Tetra/gsm

hvaða munur er glopalstar og iridium?Ég sé á yfirlitsmyndinni um dreifingu glópalstar að merkið yfir íslandi er ekki upp á besta máta. En hvernig er með iridium? og þá líka með kostnað í huga.
veit einhver gúrúinn meira?
Kv: Kalli símaær

sælir
Ég hef heyrt að sambandið/gæðin í Irridium sé eitthvað slöpp en það er kannski bara gróusaga Ég vildi gjarnan að einhver gæti staðfest það sem hefur notað þá.
Þeir hjá RSig fullyrtu að það væri kristaltært samband eins og í GSM síma. Spurði reyndar ekkert um fylgibúnað en það hlýtur að vera hægt að fá bíleiningar/festingar.
kv
AB

Sælir.
Ég hef aðeins notað svona irridium handsíma og ég var ekkert of ánægður með hann. Hann átti það til að virka ekki inni í húsum eða ef einhver blockering var á sambandi upp í loft. Fyrir utan það þá var svolítil seinkunn á sambandinu. Ef ég hefði getað valið hefði ég notað NMT frekar og ætla að gera þar alveg fram á lokunnardag kerfisins.

Rétt er að taka fram að þótt seinkunn hafi farið fram og stundum erfitt að ná góðu sambandi gekk það alltaf á endanum og var alveg hægt að nota símann. Síðan verður líka að minnast á það að ég notaði símann inní myrkri afríku en ekki hér heima.

Ívar

Varðandi GlobalStar þá erum við á jaðri þess að vera á þjónustusvæði þar:
http://www.globalstareurope.com/en/content.php?cid=300
Við erum semsagt of norðarlega til að vera trygg með gott samband. Annars væri þetta góður kostur.
Kv – Skúli

Þessi umræða kom upp fyrir nokkru á öðrum þræði hér á spjallinu. En það er sjálfsagt að segja frá reynslunni af Globalstar.
Ég hef verið Globalstar notandi síðan seint á árinu 1999. Keypti mér þá Ericsson R290 símann sem kostaði um 80 þús.
Hann hefur dugað mér vel og verið alveg hrekklaus. Þetta er venjulegur gsm sími (ja, eins venjulegur og 400 gramma sími getur orðið :-)) og ég tek bara sim kortið (Síminn) úr dagsdaglega símanum mínum og smelli í þennan og búið mál. Ef síðan ekki er samband við gsm kerfið þá skiptir hann yfir á Globalstar sjálfvirkt og tengist jarðstöð í Frakklandi. Kosturinn við þetta er, eins og hér hefur komið fram, að ekki þarf að greiða mánaðargjöld af þessari þjónustu, það er sama númer og
venjulega og einn reikningur fyrir allt. Gjaldfærsla fyrir Globalstar samtal kemur fram sem utanlandssímtal á símreikningi.

Talgæði eru eins og best verður á kosið. Ekkert bergmál og engin töf. Og ósköp þægilegt að fá sms-in þegar kveikt er og geta svarað til baka. Þessi sími virkar sem modem bæði á gsm (9600 baud) og Globalstar (7200 baud). Mínútugjaldið hefur lengst
af verið í kringum 100 kr. Og þá er sama hvar maður er staddur í heiminum. Það getur verið talsvert ódýrara að nota Globalstar í útlandinu en venjulegan gsm. Þessi sími hefur verið notaður í USA, Bretlandi og á Kanarí, Kúbu og
Norðurlöndunum. Og það er einfalt að hringja úr símanum: +354 og númerið sem þú ætlar að hringja í innanlands.

Hvað varðar samband eða sambandsleysi, þá er mín reynsla sú að veður hefur engin áhrif á sambandið. Það hefur komið fyrir að ég hef ekki náð sambandi í eina til tvær mínútur þrátt fyrir að vera á "góðum" stað. Og já, síminn þarf að hafa gott "útsýni", stundum hef ég ekki náð sambandi í þröngum dölum eða í bröttum fjallahlíðum. Það er kannski ekki alveg rétt að segja að við séum á útjaðri sambandsins og of norðarlega til að vera í tryggu sambandi. Við erum á vel skilgreindu svæði en getum átt á hættu að vera bara með einn hnött í sambandi og þessvegna með veikara merki en annars. Á það ber að líta að síminn minn er orðin býsna aldraður á símamælikvarða og nýjir símar eru mun næmari á merkin.

Ég hef alltaf litið á þennan síma sem öryggistæki í ferðalögum. Í jeppaferðum hef ég svotil eingöngu notað NMT og auðvitað VHF en Globalstar er aðaltækið í vélsleðaferðum.

Get alveg sagt frá því að ég hef átt eitt óþægilegt augnablik með Globalstar. Það varð "smá"slys í vélsleðaferð og ekkert um annað að ræða en fá þyrlu á staðinn. Strax. Og jú, græjan datt strax í samband við Globalstar og ég sló inn með titrandi
puttum +354112. Þá heyrðist í einhverri indælisstúlkukind á syngjandi frönsku sem sagði á þá leið að hún gæti bara ekki hleypt þessu símtali í gegn. Það væri nefnilega ókeypis að hringja í 112 !!! Venjulega er konan mín nú bara ánægð að heyra
í mér en henni brá dulítið að heyra í bóndanum við þessar aðstæður

Til að hringja í 112 úr gerfihnattasíma þarf að nota númerið: +354 809 0112. Ég man það nokkuð vel.

Mínútupakkar hafa ekki verið boðnir hingað til. Ég greiði bara fyrir notkun og mínútan er um það bil 90 kr. núna.

Globalstar er bara eins hvert annað símafyrirtæki þegar kemur að rukkun á þjónustu. Síminn er með "roaming" saming við Globalstar og notkunin kemur bara á gamla góða símreikninginn frá Símanum sem "Símtöl utanlands". Getur ekki verið einfaldara.

Ég nota símann eingöngu með innbyggða loftnetinu.

Kk,
Siggi.