This topic contains 132 replies, has 1 voice, and was last updated by 
-
Topic
-
Sælir félagar við verðum að tryggja f4x4 aðgang að þessu kerfi.
Tetra fjarskiptakerfi fyrir öryggis- og neyðarþjónustu komið á næsta vor
Árni Mathiesen fjármálaráðherra, Björn Bjarnason dómsmálaráðherra og Sturla Böðvarsson samgönguráðherra gengu í dag frá samkomulagi við 112 hf. um stofnun nýs fjarskiptafyrirtækis, Öryggisfjarskipti ehf., sem mun byggja upp og reka fullkomið Tetra fjarskiptakerfi fyrir öryggis- og neyðarþjónustu um allt land. Gert er ráð fyrir að uppbyggingu kerfisins ljúki næsta vor.Gengið var frá samkomulaginu við setningu ráðstefnunnar Björgun 2006 og við sama tækifæri gerði nýja fjarskiptafyrirtækið samning við Slysavarnafélagið Landsbjörg um notkun kerfisins. Allir helstu viðbragðsaðilar í landinu hafa lýst yfir vilja til að nota það.
Samkomulagið er gert í framhaldi af yfirlýsingu ríkisstjórnarinnar frá 26. september síðastliðnum um ný verkefni íslenskra stjórnvalda við brottför varnarliðsins en þar var uppbygging Tetra kerfisins kynnt. Neyðarlínan, 112, eignaðist Tetra kerfið á árinu 2005 en það hefur hingað til aðeins þjónað viðbragðsaðilum á suðvesturlandi, Akureyri og Ísafirði.
Með þeirri endurnýjun og uppbyggingu sem framundan er munu Íslendingar eignast fullkomnasta fjarskiptakerfi fyrir öryggis- og neyðarþjónustu sem völ er á. Kerfið mun þjóna öllu landinu og gegna lykilhlutverki við leit og björgun.
Nýja fjarskiptafyrirtækið er að mestu í eigu ríkissjóðs en 112 hf. á einnig hlut í fyrirtækinu og annast rekstur þess. Tetra kerfið byggist á stafrænni útfærslu og fjarskiptastöðlum sem sérstaklega eru gerðir fyrir fjarskipti neyðar- og öryggisþjónustu, svo sem hjá lögreglu, slökkviliðum og björgunarsveitum.
Kerfið mun einnig henta orkufyrirtækjum, Vegagerðinni og sambærilegum aðilum vel. Unnt er að veita fleirum aðgang að kerfinu en þó þannig að neyðar- og öryggisaðilar hafi jafnan forgang. Við neyðaraðstæður er unnt að útiloka aðra en þá sem nauðsynlega þurfa að nota kerfið. Frá þess segir í tilkynningu frá fjármálaráðuneytinu.
af mbl.is
-
Replies
-
Mér finnst áhugaverðar hugmyndir sem hafa komið fram hér á spjallinu um hlustun á gömlu bílabylgjunni, 2790, með VOIP-tengingu inn á internetið þannig að þeir sem heima sitja geti hlustað á netinu.
Það ætti að vera fljótlegt að setja upp einfalt og ódýrt kerfi til að prófa aðferðina. T.d. mætti nota Skype hugbúnaðinn, stilla hann á sjálfvirka svörun (Auto answer) og leiða hljóðið frá viðtækinu sem hlustað er með inn á hljóðkort tölvunnar.
Þetta krefst að sjálfsögðu SSB viðtækis á 2790, tengt loftneti og straumgjafa auk tölvu með ADSL-sambærilegri tengingu. Allir netverjar sem hafa Skype uppsett geta þá hringt inn að kostnaðarlausu og hlustað að vild.
Skype hugbúnaðurinn er ókeypis og einstaklega auðvelt að fá hann til að virka. Ég efast reyndar um að hann ráði við að fleiri en einn geti hlustað í einu, en tilraunin myndi gefa tilfinningu fyrir því hvort prinsippið með VOIP-nethlustun eða webcast dæmi sé áhugavert.
Ef fleiri deildir eða einstakir meðlimir í F4x4 á dreif um landið setja svona nethlustun upp hjá sér mætti nota það til að bera saman hlustunarskilyrði á ýmsum stöðum, bæði á 2790 og VHF rásunum sem gæti verið mjög hagnýtt að þekkja ef F4x4 fer út í að velja eða þróa eigin fjarskiptalausnir.Ágúst
Það hefur verið spurt að þessu ofar í þræðinum, en hvað kemur í stað NMT í bátum?
