Tækninefndin.

Magnús, getur þú frætt mig meira um þetta með hjólastillinguna? Er það fyrir alla jeppa sem fara í sérskoðun eða bara jeppa sem eru nýskráðir eftir einhvern ákveðinn tíma? Mér er þessi krafa a.m.k. óskiljanleg á hásingarbíl þar sem eina stillingin er millibilið og þar er þetta bara aukakostnaður.
kv. Kiddi

Mín skoðun er sú að eitt af brýnustu viðfangsefnum tækninefndar sé að reyna að forða því að mistökin sem gerð voru þegar sjórn sendi fulltrúa sinn á Kastljós, án samráðs við tækninefnd, endurtaki sig. Magnús setti af stað mjög málefnalega og þarfa [b:1m3612g8][url=http://www.f4x4.is/new/forum/default.aspx?file=bilarogbreytingar/9680:1m3612g8]umræðu um þessi mál[/url:1m3612g8][/b:1m3612g8] á síðasta félagsfundi, sú umræða hélt áfram hér á spjallinu.
Hér er um að ræða miklu stærra mál heldur en kastaragrindur og breddarljós eða hjólastillingar, þetta snýst um það hvort við fáum að þróa breytingar á bílum með svipuðum hætti og verið undanfarin 20 ár, eða hvort búiið verðu tíl nýtt skoðunar og eftirlits bákn, eins og raddir innan klúbbsins hafa verið að kalla eftir, og hagsmunaðilar tegndir jeppabreytingum hafa róið að.

-Einar (tækninefnd)

Haffi segir:
Það verður eiginlega að segja að við erum löngu búnir að þróa jeppabreytingar til fulls hér á íslandi

Það sem ekki er í þróun er staðnað. Sömu setningu hefði örugglega verið allt eins hægt að segja fyrir 10 árum en samt hefur mikið gerst síðan. Hugsanlega á félagi minn eik m.a. við mig (o.fl.) með raddir innan klúbbsins sem kalla á eftirlitsbákn. Ég er nefnilega þeirrar skoðunar að breytingaskoðun og almenn skoðun breyttra jeppa (og reyndar bílaskoðun yfirleitt) eigi að vera þannig að hún stoppi af bíla sem eru hættulegir í umferðinni. Of mörg dæmi sýna að svo er ekki, þarna er greinilega eitthvað sem þarf að lagfæra. Frelsi til bílabreytinga stafar meiri hætta af of lélegu eftirlitskerfi heldur en ströngu eftirlitskerfi og ef tækninefndin eða klúbburinn tekur þá stefnu að rugga ekki bátnum og láta eins og allt sé í himna lagi, verður það bara til að gera aðkomu að málunum erfiðari þegar á þeim verður tekið. Það er einmitt það sem gæti orðið til þess að þróunin verði stoppuð.
Það að gera ekkert tryggir ekki endilega að ekkert gerist. Hins vegar ráða þeir sem gera ekkert afskaplega litlu um það hvernig hlutirnir gerast.
Kv – Skúli

