Tetra

Ég er alveg ósammála því að neyðarfjarskipti ferðafólks standi og falli með ferilvöktun. Ég er þó á því að gert hafi verið vel með samningi um TETRA burt sé frá því hver framtíðin verður.
Án þess að beina umræðunni frá TETRA þá held ég að ef menn vildu tryggja að geta alltaf kallað eftir hjálp þá mundi ég mæla með PLB sendi sem sendir bæði á 406 mhz og 121.5 eða einhverju álíka. Ég var búin að heyra það að tilraunir í USA sýndu að 121.5 sendingin nái upp úr sprungum meðal annars og það eru til miðunartæki hér til að miða út þessar sendingar. Móttaka byggist á COSPAS SARSAT kerfinu. Tveir vankantar eru á þessu:
A) almenningur má ekki kaupa sér þessi tæki
B) Það á eftir að prófa viðbragðstímann hér.
Slysavarnafélagið Landsbjörg mun fljótlega bjóða upp á þá þjónustu að fá þessa senda leigða.

Þegar skoðuð er uppbygging símkerfis, tæknihlið, þá gefur það vísbendingu um virkni kefisins eftir að það hefur verið sett upp.
Tetra er komið upp og virkar líklega nokkurn vegin eins og búist var við, hefur verið endurhannað.
Hjálparsveitarmenn sem ég hitti í sumar sögðu að handsíminn virkaði frekar gloppót, en bítækið væri fínt og er þá bæði sendistyrkur meiri og loftnetið betra og hærra.
En segjum svo að CDMA kerfið er komið upp og vað erum í fínu sambandi 40km frá endurvarpa og teljum okkur því í öruggu sambandi.
Þá fer einhver náungi nærri sendinum að hlaða niður einhverri tónlist og er þá endurvarpinn upptekin við þetta að gefa þessum eina mikinn gagnahraða á kostnað langdrægni kerfisins.
Þá er eins líklegt að við sem töldum okkur í öruggu sambandi orðnir sambandslausir og getum ekkert gert við því.
Þarna er komið ný hlið á fjarskiptakerfum sem ekki hefur verið áður.
Eg veit ekki til þess að Síminn hafi gefið út að hægt verði að nota CDMA 450 sem neyðarfjarskiptbúnað sem á að vera hægt að treysta á.

Kveðja Dagur

Tetra er það sem býðst í dag og vitum við of lítið hvað framtíðin ber í skauti sér almenn í fjarskiptamálum. Þess vegna er það nú eðlilegt að ræða þessi mál fá öllum hliðum.
Af því sem fram hefur komið er greinilegt að CDMA er enginn töfralausn frekar en önnur fjarskiptakerfi. Staðan er þannig að NMT er að detta út og trúi ég orðum Olgeirs þegar hann telur að nmt hafi daprast að undanförnu, enda erfitt að trúa því að Síminn sé að dubba mikið upp á gamalt kerfi sem þess utan er að detta út. Einnig mætti hafa það í huga að Síminn er ekki einusinni að gera neitt í gsm endurvarpamálum. ( fjarskiptasjóður ).
Ef hlutirnir fara hinsvegar þannig að við verðum sátt við Tetra sem talstöðvarkerfi og CDMA sem símakerfi og það verði framtíðartólin. Þá er það stóra spurningin hvað gerum við, við vhf kerfið. Er hugsanlega að það breytist í það að verða eingöngu notað á milli jeppa og endurvarparnir verði teknir niður. Það væri fróðlegt að heyra frá Landsbjargarmönnum hvað þeir hyggist gera í sínum vhf málum. Og hvort vhf kerfi þeirra sé í einhverskonar biðstöðu.

PS Olgeir vhf virkaði allavega vel í göngunum síðast, ég heyrði vel í þér inn fyrir Versali þegar þí varst einhverstaðar á Landmannaafrétti með einhverja slyddara í vandræðum. Kv Ofsi

Sennilega er nú akkúrat PLB (ELT) á 406 og 121.5 það tæki sem mest öryggi veitir, þau eru með stöðuga vöktun, og senda sjálfvirkt frá sér staðsetningu og persónulegar upplýsingar eiganda, séu þau sett af stað, hefur td reynst afar vel í Kanada. Enn þetta er svosem ´´önnur ella´´ en hér er til umræðu.

Þarfir fólks eru auðvita misjafnar, ég lít svo á að á mínum flækingi um Ísland þurfi ég ekki að vera í stöðugu sambandi við neyðarlínuna. “ferilvaktaður“

Hvursvegna er TETRA mannskapnum svona umhugað að koma sínum varningi í bíla félagsfólks? Er það af einskærri umhyggju eða er markmiðið að SELJA/GRÆÐA?

Eftir lestur alls þess sem hér hefur verið ritað, margt afar fróðlegt, hef ég styrkst í þeirri ætlan minni að bíða þar til vorið 2009. Vega þá og meta það sem í boði verður og leysa símamálin skv því.

En vhf eða tetra sem talstöð? því tetra er ekkter nema þróða talstöðvakerfi, það á tíminn eftir að leiða í ljós.

Eins og staðan er í dag, er það deginum ljósara að það er bara Iridium og HF, af þeim græjum sem ég þekki, sem dekka landið, og jörðina alla ef útí það er farið. (PLB er Globalt á 406mhz)

Kveðja

Þú getur nálgast það hjá P og F. Skal finna og meila á þig.