-haffi
Ég held að í stað NMT muni fiskiskipin nota eitthverja blöndu af gervitunglasímum, GSM og hugsanlega CDMA450. Mér finnst líklegt að Síminn muni reyna að selja sjómönnum CDMA450, hvernig það tekst er svo annað mál
Skip sem meiga fara út fyrir drægi VHF landstöðva, eru nú þegar með talstöðvar sem vinna á MF og HF.Mér finnst síður líklegt að það verði reynt að markaðssetja CDMA450 fyrir ferðamenn á hálendinu, fæstir þeirra íslendinga og útlendinga sem ferðast um hálendið á sumrin, munu fjárfesta í tækjum sem kosta tugi þúsunda, bara til þess að nota á fjöllum. Í fjarskiptaáætlun liggur fyrir stefnumörkun þess efnis að það eigi að setja hátt í miljarð króna til þess að bæta GSM þjónustu fyrir ferðamenn, það verður erfitt fyrir CMDA450 að keppa við það.
-Einar TF3EK
sælir
Ég hef það sterklega á tilfinningunni að Síminn ætli sér að nota úreldan grunn NMT kerfisins til að byggja upp CDMA450 kerfi og uppfylla þannig einhverjar kröfur um öryggiskerfi í kringum landið (á sjó) og nota gagnaflutningsgetuna sem krydd. Af hverju í ósköpunum ættu þeir að vera að eltast við miðhálendið ?
Ferðaþjónusta á hálendinu er bundinn við tiltölulega fáa staði þar sem mikið af ferðamönnum kemur eins og t.d. Landmannalaugar, Laugarveginn, Þórsmörk o.s.frv. og eru þessi svæði nokkuð vel dekkuð með VHF og jafnvel beintengd suður í gegnum landlínu. Ég sé ekki að Síminn sjái sig knúna til að rigga upp einhverju "landsdekkandi" öryggiskerfi fyrir okkur hina, sérstaklega þegar ríkisstjórnin hefur nú kynnt háleitar hugmyndir um útbeiðslu Tetra. Ég er sammála Eik og held við getum afskrifað CDMA450 núna strax.
Erum við ekki að einblína of mikið á að eitt kerfi geti dekkað landið allt? Væri ekki betra að hugsa þetta út frá öðrum forsendum og segja t.d. að með einhverjum tveimur kerfum sé landið dekkað. Eina sem þarf að gera er að bera saman þau svæði sem eru í skugga í báðum kerfum og útrýma þeim með uppbyggingu t.d. VHF kerfisins. Kerfin tvö sem ég er með í huga eru VHF og Globalstar en það síðarnefnda er ansi nálægt því að vera orðið á samkeppnishæfu verði (ódýrara en Irridium) og skuggablettirnir eru ekki umtalsverðir eða hvað (það er kannski erfitt að kortleggja þá) ? Það verður alla vega forvitnislegt að fylgjast með framþróun Globalstar á næstunni.
kv
Agnar
Klakinn lýsir vandamalum í Tetra.
Höfum í huga að Tetra er staðall en ekki búnaður, eins og ég hef bent á áður.
Mér skilst að sá búnaður sem notaður hefur verið hér hefur ekki reynst vel og til stendur að endurnýja hann að hluta eða öllu leyti.
Reynsla af þeim búnaði sem notaður hefur hefur verið hingað til gefur því ekki rétta mynd af því hvernig Tetra kerfið mun vinna í framtíðinni eftir að grunnbúnaður kerfisins hefur verið endurnýjaður.
Ég hef trú á því að Tetra kerfið muni reynast mjög vel eftir að fyrirhugaðri uppbyggingu og endurnýjun er lokið. Það er á þeim svæðum sem kerfið mun ná til.
Snorri.
Eik bendir réttilega á: "Gamla góða Gufunes bílarásin 2790 kHz er á miðbylgu (MF), ekki stuttbylgu (HF). Mörkin eru við 3 MHz (100 m)."
Strangt tiltekið á að tala um miðbylgju fyrir neðan 3 Mhz en ég bendi á að allur búnaður fyrir Radíóamatöra sem vinnur á tíðnisviðinu frá ca 1,6 Mhz til 30 Mhz er almennt nefndur HF búnaður þó að HF tíðnibandið sé strangt tiltekið á bilinu 3 – 30 Mhz eða með ca 10 til 100 m bylgjulengd.
