Suzuki XL 7 ???

flottir bílar og suzuki náttúrulega bestur. vil sjá svoleiðis á 36"-38"

http://www.suzukibilar.is/xl7.htm

Sælinú!

Jú, núna er Súkkan orðin fullorðin og loksins pláss fyrir meira en tvo haldapoka í skottinu. Lengi vel var hvítur sýningarbíll frá Suzukibílum með 33" breytingu til sölu, sami bíll og var í prófun hjá bílaskríbentum hér og þar og var reyndar bíll ársins í sínum flokki ef ég man rétt. Gekk treglega út sýndist mér. Man ekki eftir að hafa séð annað eintak meira breytt en 30" eða svo. Skv. heimasíðu Suzukibíla er hann 1735 kg að eigin þyngd með dieselvél þannig að hann þarf nokkuð digra barða til að fylgja litlum breyttum bræðrum sínum eftir í snjó.

sæll hjalti, fyrirgefðu ef ég móðgaði þig eitthvað með ummælum mínum um Musso en nú vantar mig ef til vill góðra manna ráð. Er að spá í að kaupa mér bíl í vor en það liggur svo sem ekkert á því en alltaf gaman að spá og það sem ég var að spá í er Lada Sport, nema ég gæti fundið mér flottan og ódýran fox/samurai.
hvað finnst ykkur?

Sælir, jú það er bara orðið klassískt hjá ungum mönnum að byrja á þessu sem þú nefnir. Mér líst bara vel á það, plássið ætti ekki að vera neitt atriði í þínu tilviki frekar en það var hjá okkur á Willysunum hér áður fyrr. Sumir segja að Sportarinn hafi alla tíð verið vanmetinn ef út í það er farið, t.d. með sídrifi, gormum allan hringinn og sjálfberandi boddýi, svona rétt eins og Jeep GC! Verst að hann þróaðist bara aldrei neitt.
Gamall vinur minn dundaði sér við það í nokkur ár að umbylta þessum tegundum. Stækkaði og hækkaði allt sem var hægt að hækka og stækka á Lödu Sport og Fox. Vegna þessa tómstundagamans var á árshátíð á vinnustaðnum hans hengd upp auglýsing í hans nafni að hann tæki að sér að breyta fjórhjólum í jeppa!!! Ég held að eigin þyngd Súkkunnar hafi undir það síðasta verið orðin svo mikil að ökumaðurinn mátti ekki vera þyngri en 70 kg eða svo, ef ekki átti að fara yfir leyfilega heildarþyngd ökutækisins!