Lesið þetta nú yfir þeir sem hafa ekki gert það nú þegar og spegulerið í þessu, það sem mér finnst vanta þarna eru fleiri sendar upp á miðhálendinu og það er alveg deginum ljósara að kæmi yfirlýsing frá jafn stórum kúnnahóp og f4x4 þess eðlis að við hefðum verulegan áhuga á þessu kerfi fyrir okkar félagsmenn að það gæti haft áhrif á það hversu margir sendar yrðu settir upp á hálendinu umfram það sem planað er. Svo við nú sláum á létta strengi að þá er vert að minnast á það fyrir þá tæknisjúku að þú getur sett web cam í jeppan og varpað því live á netið þegar þú festir þig……þ.e ef þú nærð sambandi hehe…..

minn, ég held að það sé alveg sama hvernig við snúum okkur í þessu að CDMA verður alltaf margfalt öflugra sem símkerfi en Tetra það er nú bara þannig að það er hannað sem slíkt og að auki til gagnaflutnings eins og þú veist. Staðreindin er sú svo við höldum okkur við þær að ef CDMA getur fúnkerað vel á markaði eins og Rúslandi og fl. þá tel ég líklegt að það verði ekki til vandræða hér á okkar littla Íslandi. Svo ég spirji nú hvað ræður Tetra við marga f4x4 notendur samtímis á hálendinu í símtal…….þar ég virkilega að rökræða þetta eitthvað frekar….. Jæja nóg í bili formúlan fer LOKSINS að byrja…..

Það er býsna fróðlegt fyrir þá sem lítið vit hafa á tækni að lesa þennan þráð. Málið er nú kannski það, að við erum orðin svo vön því öll að nota NMT með kostum þess og göllum, að okkur verður meira að segja eftirsjón að göllunum! En hvað um það, mér finnst nú að það sem Einar Kjartans segir hér síðast hljóma skynsamlega. Ég er að vísu ekki jeppaeigandi sem stendur, verð kannski ekki oftar enda er ég orðinn gamall, en ég á ennþá HF – stöðina mína með öllu tilheyrandi og myndi án efa setja hana í jeppa ef og þegar ég myndi eignast einn slíkan aftur. VHF-stöðvarnar hafa líka sína kosti og hvorttveggja þetta tvennt hefur þann kost að það er hægt að tala saman milli stöðva/bíla þótt eitthvert miðlægt stjórnkerfi í Skógarhlíð eða annarsstaðar verði straumlaust eða bili, nú ellegar þá að einhver snillingur á skurðgröfu taki í sundur ljósleiðara þegar verst gegnir. Þarfir mínar sem trillukarls eru nokkuð aðrar, enda það svolítið önnur deild eða þannig. Það er verið að ota því að manni á þeim vettvangi, að Tetra – kerfið muni með einni stöð koma í staðinn fyrir símann, sem flestir eru með (NMT) í bátunum, VHF-skyldustöðina og STK-sjálfvirku tilkynningaskylduna. Að vísu sá þverhausinn ég þann vankant við þetta að maður yrði algjörlega háður einu tæki, í stað þess að þrjú tæki gætu komið að einhverju leyti hvert í stað hinna. STK-tækið gerir að vísu ekkert annað en sýna á einhverjum skjá í Skógarhlíð hvar maður er staddur. En nóg um það. Búksorgir trillukarla eiga takmarkað erindi hér. Það virðist þó auðsætt, að enn eru of margir endar lausir til að maður geti áttað sig á því hvað hentar best á hálendinu af þessum kostum, sem eru í boði. Versta niðurstaðan yrði þó sú, að svo margir verði að kljást um bitann að enginn verði með nægilega góða þjónustu vegna þess að hún ber sig ekki. Eins og einhver benti þó á hér nokkru ofar hvílir ákveðin skylda á Símanum gagnvart P & F og Fjarskiptasjóður á að einhverju leyti að styðja við þjónustuna þar sem arðbærni kerfisins er ekki nægileg. En ég verð að segja eins og er að það er ansi freistandi fyrir þá sem hafa ekki rúm fjárráð ef sú fullyrðing Vodafone stenst að hægt verði að nota venjulegan GSM – síma við þeirra kerfi. Kannski er nú bara málið það, að þeir sem ekki hafa ráð á dýrum búnaði eigi ekkert erindi í vetrarferðir á hálendi og jökla?

Fyrir þá sem endilega vilja fá ferilvöktun á sig er athyglisvert að hægt er að setja slíkt upp í CDMA kerfum: http://www.anydata.net/products/agt100d.html

Til að svara spurningu Ofsa. Fjarskiptaráð björgunarsveitanna hefur með fjarskiptamál bjsv að gera, ég veit ekki til þess að það sé búið að taka ákvörðun um annað en VHF verði áfram fjarskiptakerfi björgunarsveitanna. Sumarið var mikið notað í prófanir á TETRA það reyndist vel það var reyndar veriða að setja upp senda í allt sumar og er en verið. Svo eru það þessir 50 sendar sem eftir eru og á að nota til að stoppa upp í göt. Ég held að TETRA hafi komið öllum á óvart í sumar með það hvað landið er nú þegar orðið vel dekkað. Varðandi símafídusinn þá veit ég að björgunarsveitum hefur verið uppálagt að nota hann ekki vegna þess að það tekur mikið pláss á sendunum. Mikið hefur verið sett af IRIDIUM símum í björgunarsveitarbíla undanfarin misseri og þó nokkuð er um að menn séu að sleppa VHF stöðinni aðrir eru að taka VHF módulinn í Cleartón stöðvarnar og keta því bæði svissað yfir í VHF eða TETRA og gáttað. Ég sé að það geti verið vandamál að vera ekki notandi með forgang í kerfinu, ef tveir aðilar eru að hringja út úr kerfinu þá ná TETRA stöðvar sem ekki eru með forgang ekki neinu sambandi ef ég skil rétt, og geta ekki slitið þessum símtölum, viðbragðsaðilar aftur á móti geta mundu slíta þessum símtölum með því að lykla inn.