This topic contains 132 replies, has 1 voice, and was last updated by 
-
Topic
-
Sælir félagar við verðum að tryggja f4x4 aðgang að þessu kerfi.
Tetra fjarskiptakerfi fyrir öryggis- og neyðarþjónustu komið á næsta vor
Árni Mathiesen fjármálaráðherra, Björn Bjarnason dómsmálaráðherra og Sturla Böðvarsson samgönguráðherra gengu í dag frá samkomulagi við 112 hf. um stofnun nýs fjarskiptafyrirtækis, Öryggisfjarskipti ehf., sem mun byggja upp og reka fullkomið Tetra fjarskiptakerfi fyrir öryggis- og neyðarþjónustu um allt land. Gert er ráð fyrir að uppbyggingu kerfisins ljúki næsta vor.Gengið var frá samkomulaginu við setningu ráðstefnunnar Björgun 2006 og við sama tækifæri gerði nýja fjarskiptafyrirtækið samning við Slysavarnafélagið Landsbjörg um notkun kerfisins. Allir helstu viðbragðsaðilar í landinu hafa lýst yfir vilja til að nota það.
Samkomulagið er gert í framhaldi af yfirlýsingu ríkisstjórnarinnar frá 26. september síðastliðnum um ný verkefni íslenskra stjórnvalda við brottför varnarliðsins en þar var uppbygging Tetra kerfisins kynnt. Neyðarlínan, 112, eignaðist Tetra kerfið á árinu 2005 en það hefur hingað til aðeins þjónað viðbragðsaðilum á suðvesturlandi, Akureyri og Ísafirði.
Með þeirri endurnýjun og uppbyggingu sem framundan er munu Íslendingar eignast fullkomnasta fjarskiptakerfi fyrir öryggis- og neyðarþjónustu sem völ er á. Kerfið mun þjóna öllu landinu og gegna lykilhlutverki við leit og björgun.
Nýja fjarskiptafyrirtækið er að mestu í eigu ríkissjóðs en 112 hf. á einnig hlut í fyrirtækinu og annast rekstur þess. Tetra kerfið byggist á stafrænni útfærslu og fjarskiptastöðlum sem sérstaklega eru gerðir fyrir fjarskipti neyðar- og öryggisþjónustu, svo sem hjá lögreglu, slökkviliðum og björgunarsveitum.
Kerfið mun einnig henta orkufyrirtækjum, Vegagerðinni og sambærilegum aðilum vel. Unnt er að veita fleirum aðgang að kerfinu en þó þannig að neyðar- og öryggisaðilar hafi jafnan forgang. Við neyðaraðstæður er unnt að útiloka aðra en þá sem nauðsynlega þurfa að nota kerfið. Frá þess segir í tilkynningu frá fjármálaráðuneytinu.
af mbl.is
-
Replies
-
Tryggvi, lestu það sem stendur um staðsetningar frá GSM í skýrslu RNS sem ég linkaði á hér fyrir ofan.
-Einar
…. við hvernig ég sé fyrir mér að GSM og sendar reikni út staðsetningu en ekki við "samsæriskenningu" um ferlunarbúnað. Þessi "miðunarþjónusta" felst væntanlega í að skoða logga frá nokkrum möstrum/sendum og fá miðunarlínu en ekki miðunarpunkt svo þarf að fá upplýsingar frá öðru mastri til að þrengja [url=http://en.wikipedia.org/wiki/Trilateration:2trx6yyv]hringinn[/url:2trx6yyv]. Þetta er hins vegar útúrdúr sem má taka upp síðar 😉
En í skýrslunni kemur skýrt fram að það sé út í hött að hafa annað neyðarsamskiptakerfi á sjó og landi. Því er ég hjartanlega sammála. Skilst að það hafi amk á tímabili verið sömu vandræði milli nágranna lögregluembætta sumsstaðar á landinu (vhf vs. tetra). Vonandi þarf ekki mörg svona tilfelli til að yfirmenn þessara mála hér á landi átti sig.
