This topic contains 7 replies, has 1 voice, and was last updated by 
-
Topic
-
Sælir félagar í gegnum árin hef ég breitt mörgum jeppum og af mörgum tegundum ekið þeim og prufað og síðan selt þá og átt eftir ýmsar upplýsingar um kraft drifgetu og þyngd og annað. Oft hef ég farið í að setja sverara púst í bílana bæði bensín og diselbílana td cruser patrol og toyotu. Það sem hefur komið mér á óvart er hversu lítinn eðað engan mun ég hef fundið í krafti og togi bar hávaði drunur og sánd um allan bíl og varla hægt að ræða saman í bílnum. Hefur einhver farið með bílinn sinn í dynotest bekk til að mæla hestöflin fyrir og eftir breitingu. Það held ég að sé eina rétta mælingin. Ég held að 5 til 10 hestöfl finnist ekki ef um leið er kanski lækkuð drif og dekk stækkuð nema að mæla þetta vísindalega. Svo er það líka spurning með td gamlan Patrol sirka 94 og Toyota dobulcab sirka 91 sem eru ekki kraft mikklir bílar því setja mennirnir í hvítusloppunum sem hanna þessar vélar 3″ púst fyrist það gefur allt að 15% kraftaukningu að sögn fróðra manna. Annars þetta er bara svona pæling sem kemur upp í huga minn í dag og væri gott að fá að heyra frá einhverjum sem hefur látið mæla bílinn sinn fyrir og eftir breitningu, en mælir þetta ekki eftir hávaða og kostnaði kveðja Guðni á Sigló
-
Replies
-
Hef reynslu af 3 pústsverunum og kútafækkun á þessu ári. Bmw 320diesel, 3.0 4runner diesel vél í hilux og 3.3 turbo í patrol.
Hvað varðar aflaukningu þori ég ekkert að segja til um en mesti munurinn er að túrbínan kemur mun fyrr inn, meira tog á lægri snúning. Mesti munurinn var á 3.3 turbo bílnum.
Ég hef einhvernveginn alltaf staðið fastur á því að allar breytingar á vél séu henni til óbóta, langtíma litið.
Hef ég því aldrei átt þannig við vél að hún eigi að skila meira afli, því ég tel að hún endist skemur fyrir vikið, eða a.m.k einhver hluti hennar.Ég er reyndar þeim kostum gæddur að vera þolinmóður, bæði í umferð og á fjöllum og finnst mér ekkert að því að gíra niður og slaka á.
Ek um á 1600cc 33" súkku svo ég hef ekki annara kosta völ.En hinsvegar skil ég þessa kraftþörf alveg..
kv HB
Held að menn fari oft offari í sverun á pústi og fái orgelpipu. Hef átt 38" 2.8 pajero, með 2,5" opnu pústi uppskrúfuðu olíuverki og hækkuðum blow-off þrýstingi og munurinn var umtalsverður miðað við óbreyttan bíl á 33" sem mér fannst vita kraftlaus.
Menn verða að klára jöfnuna, þ.e.a.s. minni mótstaða > dæla inn meira lofti > sprauta inn meira eldsneyti. Annars verður engin aflaukning.
Svo hafa menn verið að reka sig á þá staðreynd að aukning í kæliþörf er nálega í beinu hlutfalli við aukið afl, sbr. 2.8ltr Patarnir.
Lárus Elíasson 3 -4 -4 -7
Í öðrum þræði hérna fullyrti ég eftirfarandi:
Fyrir tdi300 vélina í Landrovernum (4 cyl, 2,5 l) er að virka fínt að hafa 3" rör og engan kút. Spurning hvort hefði verið sniðugt að vera með einn opinn kút á leiðinni til að draga úr hávaða, en vinnslan og þá aðallega torkið varð mun skemmtilegra og eyðslan fór niður um ca líter og hávaðinn svosem alveg viðunandi.
Ég er nokkuð sannfærður um þetta. Var búinn að keyra bílinn á vegum og fjöllum í nokkur ár áður en ég fór í þessa aðgerð, semsagt þekkti orðið mjög vel hvernig bíllinn virkaði og breytti engu öðru samhliða þessu. Það varð hreinlega allt önnur virkni, hélt gírum áberandi betur og mallaði mun betur undir álagi. Breytingin aðallega á lágum snúningi, fann ekki svo mikla breytingu á snúningi. Og þar sem ég hef það fyrir sið að mæla eyðslu á hverjum tank (það er svo gaman þegar maður á Landróver) þá var alveg ljóst af tölum að það urðu þáttaskil þarna, meðaleyðslan fór niður um líter sem segir manni að hann á auðveldara með að gera sömu hluti og áður (aksturslag óbreytt). Ég kaupi hins vegar alveg þá kenningu að það sé mismunandi eftir vélum hvaða áhrif þetta hefur og kannski eru áhrifin ekki eins finnanlega á bílum sem hafa fyrir fullt af afli.
Hér vil ég benda á það, að Landcruiser HJ80 4.2 TDI er upprunalega með 2.5" púst sem dæmi. Vélin er 4.2 lítrar og 160 hestöfl(12 ventla). Þá dreg ég þá ályktun að vélar sem eru minni en 3 lítrar munu aldrei þurfa sverara púst en 2.5".
Sjálfsagt dugar orginal púst orginal bílum en þegar menn eru búnir að stækka dekk og þyngja bíla, skrúfa upp í olíuverki setja tölvukubb ofl. þá held ég að það sé skynsamlegt að víkka púst alveg upp í túrbínu, það sem ég hef lesið þá skiptir fyrsti meterinn mestu máli að hann sé víður upp á afgashita vélar.
Það er rétt að það sé betra að svera fyrsta hlutan í pústinu eftir turbínu þegar bætt hefur verið við eða skipt um olíuverk og spíssa td. í Ram Cummings og búið er að setja aðra turbínu eða tune upp sett í bílinn þá er sverara púst eða fermsti hlutinn með í pakkanum. En það sem ég er að fiska eftir er hvort einhver td. Patrol eigandi hefur farið með bílinn sinn í dynotest fyrir og eftir pústbreitingu þar sem bara hefur verið skipt um púst.Ég veit að annað virkar eins og að auka boost setja cooler og bæta við olíverk enda kostar það sitt eins og minni endingu vélar og aukan eyðslu og hærri afgashita
You must be logged in to reply to this topic.