tengja kastara

Æji Guðni getur þú ekki hennt inn mynd af þessu, ég þarf að setja kastara hjá mér líka og hef alltaf verið soddan klaufi með þessi reley í höndum sjálfur (jájá ljósálfurinn sjálfur klaufi með reley)
Veit ekki til þess að þetta sé til hér á Ak.

tíma ef einhver þarf að láta tengja hjá sér aukarafkerfi

ég mundi segja að þetta sé vitlaust, ég tengi + frá geymi á 30, tengi svo notandann (kastarann í þessu tilfelli) á 87. Svo er bara 85 og 86 og það skiptir ekki máli hvor er hvað, það er bara stýristraumurinn á annan pólinn og jörð á hinn. Parkið í kastaranum tekur svo lítinn straum að maður fer bara með það inná parkið í bílnum.
Kv Dúddi

gæti einhver set inn prentvænar teikningar af þessu á í veseni með kastara hjá mér……býst ekki við að geta fengið þetta hér á n1 frekar en annað.

Daginn

Það er gríðarlega gott að vita hvað relý er og hvernig það virkar því að þá þarf maður ekki að reyna að muna þessar tölur.

Myndin af kassanum með skástriki í gegnum er spólan, þegar hún fær spennu yfir sig segulmagnar hún smá kjarna sem dregur til sín járnstykki sem er fast við rofa. Við þetta breytit rofinn um stöðu, sá sem áður var opinn verður lokaður og öfugt. í bílarelýum er oft víxlsnerta sem skiptir þannig á milli póla.

Vitandi það þá tengir maður rafmagn sem upphaflega kemur úr parkljosum í gengum rofa með gaumljósi (skylda) og þaðan á annað plöggið með myndinni af kassanum með skástrikinu. Hitt plöggið tengir maður við mínus (jörð). Þvínæst tekur maður rafmagn með sverum vír frá geymi í gegnum öryggi og á plöggið á relýinu sem er með mynd af rofa, og frá hinu rofaplögginu leggur maður vír út í ljós.

Þú verður að vera pottþéttur á að taka rafmagnið frá parkljósum eða háa/lága geisla því að það er harðbannað að tengja aukaljós þannig að þau geta verið kveikt án þess að parkljósin loga. Sömuleiðis er skylt að rofinn sé með gaumljósi.

Kv Izan

Fín umræða og þörf. En er það ekki rétt munað hjá mér að breyttir bílar meiga vera með kastarana "beintengda", það er að releyið sem fæðir rafmagnið að kösturum þarf ekki að fá stýristraum frá t.d. háa geislanum á aðalljósum.

Kveðja:
Erlingur Harðar

Það má jú skilgreina eitt kastarpar sem torfæruljós, og þurfa þau þá að vera hulin þegar þau eru ekki í notkun.
(sumsé hlíf yfir þeim)
Þau má að mig minnir tengja gegnum parkið.
.
Hitt eru auka háljós og þurfa að vera tegnd gegnum háljósin og þurfa ekki að vera með hlífar yfir sér.
.
kkv, Úlfr.

Sælir

Reglugerðarfarganið er tómur fíflaskapur í kringum aukaljós á bílum. Ég á bíl sem var fluttur inn notaður 1995 og árið 2006 fékk bíllinn endurskoðun út á kastarana vegna þess að þeir voru vitlaust tengdir. Reglugerðin hafði þá ekkert breyst.

Ég bað um að fá reglugerðinaafhenda og fékk. Að gamni sendi ég fyrirspurn til Umferðarstofu og fékk þá upp í hendurnar annað plagg dagsett seinna en fyrra blaðið og reglurnar þar voru örlítið rymri. Seinna ræddi ég við lögregluþjón, kunningja minn, sem sagði að ég hefði milli handa 2 blöð sem innihalda tóma vitleysu en reglugerðin væri öðruvísi.

Aukaljós má ekki vera hægt að kveikja án þess að amk. parkljós logi.

Aðeins má vera eitt par af ljósum skilgreindum sem þokuljós.

Á breyttum jeppum má setja aukaljós og tengja þau að vild svo fremi að parkljós logi með þeim. (rökrétt þar sem menn geti annars verið grunlausir um að afturljósin séu slökkt, parkljóin trufla menn ekki). Aukaljós verða að vera lokuð í almennum akstri.

Ég hef haft þetta til hliðsjónar þegar ég tengi aukaljós á bíl og fæ aldrei athugasemd á þetta.

Takiði þá eftir að aukaljós sem eru ekki skilgreind sem þokuljós þe ljós með stuttum dreifigeisla mega ekki vera á fólksbílum og þess vegna fæstum lögreglubílum og jeppum sem ekki eru breytingaskoðaðir.

Kv Jónsi