Allir gsm símar sem hægt er að hringja í senda frá sér sín einkenni á nokkra mínútna frest. í þessu einkenni er meðal annars símanúmerið, eigandi kerfisins, landið sem hann er frá og sér einkenni símans. Lögregla hér hefur meira að segja nýtt sér þetta við lausn mála þar sem glæponar hafa ekki varað sig á þessu.
Guðmundur
þegar maður veltir því fyrir sér hvort tetra kerfið geti komið í stað nmt kerfis sem öryggistæki, get ég ekki betur séð en svarið við því sé já. samkvæmt þessu korti sem komið er hér á spjallið þá dekkar tetra kerfið landið miklu betur strax í upphafi heldur en nmt kerfið hefur nokkurtíman gert.
tetra kerfið er líka á tíðnum sem ekki er hægt að krakka sig inn á með einhverju heimasmíðuðu amatörstöðvardrasli þannig að það ætti að tryggja minni truflanir í samskiptum og lengri endingu á kerfinu.
Hérna er starfsmanaskrá Tetra ísland, mjög fróðleg. Þrír starfsmenn tveir tæknistjórar sem stjórna sjálfsagt hvorir öðrum og sá þriðji til að telja peninga. : ) [url=http://www.112.is/tetra-island/starfsmenn/:2ndbj1iv][b:2ndbj1iv]Starfsmannalisti[/b:2ndbj1iv][/url:2ndbj1iv]
Guðmundur
[img:u241oetx]http://www.siminn.is/servlet/file/Nmt_utbreidsla.gif?ITEM_ENT_ID=18959&COLLSPEC_ENT_ID=7[/img:u241oetx]
Er ekki VHF kerfið okkar hreinlega að slá út bæði þessi kerfi (Tetra og NMT) í dekkun. Á ekki einhver kortið yfir dekkunina í okkar kerfi á tölvutæku?
Kv – Skúli
Anonymous- Umræður: 0
- Svör: 16404
eik bendir á að kortið sýni ekki raunverulega dreifingu, heldur draum þeirra Tetra manna um mögulega dreifingu. Kortið er miðað við 110 senda kerfi, en á síðu Tetra er fullyrt að uþb. 150 sendar verði sett upp í vetur. Dreifingin ætti því að verða eitthvað betri en myndin sýnir, ekki öfugt.
Anonymous- Umræður: 0
- Svör: 16404
Annars skil ég ekki þessa neikvæðni gagnvart endurnýjun og frekari útbreiðslu á Tetra kerfinu. Það er ekki verið að neyða félaga í 4X4 til að nota þetta kerfi, eingöngu verið að bjóða upp á nýjan valkost, og því ber að fagna. Nú geta jeppamenn valið um VHF, SSB, gerfihnattasíma, Tetra og kannski CDMA450. Allt fín kerfi en með sína kosti og galla, og svo velja menn bara og hafna.
Fyrir viðbragðsaðila hinsvegar sameinar Tetra eins vel og hægt er það besta úr öllum kerfum, auk þess að bjóða upp á nýja möguleika sem bæði einfaldar vinnu og gerir hana markvissari. Án þess að ég vilji setja mig á háan hest þá fæ ég ekki betur séð en að Gummij brigsli öðrum um vanþekkingu á fjarskipamálum um leið og hann opinberar sína eigin þegar, hann spyr hvort löggan sé of fín fyrir GSM? GSM er einfaldlega ónothæft sem viðbragðskerfi, fyrir því eru margar ástæður, t.d.:
Tengitíminn er of langur.