Ég ætla því til einföldunar að tala og skrifa um HF áfram þegar ég ræði um fjarskipti á tíðnisviðinu 1,6 – 30 Mhz.
Snorri
TF3IK
Eini kosturinn sem ég sé við tetra er neyðahnappurinn,sé maður slasaður í bíl og getur ekki tekið tólið upp en nær í hnappinn miða þeir mann strax út.
Síðan opna þeir(Neyðarlínan) rásina svo að maður getur talað beint við þá,einnig geta þeir opnað svo að Björgunarsveitir,sjúkrabíll eða þyrla geti haft samband.
Þetta eru þeir kostir sem ég sé við Tetra,ef þetta kerfi verður mjög öflugt og nær hálendinu vel í dekkun þá er alveg ljóst að ég fæ mér Tetra.
Nú ef ekkert af þessum fjarskipta tækjum virkar ekki nógu vel,þá held ég að það sé kominn tími á að snúa sér að golfinu.Kv
JÞJ
Sá sem á mest dót þegar hann deyr…….
hann vinnur.
Sá sem á mikið dót sem virkar,
hann rokkar……..
Ég hef verið að velta því fyrir mér hvað Björn Bjarnason og hans menn sjái við Tetra kerfið sitt. Niðurstaðan er að það sé einn þáttur sem hér ráði, möguleikinn á að gert ráðið því hver heyrir hvað. Í tetra getur stjórnstöð skilgreint hópa "ofan frá". Ef þeir notuðu GSM síma og nokkrar VHF/UHF talstöðva rásir, þá er það útstöðin sem velur hvaða rásir hún heyrir, ekki stjórnstöðin.
Þar sem ferðum jeppamanna er ekki miðstýrt, hefur tetra engan kost fyrir okkur, framyfir farsíma og talstöðvar, sem geta verið á MF,HF,VHF eða UHF. Því hærri sem tíðnin er, því ódýrari og meðfærilegri eru stöðvarnar, en ef menn vilja losna við sjónlínu takmörkunina, þá þarf að nota MF eða HF.Annars fór ég að fletta fjárlögum, þar fann ég engin merki þess að það ætti að setja hundruð miljóna í uppbygginu tetra, en ég komst að því að Fjarskiptasjóður er að bjóða út fyrsta áfanga í eflingu GSM kerfisins, í þeim áfanga á að stoppa í GSM göt á hringveginum og setja GSM á helstu fjallvegi aðra. Í öðrum áfanga á svo að setja GSM á ferðamannastaði og stofnbrautir, hvað svo sem það nú þýðir. Fjarmagnið kemur frá sölu Símans.
Ég held að ástæða þess að forstjóri Neyðarlínunnar leggur svo mikið kapp á að fá jeppamenn til að nota Tetra, sé tregða Björgunarsveitanna til að nota það. Ef Björgunarsveitirnar fást ekki til að nota Tetra en nota áfram sínar talstöðvar og endurvarpa, þá fær stjórnstöðin ekki þessa getu til að stjórna upplýsingaflæði í aðgerðum, sem þeir eru að sækjast eftir. Hann veit að jeppamenn hafa margir hverjir gaman af allskyns dóti, og metur það þannig að ef þeir fást til að nota Tetra, þá muni Björgunarsveitirnar koma á eftir.
Ég held að við getum sleppt því að hugsa um Tetra, fjarskiptamálin eru nógu flókin samt, með Globalstar, Iridium, GSM, CDMA450 og talstöðvum frá MF upp í UHF.
-Einar TF3EK
Það er nokkuð ljóst að Útgerðir munu snúa sér nánast eingöngu að gerfihnattakerfum sem geta boðið þeim gagnaflutning ásamt talsambandi í framtíðinni og halda sambandi hvar sem er.
Í gegnum hvaða kerfi er ég ekki viss um en samkvæmt því nýjasta sem maður hefur heyrt þá gæti síminn Þróað svona lausnir eftir kaupin á Radíomiðun.
