This topic contains 16 replies, has 1 voice, and was last updated by 
-
Topic
-
Sælir.
Ég ætla að byrja á að taka það fram að ég veit ekkert um díselvélar. En ég á í vandræðum með 1999 árgerð af Terrano II sem er með 2.7 lítra TDI vél.Þannig er mál með vexti að ég var úti að keyra í gær og eftir að hafa ekið smá spöl í fyrsta gír (einn hringur á bílasölu) er bíllinn allt í einu alveg vita kraftlaus. Hann gengur ágætann hæga gang en ef ég gef set pedalann í gólfið er hann svolítið lengi að ná sér upp á snúning. Ég náði samt að keyra hann heim í 2. til 4. gír en átti fullt í fangi með það.
Núna áðan tók ég síðan loftinntakið af túrbínunni og sé þá að það er olía út um allt inní inntakinu á bínunni. Er það eðlilegt?? Hvað dettur ykkur í hug að geti verið að? Er mér óhætt að setja bílinn í gang svona?Kveðja
Ásgeir
-
Replies
-
Prófaðu fyrst að athuga hvort að túrbínan sé föst með því að taka loftintakið af henni [aftur] og reyna að snúa "kuðungnum" sem þú ættir að sjá glitta í þarna innaní. Svo er gott að mæla smurolíumagnið. Er hann búinn að missa vatn eða er vatn í smurolíunni? Ef að túrbínan er búin á því þá er ekki gott að keyra hann mikið þannig mikið lengi.
Haffi
Sæll Haffi
Það var ekkert mál að snúa hjólinu inní bínunni og það er nóg olía á honum. Sá ekki að það væri neitt athugavert við litinn á olíunni. Það er nóg vatn á honum. Var af einhverri ástæðu búinn að athuga allt þetta á meðan ég vissi ekkert hvað ég ætti að gera næst:)
Kveðja
Ásgeir
það er alltaf smáolía í túrbínunni…. btw..hvað er langt síðan það var skipt um hráolíusíu….. ein möguleiki af mörgun
Eggert, hvað er það sem þú kallar hráolíusíu? Er það eldsneytissían? Það er nú ekki vitlaus hugmynd. Hvað er eðlilegt/æskilegt að skipta oft um hana?
Kveðja
Ásgeir
Anonymous- Umræður: 0
- Svör: 16404
Á leiðslunni frá olíusíunni og að olíuverki er banjobolti í olíuverkinu þar undir er gormur og þar undir er lítil sía sem þarf að þrífa .prófaðu það …
Kv Kristinn
ég átti einn 2000módel með söm vél.
Lenti í því að hann tapaði öllu afli og stundum drap hann á sér.
Það sem bjátaði á hjá mér var knastásaskynjarinn.Spurning með hann.
Það er nefninlega svo skrítið að hann gengur fínan hægagang og hefur ekki ennþá drepið á sér. Þori reyndar ekki að láta hann ganga mikið, en hann rýkur alltaf í gang í fyrstu tilraun en er svo máttlaus að hann er algerlega ónothæfur.
Kv.
Ásgeir
Er þetta ekki alveg dæmigert fyrir stíflaða hráolíusíu?
Það sakar ekki að prófa.
Spurning um hvort pústið gæti nokkuð verið stíflað, Ef hann gengur hægagang vel en er leiðinlegur í átaki þá er það sjens. Banka bara í pústið og hlusta eftir því hvort það skrölti í því.
byrjaðu á að skipta um síuna…heyrist á þér að það hafi ekki gerst í smá tíma..oftast þegar eitthvað bilar í tölvubúnaði eða skynjarar klikka þá kemur melding í mælaborðið…æskilegt að skipta um hana á ársfresti..þar sem dílelinn sem kemur hingað til lands er engin gæðablanda…. athugaðu líka hvort þú rekist á forsíu, lítil plastsía…… ef hún er í bílnum skipta um hana líka….
gæti líka verið súrefnisskynjari eða loftflæðiskynjari
kv Jói
Nú er ég loksins búinn að verða mér úti um rétta eldsneytissíu. Á ég að reyna að fylla hana af olíu áður en ég skrúfa hana í eða bara treysta því að pumpan virki?
Kv.
Ásgeir
Sammála síðasta ræðumanni honum Jóhanni, þetta er loftflæðiskynjarinn sem er farinn.
Hann er staðsettur aftan við loftsíuna og ef þú aftengir hann og prófar bílinn og ef bíllinn breitist ekkert þ.e. gangurinn, þá er það skynjarinn sem er farinn. Þessi skynjari er seldur ásamt húsinu sem hann er í sem eitt stikki. En það er í lagi fyrir þig að skrúfa bara skynjarann af og setja á gamla húsið, Það er auðveldara.
Varðandi eldsneytissíuna þá er betra að fylla hana og pumpa svo þá ætti bíllinn að fara í gang.Kv. Sigurður
Tók loftflæðiskynjarann úr sambandi og hann skánaði aðeins, en varð samt ekki eins góður og áður. Er hann þá ekki bara að skammta loftið of naumt?
Kv.
Ásgeir
[quote="Lada":2z0iz0f3]Tók loftflæðiskynjarann úr sambandi og hann skánaði aðeins, en varð samt ekki eins góður og áður. Er hann þá ekki bara að skammta loftið of naumt?
Kv.
Ásgeir[/quote:2z0iz0f3]
Hann er örugglega farinn, skynjarinn er að rugla. Það getur verið að þú fáir þetta á partasölum eða jafnvel í Japönskum vélum, ef hann fæst ekki hjá IH.
Til að vera viss, þá geturðu fengið lánaðan skynjara (ef þú þekkir einhvern Terrano eiganda) og sett hann í bílinn þinn.Kv. Sigurður
Nú er ég búinn að leita af mér allan grun og það virðist enginn eiga til réttann loftflæðiskynjara í bílnn fyrir mig nema Ingvar Helga. og þeir vilja ekki lána mér hann til að ath. hvort að þetta sé hann. Ég er líka búinn að ræða við ansi marga sérfræðinga og vilja einhverjir meina að þetta geti verið olíuverkið. Því spyr ég; er ekki einhver góðhjartaður Terrano II eigandi sem er til í að lána mér skynjarann úr bílnum sínum í ca. 10 mín svo ég geti verið viss um hvort minn sé í lagi? Endilega hafið samband í síma 8231686 ef þú ert til í að lána mér.
Kv.
Ásgeir
You must be logged in to reply to this topic.