Takk fyrir Agnes

Þar sem konurnar hafa nú verið hraktar frá klúbbnum af örfáum einstaklingum þá get ég ekki ímyndað mér að það sé gaman að horfa á þessar kerlingar sem eftir eru í leðjuslag.

Kv:Maggi ps. jú kannski bara smá

Lella ég skil Magga þannig að það eru engar KONUR eftir búið að hrekja kvennfólkið en það eru bara eitthverjar kerlingar eftir í karlmanns líki.
kv
Agnes Karen Sig

Kæra Agnes,
Ég vil nota tækifærið og þakka þér fyrir frábær störf í þágu klúbbsins. Ég veit af kynnum mínum og störfum fyrir Suðurnesjadeild og samstarfið við þig að þú hefur unnið af mikilli fórnfýsi og með markmið og hagsmuni 4×4 að leiðarljósi, ávallt.
Um leið og ég harma það innilega að þú sért á förum úr þessu starfi skil ég þó vel að þú teljir þér ekki fært að starfa áfram undir því álagi sem þér hefur verið boðið upp á undanfarið. Ég á þó bágt með að sætta mig við það að félagar í klúbbnum sem okkur þykir vænt um og störfum fyrir af einurð skuli ná að hrekja góða manneskju úr starfi á þennan hátt og hefði viljað sjá aðra niðurstöðu úr svoleiðis aðförum en því miður hef ég litla trú á því að af því verði á meðan stjórn móðurfélagsins er skipuð eins og hún er í dag. Ég get ekki annað en vonað að menn sjái að sér og taki til við að efla klúbbinn og vinna að markmiðum þeim sem við erum í þessum félagsskap fyrir.
Mér þykir leitt að sjá að baki manneskju sem hefur unnið að því að sameina félaga á öllu landinu í ein öflug félagasamtök sem um leið hefðu þá meiri þrýstimátt á embættismenn og stjórnvöld. Því miður höfum við Suðurnesjamenn ekki heyrt eða séð nokkurn úr nýrri stjórn félagsins og kvíðum því að stefni í tvö skref afturábak í þessum málum.
Hafðu það sem allra best í framtíðinni og vona ég innilega að hremmingum og árásum sé lokið á þig með því að þú sért farin á brott með þína starfskrafta og ég óska þér velfarnaðar fyrir hönd okkar suðurnesjamanna.

Með bestu kveðju,
Heiðar Snær Engilbertsson
núverandi gjaldkeri Suðurnesjadeildar 4×4
og formaður síðustu 8 ár.