Nú er ég heldur betur sammála Einari Kjartans, aldrei þessu vant. Ég held hann hafi nefnilega komist að kjarna málsins í innleggi sínu hér rétt fyrir ofan. Í sambandi við bátaflotann, þá get ég sagt frá því að Arthúr Bogason, trillukarlaforingi, sagði mér í símtali að Landssamband smábátaeigenda fylgdist vel með hvaða stefnu þessi mál tækju og hvað yrði hentugast fyrir strandveiðiflotann eftir að NMT-kerfið verður lagt niður. Ég skildi hann allavega þannig, að þar á bæ teldu mann að einhver tími myndi líða þar til ljóst yrði hvaða kerfi myndi mæta best óskum og kröfum bátasjómanna. Þeir töldu þau gerfihnattakerfi, sem til boða stæðu í dag, væru enn a.m.k. bæði of dýr og samband ekki nógu gott hér á þessum norðlægu breiddargráðum. Þeir myndu því beita því afli sem þeir gætu til þess að NMT-kerfið yrði starfrækt þar til nýtt kerfi, sem veitti a.m.k. jafn góða þjónustu og NMT og helst betri og alls ekki dýrari, væri tilbúið til starfrækslu.
Mér finnt þeir EIK og Ólsarinn heldur neikvæðir í garð Tetra. Kerfið er alveg frábært fyrir löggæslu og björgun og fær vonandi mikla útbreiðslu á meðal björgunarsveitanna. Það býður uppá bæði opin og lokuð fjarskipti, en við löggæslu og björgun getur verið þörf á hvoru um sig.
VHF kerfið er opið þannig að allir geta hlustað á samskiptin. Slíkt getur verið erfitt í vissum tilvikum. Farsímakerfi bjóða uppá lokuð samskipti en hafa þann galla að aðrir geta ekki fylgst með, sem getur oft verið verið bagalegt í aðgerðum. Tetra brúar allt sviðið.
Þessir eiginleikar skipta okkur ferðamenn minna en ég tel rétt að skoða Tetra eins og aðra möguleika áfram. Það eina sem liggur fyrir um Tetra er að það verður ekki landsdekkandi eins og við hefðum viljað en ekkert liggur fyrir um að það sé/verði verra en aðrar farsímalausnir. Ef Tetra verður sambærilegt öðrum farsímalaunsum líst mér vel á þða sem arftaka NMT. Samt sem áður eigum við eftir að leysa "landsdekkandi" fjarskiptin, þar þrengist hringurinn og innan hans eru HF, Iridum, Globalstar og etv VHF.
Snorri
R16 og TF3IK
Í þessu [b:q9ystjkx][url=http://www.rns.is/LesaSkyrslur.php?skyrsla_nr=790:q9ystjkx]áliti Rannsóknarnefndar sjóslysa[/url:q9ystjkx][/b:q9ystjkx] segir m.a.:
[b:q9ystjkx]
…að lögreglan var einungis með svokallað Tetra samskiptakerfi sem hentaði ekki í þessu tilfelli þar sem allir aðrir björgunaraðilar voru með samskipti á neyðarrásum á VHF tíðnum eins og alþjóðareglur kveða á um varðandi slys á sjó
…………..
Nefndin telur að samræma þurfi fjarskiptabúnað leitar-, björgunar- og stjórnunaraðila á svæðinu.
[/b:q9ystjkx]Ég get eiginlega ekki lesið annað úr þessu en að nefndin telji að umrædd notkun löggunar á Tetra varði við lög, og að henni beri að samræma fjarskiptabúnað sinn því sem aðrir nota, og alþjóðlegum reglum sem lögfestar hafa verið hér á landi.
-Einar TF3EK
IAMSAR reglurnar eru alþjóðareglur um leit og björgun á sjó og leit að loftförum. Aðeins er um reglur að ræða og hafa ekki nein lög verið brotin. Ég sé ekki hvað álit RNS hefur með hvaða fjarskiptakerfi 4×4 skulu stefna að í framtíðinni. Slysavarnafélagið Landsbjörg hefur þegar tekið fyrsta skrefið í átt að TETRA með undirskrift samnings við TETRA fyrirtækið. Ég skil ekki hvernig er hægt að bera saman CDMA 450 og TETRA þar sem annað er símkerfi með einhverjum talstöðvarmöguleikum en hitt er talstöðvarkerfi með einhverjum símamöguleikum = epli og appelsínur.
Segir í raun allt sem segja þarf um hvað hann er blindaður af neikvæðni í garð þessa máls.