Engir hópvinnu möguleikar
Ekki hægt að forgangsraða aðgangi
Endurvarpar vinna ekki sjálfstætt ef þeir missa línusamband
Ekki einfalt að auka dreifingu tímabundið með færanlegum endurvörpum
Ekki samband frá stöð í stöð utan endurvarpasvæða osfrv. osfrv.VHF hefur dugað viðbragðsaðilum ágætlega og hefur marga góða kosti, en gallarnir eru líka margir. Eins og t.d. að fæstir endurvarparnir eru línutengdir, og því getur það reynst erfitt fyrir þá sem stjórna aðgerðum (Neyðarlínuna) að hafa heildaryfirsýn yfir hvað er að gerast á fjarlægum stöðum á landinu. Einnig það að aðeins einn aðili getur notað endurvarpann í einu, og oft hefur bilaður búnaður eða það að einhver óvart heldur inni sendihnapp blokkerað öll fjarskipti í gegnum endurvarpann. Sú staðreynd að kerfið er galopið öllum til hlustunar gerir það einnig erfitt að miðla viðkvæmum upplýsingum sem eiga ekkert erindi til almennings eða fjölmiðla.
[url=http://www.f4x4.is/new/photoalbum/default.aspx?file=skyrinarmynd/4846:3d0cg2fr][b:3d0cg2fr]Hér[/b:3d0cg2fr][/url:3d0cg2fr] koma útbreiðslumyndir fyrir endurvarpa 4×4.
Heildar útbreiðslumynd kemur fljótlega. Þessar myndir voru sendar á vefnefnd og þeir setja þær inn á síðuna um leið og skýringartexti kemur frá undirrituðum.Kjartan
vitna í það sem gunnar þórðarson segir um vhf kerfið.
(Sú staðreynd að kerfið er galopið öllum til hlustunar gerir það einnig erfitt að miðla viðkvæmum upplýsingum sem eiga ekkert erindi til almennings eða fjölmiðla.)
þeir aðilar sem virðast mest vera á móti tetrakerfinu og eru búnnir að smita marga aðra af mótlætinu eru nefnilega radíóamatörar sem flestir hverjir ólust upp við gamla sveitasímann (tvær langar og ein stutt) og ssb sem voru opin kerfi sem allir gátu hlustað á alla. þeir virðast vera fúlir yfir því að verið er að setja á fót kerfi sem þeir geta ekki hnýst í hversmanns kopp í gegnum. og mæla með að í samkeppni við tetra verði allt ssb vætt uppá nýtt.
þetta kort sem sýnir nmt dreifingu símanns er mjög langt frá raunveruleikanum, enda ekki um þrívíddarkort að ræða og því ekki sýnd nema 1/10 af skuggasvæðum.
Það eru tvö atriði sem skipta mjög miklu máli fyrir fjarskiptakerfi fyrir neyðaraðila.
1. Jón Jónson á ekki að geta hlustað á kerfið.
2. Kerfið þarf að vera nokkuð vel óháð hinu almenna talkerfi, þannig að þegar stóráfall kemur fyrir, þá verði neyðaraðilar ekki sambandslausir vegna þess að almenna talkerfið hrinur vegna álags.Tetran uppfyllir þetta mjög vel, ásamt mörgu öðru.
Uppbygging tetra á Íslandi er hinsvega skólabókardæmi um það hvernig á ekki að gera hlutina. Núna virðist menn þó ætla að taka sig saman í andlitinu og gera þetta almennilega, sem er gott.
Ef menn vilja almennt öryggi á hálendinu, þá er einfaldlega bara eitt kerfi sem kemur til greina, og það er bara gamla góða venjulega GSM kerfið. Ástæðan er einfaldlega sú að ferðamenn hafa GSM síma, og ætlast bara til þess að þeir virki hér eins og allstaðar annarsstaðar í heiminum.
Á hverju hausti má heyra í fréttum um menn sem labba tugi kílómetra til byggða eftir að þeir festa bílinn sinn í snjóskafli einhversstaðar og ekkert GSM samband var þar, og engir á ferðinni. Ég giska á að innan mjög fárra ára verði banaslys af þessum völdum.kv
Rúnar.
Anonymous- Umræður: 0
- Svör: 16404
Skv. frétt á tetra.is hefur Landsbjörg gert samning við Neyðarlínuna um notkun á Tetra fyrir sína aðila. Ef sú verður raunin, er þá ekki vert að kanna hvort VHF kerfi Landsbjargar er til sölu. Það gæti verið ódýr lausn fyrir frekari útbreiðslu VHF kerfis 4X4.
