Það skal virkjað

Norðlingaaldaveita og Kárahnjúkar eiga ekkert sameiginlegt, þetta eru tveir óskyldir hlutir og tengjast ekkert!
Norðlingaalda veitir vatni frá þjórsá við Þjórsárver og yfir í Þórisvatn og gegnum allar virkjanirnar þar fyrir neðan. Það er víst útbreyddur misskilningur að verið sé að byggja vatnsaflsvirkjun í miðjum þjórsárverum og veita svo vatninu alla leið yfir í Kárahnjúka og nýta það líka þar!

Ef Norðlingaalda verður að veruleika þá verður væntanlega byggð stýfla yfir Þjórsána töluvert fyrir neðan Sóleyjarhöfðann og yrði væntanlega hægt að keyra yfir hana og stytta leiðina inn í Setur töluvert.

Eins og Hlynur segir þá gætu þessar framkvæmdir opnað skemmtilegar leiðir fyir okkur, þannig að þetta er ekki alslæmt…

Kv, ÓAG
R-2170.

Ef við viljum að árnar séu brúaðar fyrir okkur og við þurfum sem sjaldnast að aka yfir vöð eða læðast yfir þær á ís, þá er gott mál að fá stífluna þarna. Ef við hins vegar viljum hafa smá ævintýraljóma á sportinu og að fjallaferðir eigi ekki að vera eins og hver annar borgarakstur er það svolítið atriði að Sóleyjarhöfðaleiðin sé ekki eyðilögð, jafnvel þó um leið opnist möguleiki á að fara þarna yfir á brú eða stíflu. Stundum opna LV mannvirkin að vísu möguleika á skemmtilegum "alvöru" fjallaleiðum, eins og brúin inn á Búðarháls enda ekur enginn yfir Tungnaá þar, en í öðrum tilfellum er því öfugt farið.
Kv – Skúli

Já það er rétt Hlynur, auðvitað gat maður alltaf farið Búðarhálsinn fyrir tilkomu brúarinnar. Einhverra hluta vegna fór ég hins vegar aldrei þarna fyrr en núna þegar brúin er komin, leiðin liggur betur við í ferðum núna. Sé hins vegar núna að það var náttúrulega tóm þvæla í öll þessi ár að vera flækjast þarna á LV veginum meðfram Þórisvatni, með þennan fína "náttúrulega" fjallveg rétt vestar.

Spurning hvort sama gerist ef Norðlingaölduveita verður að veruleika, þ.e. að menn fari þar yfir í stað þess að fara þetta fína vað norðan við lónið.
Kv – Skúli

Jú það er líklega rétt að Trippavað fari undir inntakslónið, stíflan á að koma þarna við ármótin og vaðið er varla nema 3-4 km þar fyrir ofan. Lónið á að verða einhverjir 7 ferkílómetrar.

Sælir félagar,

Ég veit að klúbburinn okkar er ekki til í að taka afstöðu með eða á móti virkjunum.
En erum við að láta kaupa okkur með brúm og vegum?
Er allt í lagi að sé virkjað ef við "högnumst" á því?
Ég held að klúbburinn verði að fara taka einhverja ábyrga aftsöðu í sambandi við virkjanamál. Það þarf ekki endilega að vera fast á móti eða með, en mér finnst takmörk fyrir því hvað Landsvirkjun getur valtað yfir náttúru okkar á kostnað einhverra hagsmuna sem eru frekar hæpnir.

kveðja

Halldór

Halldór þú kemur hér með viðkvæman punkt inn í umræðuna. Stundum hefur mér nánast fundist að menn telji það stórhættulegt klúbbnum að ræða þessi virkjanamál, en ég er alveg sammála þér. Það er nefnilega eitt að taka afstöðu með og á móti og annað að ræða mismunandi hliðar á þessum málum og benda á neikvæðu hliðarnar. Sem ferðamaður finnst mér það mjög miður ef skemmtileg vöð fara undir uppistöðulón og stór svæði lögð undir mannvirki, en það er ekki sjálfgefið að ég sé á móti Búðarhálsvirkjun fyrir það. Reyndar finndist mér mest gaman ef við þyrftum enn að fara yfir Tungnaá á gamla kláfnum eða Hófsvaði, en ekki þar með sagt að ég myndi frekar kjósa að aldrei hafi verið farið útí virkjanir við Hrauneyjar og Sigöldu. Við sem ferðumst um hálendið á jeppum erum í góðri aðstöðu til að sjá ýmsar hliðarafleiðingar á virkjanabröltinu, s.s. leiðir sem eru eyðilagðar eða náttúrufyrirbæri sem eru í hættu. A sama hátt er líka sjálfsagt að spá í hvaða hugsanlegar jákvæðar afleiðingar verða, eins og með brúnna yfir Tungnaá eða hugsanlega leið austur fyrir Skaftá ef Skaftárveita verði að veruleika.

Eg held að það verði að vísu tæpast hægt að fara yfir þarna norðan við eins og Hlynur er að velta fyrir sér, því það kemur lítið lón norðan við Langasjó (sem þeir kalla Norðursjó) sem nær nánast frá Fögrufjöllum og upp að jökulrönd. Þetta lón safnar í sig kvíslunum á jökulaurunum, en sunnan við þrengja fjöllin að. Spurning hins vegar hvort verði hægt að komast þarna yfir einhvers staðar sunnan Langasjávar þegar áin er farin?

En nú verður tækifæri til að ræða þessa hluti og fleira af svipuðum toga um helgina á ráðstefnunni í Setrinu. Þar fáum við væntanlega frummælendur frá vinnuhóp um rammaáætlun í virkjanamálum, frá Vegagerðinni um hálendisvegi og Náttúruvernd um friðunaraðgerðir og jafnvel einhverja fleiri (sem ekki hafa getað lofað þátttöku). Þar getum við því fengið allskonar sjónarmið fram og spáð í þetta af víðsýni og með staðreyndirnar á hreinu. Nú er bara að skrá sig.

Kv – Skúli

Ég efast um að það verði til bóta að setja ræsi í veginn meðfram Þórisvatni. Ræsin munu ekki duga til að koma í veg fyrir að vatn renni yfir veginn seinnihluta vetrar, og grafi skörð í hann. Slík skörð geta verið mun varasamari en þessi gömlu góðu sem við þekkjum svo vel.

Skarð sem er metri að dýpt og metri á breidd er getur verið mun hættulegra að lægð sem er 2 metra djúp en 20 metra breið.

Það er oft góður kostur að aka eftir sjálfri Ósöldunni, milli vegarins og vatnsins, þar er maður alveg laus við allt vatnssullið. Í lélegu skyggni myndi ég þó miklu frekar fara Búðarhálsinn.

-Einar