fluttningabíla,rútur,bíla sem eru yfir 2t.
en ef forsendur í byrjun eru ekki réttar verður niðurstaða vittlaus. Kv Ingvar

Sælir allir,

Fjallasport gerði samskonar "hallapróf" á þeim bílum sem þeir breyta, ég man nú ekki tölurnar eða allar gerðir af bílum sem þeir prófuðu. En sammerkt var með þeim öllum að þeir þoldu amk jafn mikin hliðarhalla breyttir og óbreyttir.
Ég man að Nissan DoubleCab þoldi amk 2° meiri hliðarhalla 33" og 35" en orginal bíll jafnvel þó þeir væru með húsið á pallinum en orginal bíllinn ekki. (Ég man eftir þessu þar sem ég lagði til 35" bílinn)
Einu sinni átti ég LC90 Cruser sem ég keyrði bæði óbreyttann og 33"/35" breyttan og ég er sammála BÞV um aksturseiginleikana, mér fannst hann betri og skemmtilegri í vega akstri breyttur en óbreyttur!
Svo breyting upp í 35" ef hún er faglega og vel útfærð er jafnvel til bóta.
En þegar dekkin verða stærri 36" – 44" eru það gæði þeirra sjálfra sem draga aftur úr aksturseiginleikum jeppanna ekki endilega breytingin á bílnum sjálfum. Þeir þurfa þó ekki að verða verri en orginal! Eftir minni reynslu eru aksturseiginleikar ALVÖRU jeppa, ekki jepplinga eða fólksbílajeppa, bestir á 33/35".
Svo það verður gaman að sjá hvernig bílarnir haga sér á nýju ArticTruck dekkjunum ef þau halda það sem Toyota lofar.

Meiri snjó takk!
Siggi_F

P.S. Varðandi driflásin á LC90, ef ekkert hefur verið átt við hann er ekki hægt að setja hann á nema í lága drifinu
SF

Sæll Danman.

Ég fæ ekki séð að það skipti nokkru máli hvort svona hallapróf er gert með lyftara, krana, talíu eða einhverju öðru. Það sem uppúr stendur er að í svona prófi þoldu bílarnir jafnmikinn eða meiri halla en óbreyttir bílar. Það hlýtur að mínu viti að skipta máli hvort bíll er valtari/stöðugri eftir breytingu, en vissulega er það ekki bara það sem ræður aksturseiginleikum bílsins.

Mér finndist fengur í því ef þú eða aðrir sem vit hafa á, gætu upplýst menn um leiðir til að mæla á vísindalegan hátt getu bílanna (aksturseiginleika) fyrir og eftir breytingu. Mér finnst að við eigum ekki að gera lítið úr þeirri viðleitni manna að rannsaka tiltekna þætti (eins og stöðugleika), því við höfum öll hagsmuni af því að fá sem flest próf og athuganir á þessum málum til þess að raða saman í heildarniðurstöðu (ef hún fæst nokkurntíman).

Margir Breytingaaðilar hafa velt fyrir sér leiðum til að kanna þetta heildstætt. Hins vegar eru ýmsar leiðir mjög dýrar (t.d. ef fórna þarf bílum í þágu rannsóknanna), þannig að allar vel ígrundaðar ábendingar um leiðir eru vel þegnar og ég veit að ekki skortir viljann hjá þessum aðilum.

Með ferðakveðju,

BÞV

Sæll BÞV,

Það er rétt að það getur ekki skipt máli hvort prófið er gert með lyftara, talíu eða bara tjakk. Það sem skiptir máli er, að prófið er kyrrstöðu-próf og segir ekki til um hvernig bíllinn hagar sér á ferð. Svona próf er auðvitað hluti af þeirri viðleitni að skilja og útskýra fyrir öðrum (eins og þeim sem eru á móti breytingum og þar eru víst fleiri en færri um) breytingarnar.

Með kveðju
Daníel Gíslason

ps. Ég er byrjaður að kynna mér hegðun bifreiða, sem og áhrif breytinga og kem ekki til með að liggja á þeim upplýsingum þegar þar að kemur.

Ég hef grun um að talsverðan fjölda slysa, sérstaklega
útafkeyrslna, megi rekja til þess að ekið er í hálku í
afturdrifi eingöngu, á bíl með sjálfvirka driflæsingu. Ég held að
þetta gildi bæði um diskalæsingar (stundum kallaðar tregðu-
læsingar) og 100% læsingar eins og No-spin og LockRight.

Margir, kannske, flestir nýjir jeppar sem eru fluttir hér
inn, eru annaðhvort með handvirkri 100% læsingu eða
diskalæsingum. Flestar Toyotur og Pajero ’91 og yngri
eru með handvirkum læsingum.