Það er mikilvægt að verja eða auka þann rétt sem við höfum til að breyta bílum. Ég held að leiðin sé að reyna að víkka út reglurnar ekki bæta við þær eða þreyngja þær. Mér finnst þetta vera svolítið rangar áherslur. þetta eru ekki þau atriði sem sem við þurfum að hafa áhyggjur af í þessu. Þetta með að þurfa að skila inn hjólastillingarvottorði er eitt af því við eigum að reyna að stoppa. það eykur kostnað við jeppabreytingar og þyngir þær í vöfum. Eitt sem við ætum líka að reyna að vinna í er að leifa dekkjaskurð, og setja saman einhvern reglu ramma um það, það er eitthvað sem margir eru að gera en er bannað með lögum. Enn annað er sem þarf að vinna í eru hæð ökuljósa, ef fara ætti alveg eftir lögum þá þyrfti að lækka ljós á flest öllum breyttum jeppum eins vantar heimild til að setja breiddar ljós í staðin fyrir að færa aðaljósker nær útbrún ef þau eru of langt frá útbrún. Svona mætti lengi telja í óþörfum reglum sem takmarka frelsi til jeppabreytinga.
Það er ekki mikill ávinningur fyrir jeppamenn að fá að hækka burðargetu jeppa sem eru of þungir fyrir. Þróun í jeppabreytingum fer ekki fram á slíkum farartækjum. Vissulega er til í því að men séu með eitthvað gáfulegt í höndunum. En það sem er að reka á eftir þessu núna eru oftast jeppar sem hafa lítið að gera á fjöll. Ég er líka ekki alveg að skilja hvað kengúrugrindur hafa með jeppabreytingar að gera, að reyna að keyra upp á skari með því að stanga þær með svona grind er ekki alveg að virka í minni sveit að minnsta kosti og bara ávísun á meira tjón. Sama væri mér þó þær yrðu bannaðar.

Eftirfarandi er úr gildandi reglugrð
*************************************
22.203 Breytt bifreið.

(1) Mesta leyfilega hækkun frá upprunalegri útfærslu framleiðanda nemur:

– 50 mm milli blaðfjaðra og framáss og 100 mm milli annarra fjaðra og framáss
– 100 mm milli fjaðra og afturáss
– 100 mm milli húss og grindar
– 200 mm milli hjólmiðju og grindar.

(2) Heildarhækkun má vera allt að 250 mm og skal vera jafn mikil að framan og aftan. Til viðbótar getur komið hækkun vegna stækkunar hjólbarða.
***************************************

Þetta hefur í för með sér að við breytingar á suzuky jimy er hægt að hækka langt út fyrir vitræn mörk, en ef maður er með grindarlausan ford arostar þá er eiginleg ekki hægt að hækka hann innan ramma laganna svo hægt sé að setja undir hann 38 tommu hjól.

Að mínu mati er reglugerðin í megindráttum nokkuð góð, setur ramma sem hefur þó ekki verið að hamla mikið þróun breytinga hingað til. Mér hefur hins vegar sýnst breytingaskoðunin gera lítið meira en mæla einhverja millimetra á upphækkunum og telja draslið í sjúkrakassanum. Án þess að ég ætla að fara út í að týna til einhver dæmi hérna, þá veit ég um dæmi þar sem breyting er framkvæmd á óviðunandi hátt sem orsakaði alvarlega veikleika, þó svo breytingin stæðist öll mál. Slíkt getur gerst hreinlega vegna kunnáttuleysis og ekkert skrítið að slíkt gerist, það hafa ekki allir sem eru að dunda sér við breytingar á bílnum sínum þá kunnáttu sem til þar. Skoðunin þarf að stoppa slíka bíla af en er ekki að gera það í dag. Það þarf ekkert nýtt eftirlitskerfi til þess, bara endurskoða handbókina fyrir breytingaskoðun. Sjálfsagt verður þá meira mál að fara í gegnum skoðunina, en ég hef litið svo á að ég vill hafa vissu fyrir að allt sé í lagi þegar ég keyri út úr skoðunarstöðinni og alveg til í að eyða aðeins meiri tíma í að fara í gegnum undirvagninn.
Kv – Skúli

Breyttur jeppi er auðvitað alltaf á ábyrgð eiganda rétt eins og óbreyttur bíll. Það er hins vegar hlutverk skoðunarmanna að skoða öryggisbúnað bíla, jafnt breyttra sem óbreyttra. Það breytist auðvitað ekkert og er ekkert nýtt við það. Bara spurning um að tékklistinn í breytingaskoðuninni sé aðeins ítarlegri. Ef ómenntaður bílagrúskari getur breytt bílnum sínum (sem er eitthvað sem við viljum halda í) ætti fagmenntaður bifvélavirki að vera fullfær um að taka út breytinguna og úrskurða um hvort ákveðin grundvallaratriði séu í lagi.
Kv – Skúli