það sem verið er að tala um hér í skýrslu sjóslysanefndarinnar er ekki að TETRA kerfið sé sé slæmt heldur vanbúnaður Lögreglu að vera einungis með eina tegund af fjarskiptastaðli þegar verið er að nota marga staðla.
Og þar sem þetta mál er komið upp þá er það til skammar fyrir lögreglulið sem hefur umdæmi yfir jafn stóru hafsvæði/strandsvæði að þeir skuli ekki vera betur búnir/þjálfaðir í notkun á þeim fjarskiptabúnaði sem verið er að nota á þeim svæðum sem þeim ber að hafa eftirlit með.En að lokum fynnst mér sem er nýr í þessum jeppabransa hvað "gamlir hundar" (afsakið orðbragðið) leifa sér að blindast í eigin skoðunum þar sem þeir trúa einungis að þeirra leið sé sú eina rétta og að allir aðrir hafi rangt fyrir sér og það sem meira er að þeir virðast leggjast ótrúlega lágt til að reyna finna rök fyrir því sem þeir halda fram.
Ég hef aldrei sagt að Tetra sé slæmt kerfi. Þetta er kerfi sem er hannað fyrir lögreglu, slokkvilið og þess háttar, til notkunar á landi. Notkun þess við björgun á sjó, eða í almennri ferðamennsku, er fyrir utan þetta, þar eru einfaldlega aðrar lausnir sem eiga betur við. Ég hef sjálfur enga sérstaka skoðun á því hvort Björgunarsveitir eigi að nota Tetra. Innan þeirra er þó mjög mikil andstaða við notkun þess, og það mun ekki standa til að þær hætti við rekstur og uppbyggingu VHF kerfis síns.
Það er svo önnur saga, að sölumennskan á bak við þetta er engu lík. Hvers vegna er löggan bara með Tetra?, Hvers vegna er verið að segja okkur að það verði komið landsdekkandi Tetra kerfi eftir nokkra mánuði, þótt ekki sé að finna krónu til þess í fjárlagafrumvarpinu. Þetta er dæmi upp á mörg hundruð miljónir króna. Hversu oft er búið að lofa þessu áður? Það sem þeir kalla landsdekkandi, nær bara yfir hluta hálendisins.
Af því að það var verið að nefna CDMA450, þá er það líka óheppilegur kostur á mínu mati, ekki vegna þess að það sé tæknilega slæmt, heldur er það ekki samkvæmt þeim stöðlum sem notaðir eru í farsímakerfum í hér á landi, og raunar víðast utan Ameríku. Vegna þessa er ekki kostur á reiki milli CDMA450 kerfa, svo dæmi sé tekið.
-Einar TF3EK
Núna eru ca 400.000 erlendir ferðamenn sem heimsækja landið, og töluverður hluti af þeim fer eitthvað til fjalla og nokkrir koma sér í vandræði. Touristabílstjórar bjarga líklega tugum tourista á hverju hausti, þegar þeir eru að þvælast vinsæla fjallaslóða í miðri viku, alltof oft rekast menn á bílaleigubíla sem eru fastir í fyrsta skafli.
Þetta fólk á ekki eftir að fá sér Tetra eða CDMA 450 síma, en er undantekkningarlaust með GSM. Það segir sig líklega sjálft að langdrægur GSM sími myndi koma flestum að gagni, en hvort hann uppfyllir kröfur okkar jeppamanna skal ég ekki segja.
Hlynur
"þótt ekki sé að finna krónu til þess í fjárlagafrumvarpinu. Þetta er dæmi upp á mörg hundruð miljónir króna. Hversu oft er búið að lofa þessu áður? " Ef rétt er farið með þá verslaði ríkið núna um daginn tetra þ.e 75% og greiddi fyrir það 400 miljónir sem fara í að byggja upp kerfið.
Ríkið var að kaupa Tetra af sjálfu sér. En það væri gaman að komast að því hvernig greiðsluskilmálarnir voru, hver skulda staða fyrirtækisins er og svo framvegis. Og hvort eitthverjir peningar hafi raunverulega skipt um hendur við þetta tækifæri
Spyr sá sem ekki veit.
En mér skilst að 400 miljónir fari ekki langt með með að fjármagna það sem þeir kalla landsdekkandi kerfi, hvað þá kerfi sem gæti nálgast það að uppfylla okkar þarfir.-Einar
You must be logged in to reply to this topic.