Einn af þeim möguleikum sem nefndir hafa verið með Tetra og VHF er að hægt er að tengja þessi kerfi saman þannig að VHF sambandi sé "rútað" inn á Tetra. Það er áhugavert.
Mér finnst því ólíklegt að VHF verði lagt niður þegar Tetra verður notað meira. VHF er að verða grunnfjarskiptabúnaður í öllum faratækjum utan alfaraleiða. Langbesta leiðin til að spjalla á milli bíla osfr.
Sama segi ég um VHF kerfi f4x4, það mun bara halda áframa ða eflast, hvað sem líður öðrum lausnum, HF, Tetra, iridium osfr.
Snorri
VHF kerfi SL er ekki til sölu, og þessi Tetravæðing björgunarsveita er eitthvað orðum ykt. Eins kemur það mjög greinilega í ljós að útbreiðsla Tetra er það takmörkuð að Tetra mun ekki koma í staðin fyrir VHF kerfi SL, það sér það hver maður.
Hlynur
Sælir félagar
Ég er komin með Tetrastöð til að prófa.
Síminn er 641-2002Ég átti leið um Bláfjöll í gær og prófaði að kalla á Tækni 1 sem er kallhópur og mér var svarað af klettaklifrara sem var nýkominn upp á Skessuhorn.
kv gundur.com
Á vefsvæði Tetra á 112.is stendur:
[i:2cbkeud1]Áskrift að Tetra[/i:2cbkeud1]
Mánaðargjald er greitt af hverju Tetra númeri. Hafið samband til að fá upplýsingar um verð. Innifalið í mánaðargjaldi er:
[list:2cbkeud1]
[*:2cbkeud1]Öll símtöl innan kerfis [/*:m:2cbkeud1]
[*:2cbkeud1]Öll símtöl út úr kerfinu [/*:m:2cbkeud1]
[*:2cbkeud1]Talstöðvarþjónusta [/*:m:2cbkeud1]
[*:2cbkeud1]SDS gagnaflutningur [/*:m:2cbkeud1][/list:u:2cbkeud1]
Getur þú deilt með okkur hvernig áskriftinni þinni er háttað og hvað hún kostar?
Fjarskiptakveðjur,
Guðmundur
Sæll nafni
Ég er með lánsstöð en ég keypti tetra loftnet hjá Múlaradío á 4500 kr.
kv gundur
Þetta fékk ég sent um daginn.
Verðskrá fyrir almenning er ekki tilbúin en verður á bilinu 850-900 kr á mánuði og er þá innifalið öll samskipti innan kerfisins. Símtöl út úr kerfinu eru samkvæmt gjaldskrá símafyrirtækjana. Notendabúnaður verður boðin með tvenskonar hætti, handstöðvar Motorola 850 verða á bilinu 45-55 þúsund og 7 þús fyrir GPS forritið. Bílstöðvar eru á bilinu 55þús (skipti á NMT) og allt að 120 þús fyrir flottustu stöðvarnar, sendi nánari upplýsingar seinnakv gundur
Jamm, ekkert er ókeypis.
Ef gjaldskrá Tetra til almennings verður 850-900 á mánuði fyrir talstöðvarhlutann (símtöl kæmu ofan á), þá myndi það samsvara [b:31hxwu1o]10 milljóna króna útgjöldum fyrir félagsmenn F4×4[/b:31hxwu1o] árlega, miðað við þúsund Tetra-stöðvar.
Hvað gæti fjarskiptanefndin gert fyrir 10 milljónir á ári? Væntanlega rekið margfalt þéttara endurvarpanet og bætt við möguleika á símtölum út úr kerfinu, sbr. ábendingar Benedikts Sigurgeirssonar.
Mér finnst félagið vera algerlega á réttri braut með uppbyggingu endurvarpanetsins.
Fjarskiptakveðjur,
Guðmundur
You must be logged in to reply to this topic.