This topic contains 8 replies, has 1 voice, and was last updated by 
-
Topic
-
Við Tomcat menn erum að hugleiða talstöðvarmál. Okkur vantar líklegast 5 stöðvar. Ekkert endilega allar rásir í heimi en möguleikan að geta rætt saman á sérleiðum oft upp til fjalla. hvernig ber maður sig að og hver er besti kosturinn?
Steini
-
Replies
-
Þið skulið tala við Radíóraf. Þar er kenwood stöðvar sem eru mjög góðar stöðvar. ´
kv
Þórður Ingi
Er að leigja vhf stöðvar af ferðaklúbbnum 4×4. en klúbburinn á einhverjar 10-15 stöðvar.
Þetta er nú dágóður sparnaður en reikna má að bílstöðvarnar kosti 5 x 39900. Þar sem það er ekki það langt á milli ykkar þá gæti þetta gengi frekar en að vera með bílstöðvar og auk þess gæti nú verðið að löng vhf loftnet þoli inna hristinginn allavega brýt ég eitt til tvö loftnet á ári. Kv OfsiPS einnig hefur verið hægt að leigja Irridíum af Símanum
Annað sem mætti bæta við þetta þið þurfið einfaldar og öruggar bílstöðvar, sem einfalt er að nota á mikilli ferð og þá er einfaldast að sleppa flottræfilshættinum með fjölda fínna takka og ljósasjói. Því mæli ég með Yaesu ( einfalt og sterkt ) er búinn að vera með slíka stöð í 7 ár minnir mig ég og aldrei vandamál með hana.
Einfalt og sterkt er mjög sennilega lykilatriði í þessari vangaveltu. Lítið stutt loftnet og jafnvel e.k handstöðvar þannig að loftnetið sé inni í bílnum (ef svo ólíklega vildi til að einhver velti) Best ef hægt væri að festa á stokk, hengja utaná öryggisbelti eða á mælaborð í e.k. vöggu / grip og tengja í aux (auka útgang) á intercomi þannig að báðir heyri samskiptin jafnvel þó annar þurfi að lykla eða halda á mic og lykla. Lengstu sérleiðir eru ca. 40 km t.d. Kaldidalur, aðrar eru eflaust erfiðar vegna mishæða og hrauns t.d. Hekla, Skógshraun og Tungnaá. Er líklegt að þessar minni stöðvar dragi þetta án stórra loftneta sem eru ekki æskileg.
Steini
E.S:
Hvernig er það Þórður ertu búinn á Hólum eða er lokaspretturinn framundan?
Sæll Þorsteinn
Nú er lokaspretturinn að hefjast hjá mér á Hólum. Svo er ég farinn að skoða hvað ég muni gera á næsta ári. Það er spurning hvort ég finni eitthvað að gera hér í skagafirði og þá mun ég ekki koma í bæinn strax, því hér á Hólum er gott að vera.
Takk fyrir góðar og gagnlegar ábendingar. Nú leggst maður undir feld og sefur á þessu, fer og skoðar og vonandi verður komin niðurstaða í talstöðvamálin fyrir næsta vor, þegar næsta keppnistímabil hefst. Ég held að auk þess sem það er stórt öryggisatriði að vera í talstöðvasambandi, sérstaklega þar sem ekkert eða slæmt símasamband er, þá hjálpi það þjónustuliðinu að undirbúa viðtökurnar út af leiðunum ef þeir vita fyrirfram hvað þarf hugsanlega að gera. Því tíminn er knappur til viðgerða en með góðu skipulagi er hægt að gera ótrúlegustu hluti á skömmum tíma við einfalda bíla eins og Tomcat jeppana, sem eru jú í grundvallaratriðum einfaldir gamlir Land Roverar með öllum sínum kostum og göllum.
Að öðru máli, þá er fyrir minn smekk svolítið skemmtileg þróun í rally á Íslandi. Jeppaflokknum vex fiskur um hrygg og eru komnir nokkrir skemmtilegir bílar og grunar mig að enn einn verði með á næsta ári. Er það sérsmíðaður Dakar Pajeró. Það átta sig etv. ekki margir á því að jeppana sem eru útbúnir sem rallýbílar má auðveldlega nota einnig á jöklum. Gefur þetta mönnum kost á að nota leiktækin allt árið um kring.
Ef menn þyrstir í fróðleik eða aðstoð við að komast í gang með eitthvert rallýjeppaverkefni er óhætt að hafa samband við okkur Tomcat strákana. Við getum jafnvel leyst einstaka verkefni fyrir menn sem etv. hafa ekki aðstöðu. Þá getum við útvegað allt til alls sem nota þarf til að breyta jeppa í rallýbíl. T.d. veltibúr, stóla, belti, stýri og annað sem þarf til að gera jeppana keppnisfæra. Hægt er að ganga mislangt í útbúnaði en alltaf þarf að uppfylla ákveðnar grunn-öryggiskröfur.
Kveðja
Steini
E.s: Gott að heyra að vel gengur Þórður, við sjáumst einhverstaðar á ferðinni (eða ertu etv. hættur öllum rútuakstri)
Sæll Þorsteinn
Já ég er hættur rútuakstri sem aðalvinnu. Nú er fer ég að markaðsetja og búa til ferðir til að bæði rútur og jeppar fái eitthvað meira að gera. Á okkar landi er margt sem hægt er að gera til að auka ferðamensku.
kv
Þórður Ingi
væntalegur ferðamálafræðingur
Í ykkar tilfelli ættuð þið að tékkja á því sem vélsleðamenn eru að gera í talstöðvarmálum. Það ætti að henta ykkur betur (intercom, hjálmar og hands-free búnaður)….
kv
R.
You must be logged in to reply to this topic.