This topic contains 12 replies, has 1 voice, and was last updated by 
-
Topic
-
Bróðir minn á ´96 módel af Nissan Terrano 2,4ltr bensín, sem tók uppá því að drepa á sér of vilja svo ekki ganga.
Startar og tekur við sér en drepur svo á sér eftir smá stund. Tekur ekki alveg við sér strax kannski en
eftir nokkur stört tekur hann við sér. Og ef maður snertir bensíngjöfina þá drepur hann strax á sér.
Tók samt uppá því um daginn að ganga bara vel, hægt að keyra hann smá hring og allt, en endaði á því að drepa á sér og haga sér illa.
Mér datt í hug eitthvað sem tengist bensíndælunni. Hún fær straum þegar hann vill ekki fara í gang. Og mjög ólíklegt að dælan sé farin því þá myndi hann ekki haga sér svona. Annaðhvort er hún í lagi eða ekki.
Annað sem mér dettur í hug er skítur í síunni. Veit samt ekki hvort hann myndi láta svona ef að svo væri.
En annað sem mér datt í hug, það er loftflæðiskynjarinn. Hvort það geti verið að vélin sé að fá of mikið bensín og drepur á sér þess vegna. Frændi minn var að fikta í honum um daginn og fannst hann finna svo mikla bensínlykt þegar hann var búinn að drepa á sér.Endilega komið með hugmyndir. Það getur alveg verið að það endi á því að við verðum að senda hann á verkstæði.
Ég vil bara helst komast hjá því. Það er svo djöfulli dýrt.Kveðja
Þengill
-
Replies
-
Ég myndi ekki útiloka dæluna, félagi minn lenti í því á Nissan primera að dælan fór en bílinn fór samt í gang, en þó ekki alltaf en gekk bara örstutt í einu.
Mér dettur þrennt í hug sem kæmi til greina, háspennukeflið gæti verið ónýtt, TPS eða Loftfæðiskynjari, vatn eða önnur drulla í bensíninu.
Í flestum bílum ætti að kvikna Check engine ljós ef að einhverjir skynjarar fara að gefa feil en það er samt ekki gefið. Ef þú gúgglar aðeins þá ættirðu að finna hvað á að mælast yfir TPS skynjara og Loftflæðiskynjara með einföldum rafmagnsmæli. Það er ókeypis.
Ég er reyndar með dísel-Terror…
Hins vegar minnir þetta dáldið á þegar loftflæðiskynjari hjá félaga mínum datt úr sambandi. Annað, það hefur verið dáldil lenska í þessum bílum (skoðaðu ástralska spjallþræði, slatti af þessum bílum þar) að rafverkið í gjöfinni sjálfri hefur verið að bila. Þá er endalaust fer-ekki-gang-tollir-ekki-í-gangi rugl…
Mér datt einmitt fyrst i hug vatn í bensíninu. Þannig að ég setti nóg af ísvara á hann. En það dugði ekki til.
Já það er spurning með helvítis dæluna. Ég tékka á inngjöfinni.
Ég ætla að googla aðeins.Takk fyrir svörin. Endilega haldið áfram að koma með uppástungur.
Kveðja Þengill
Byrjaðu allavega á að skipta um bensín síu kostar lítið og öruglega tímabært
Skoðaðu EGR ventilinn hann á það til að standa á sér einnig getur verið komin óhreinindi í tengið fyrir bensíndæluna sem er staðsett á grindinni fyrir framan vinstra afturljós (fjöltengi)
kv Gísli
Samála því að skipta um bensínsíu(r). Vandamálið gæti verið í því að það séu síur á nokkrum stöðum. Þekki ekki þessa gerð en fyrir utan aðalsíuna geta líka verið aukasíur.
Hvet þig að senda póst á http://www.leoemm.com hann gæti áttað sig á vandamálinu. Hann hefur reynst mér vel.
Þó að síur gæti litið vel út þá er samt þörf og eðlilegt að skipta þeim út á eðlilegum tíma. Hef lent í t.d. nýrri dráttarvél þar sem allt leit vel út en vélartruflanir voru eingöngu út að stífluðum síum (leit allt vel út).
Kannski bara tómt bull en það borgar sig samt að byrja á því ódýrasta áður en farið er í eitthvað meirháttar. Skemmilegustu viðgerðirnar eru þær óvæntustu og líka ódýrustu.
Að lokum kvarta ég (óformlega) yfir því að það sé ekki sent svar um það sem vefnum (vefliðum) tekst að laga og sem gæti verið safnað í viðgerðarbanka. Hef grun um að margir séu að fást við það sama og margir sem hafa átt t.d. gamla jeppa eiga ýmislegt í sarpinum sem gæti verið hentugt að nota í slíkan banka. Þá væri það meiri hvatning fyrir að fá nýja félagsmenn og einnig að þá væri kannski hægt að fletta upp á bilunum og bilanagreiningum á vef okkar með auðveldum hætti.
Góðar stundir,
SHM
Hvað er EGR ventill? Og hvar er hann? Ég er búinn að tékka á tengjunum fyrir innan afturljósið. Þau litu vel út, úðaði í þau WD40, en ekkert breyttist.
Jamm ætli ég reyni ekki að ráðast á síurnar á morgun.Takk fyrir þetta.
Kveðja
ÞengillP.S þetta með viðgerðarbankan er góð hugmynd. Ég læt ykkur vita hvað var að.
Hvað sem þú gerir skaltu [b:27z29fx7]alls ekki[/b:27z29fx7] reyna það sem nágranni minn gerði eitt sinn.
Ég var búinn að sjá hann vera kvöld eftir kvöld að reyna að ná gangtruflunum úr bílnum sínum, rífa blöndunginn úr, blása í öll göt og svo framvegis svo að ég fór út að spjalla við hann. Lengi vel vildi hann ekki segja mér hvað hafði gerst, en loks gat ég togað það út úr honum að hann hafði lent í því að stíflaðist hjá honum bensínsían og til að bjarga sér hafði hann prófað að snúa henni við og keyrt af stað. Stíflan losnaði strax, en ökuferðin varð víst ekki ýkja löng áður en gangtruflanirnar fóru að segja til sín.Ágúst
Farðu einnig yfir allar vaacum slöngur sem ganga á soggreinina, um leið og ein er orðin götótt getur það ollið því að bíllinn fer bara alls ekki í gang.
Ég tók slöngu af síunni tankmegin, þar kom engin kraftur á bensíni. Þannig að ég gerði ráð fyrir að þetta væri bara dælan. Fékk notaða dælu á 10þús kall. Og hann hrökk í gang og er enn í gangi.
Takk samt fyrir upplýsingarnar
Kveðja
Þengill
You must be logged in to reply to this topic.