Það mætti prófa þessa tilgátu með því að bera saman
tíðni hálkuslysa hjá bílum með og án sjálfvirkra læsinga, t.d.
Pajeoro ??-90 (sjálfvirk) og Pajero 91- (handvrik)
eða Trooper 98- (sjálfvirk) og LC90 (handvirk).

Ef þessi tilgáta reynist rétt, þá getur verið að það sé
ranglega verið kenna breytingum, um slys sem þar sem
röng notkun sjálfvirkra læsinga er meðal orsakaþátta.

Það er greinilegt að hér er á ferðinni heitt umræðuefni og menn strax farnir að óttast nýjar lagasetningar í kjölfar svona könnunar.
Svona könnun yrði náttúrulega einungis af hinu góða og nauðsynleg í þróun og til að auka umferðaröryggi. Menn verða líka að passa sig að flækja málin ekki of í byrjun.

Málið er að svona könnun þarf ekki að vera svo flókin í upphafi. Væntanlega yrði fyrst kannað hvort tíðni breyttra bíla í slysum er meiri en annarra og yrði væntanlega stuðst hvort bílar séu skráðir breyttir eður ei…alveg ljóst að ekki verður skoðað í upphafi hversu mikil breytingin er. Þetta þyrfti svo að bera saman við svipað úrtak á óbreyttum jeppum og svipað úrtak á fólksbílum. Niðurstaða úr þessari könnun sem þessari gefur strax vísbendingu um málin. Ef þarna kemur í ljós að breyttir bílar eru oftar í slysum en t.d. óbreyttir þyrfti væntanlega eitthvað að kafa dýpra og sjá hvort að þessir breyttu bílar eru oftar valdur að slysi eða ei sem er frekar líklegt ef þeir lenda oftar í slysum.Þyrfti að skoða aðstæður o.fl.

Þetta yrði væntanlega fyrsti hlutinn í grófum dráttum…og í þessum fyrsta hluta skiptir engu máli hversu mikið bílunum er breytt hvað þeir þola mikinn halla, og hvernig menn keyra o.s.frv. Spurningin yrði semsagt eru breyttir bíla oftar í (eða valdur að) slysum en óbreyttir. Ef svarið er já þá er ljóst að það er eitthvað sem tengist breyttum bíl sem er þess valdandi að hann er oftar í slysum…hvort sem það er ökumaðurinn sem breytist í ljón þegar kemur á breyttan bíl eða hvort eitthvað mekanískt gefur sig í bílnum.
Til að eitthvað vit væri í rannsókn sem þessari yrði þá líka að fara lengra ef þetta svar er já og reyna að finna ástæðuna, þá verða málin eilítið flóknari. Mætti t.d. bera jafnvel saman dekkjastærð á slysabílum…athuga hvort að það sé einhver fylgni innan bíltegundar, eða hversu bílar eru mikið hækkaðir, hraði á slysabílum í tjóni o.s.frv. Nú ef kemur svo í ljós að eitthvert þessara atriða er meira áberandi en annað í slysum þyrfti væntanlega að skoða hvort eitthvað af þessum mekanískum atriðum hafi gefið sig og orðið valdur af slysinu…ef svo er þá þyrfti náttúrulega að bæta það og væntanlega allir ánægðir með það. En ef ekkert slíkt kemur í ljós þá er væntanlega bílnum ekki ekið miða við aðstæður. Segjum t.d. að ef bíll á 38" dekkjum er oftar í slysi en bíll á 35" dekkjum (að sjálfsögðu miðað við sambærilegar aðstæður)og við athugun kemur í ljós að ekkert mekanískt hefur gefið sig þá má væntanlega draga þá ályktun að bílnum er ekki ekið miðað við ytri eða innri aðstæður sem er væntanlega ástæða langflestra slysa.

Nú ef niðurstaðan er sú að menn aka ekki breyttum bílum miðað við aðstæður í þéttbýli yrði sjálfsagt reynt að setja gagnlaus lög um að lækka hámarkshraða á breyttum bílum og allir eru glaðir ekki satt

Allavega var þetta smáritgerð um hvernig ég held að þetta þurfi að vera og menn mega ekki byrja á vitlausum enda og reyna að finna eitthvað sem er öðruvísi á breyttum bíl og fara til baka og segja að það sé ástæðan, t.d. er ekki hægt að segja að ef breyttur bíll er valtari en ella (sem ég veit ekkert um) þá sé það ástæðan fyrir fleiri slysum…gæti verið eitthvað allt annað sem menn hafa kannski ekki pælt í.

Málið er að fylgjast vel með könnun sem þessari og að níðurstöðurnar séu ekki rangtúlkaðar og að virkileg niðurstaða fáist en ekki sé hætt eftir fyrsta skrefið.
Kv,
Maskin

P.s. Held að menn þurfi ekki að henda bílum eftir Elgs-prófið. Venjulega eru settar grindur með hjólum (hjálparadekk) á bílana til að varna því að þeir fari á toppin.