Terrano II á 35

Er á Terrano II á 38", og er að fara að skipta um aðra framhjólaleguna eftir að hafa ekið bílnum 42000 km síðan ég keypti hann, en veit ekki hversu mikið hann var keyrður á þessari legu áður en ég keypti hann. Einnig er ég búinn að skipta um efri spyrnufóðringar að framan. Ég er nú bara sáttur við það viðhald. Vissulega þarf að fylgjast með að hjólastilling sé í lagi, en ef bílar eru sífellt að afstillast hlýtur eitthvað að vera slitið þannig að það getur hreyfst til, s.s stýrisendar, legur, spindilkúlur eða fóðringar. Ég glímdi við þetta mikið umtalaða hjólastillingavandamál, en hef ekki orðið var við það síðan ég skipti um spyrnufóðringarnar. Það er líka annað sem veldur erfiðleikum með almennilega hjólastillingu, og það er uppskrúfun á klöfum, en það eru reyndar skiptar skoðanir um það hversu mikið má hækka bílinn með þessum hætti áður en það fer að hafa slík áhrif. Framhjólabúnaðurinn er kannski ekki burðugur miðað við margt annað, og varla fært að setja svona bíl á stærri dekk án þess að styrkja þetta eitthvað. Hingað til hefur þessi búnaður dugað mér með þeim styrkingum sem voru settar. Hvað drifgetu varðar hef ég ekki orðið var við annað en þessi bíll bara virki á 38" í snjó.
Frá framleiðanda kemur TII með tregðulæsingu í afturdrifi.
Lifið heil.