Suzuki Sidekick..

Sæll

Þetta eru fínir bílar, átti sjálfur svona 95 módel og var mjög sáttur.
Jú hann er með innspýtingu og tímareimin ætti að endast lengur. Sjálfur myndi ég huga að henni í 180-200 þús km. Lítið mál að skipta um hana og kostar ekkert sérlega mikið. Ég skipti sjálfur um hjá mér en ætti ekki að vera svo dýrt á verkstæði.

Áður en þú kaupir hann skaltu prófa hann vel. Fara í smá torfærur og prófa lága drifið og athuga hvort dekkinn rekist í þegar hann víxlfjaðrar alveg.
Eins skaltu athuga hvort dekkinn hafi verið að slitna jafnt undir honum.

Þegar ég var að kaupa minn var um tvo bíla að ræða á svipuðu verði. Annar var alveg hundleiðinlegur í akstri og bara hreinlega illa meðfarinn. Svo var hinn (sem ég keypti) fínn í akstri og nánast eins og nýr. Báðir vel útlítandi jafnt utan sem innan.

Eitt sem ég klikkaði á var að aka honum í ójöfnum í lága drifinu, því þegar kom smá hnykkur á drifið þá hrökk hann úr lága drifinu. Ég þurfti alltaf að styðja við lágadrifsstöngina til að hann héldist í því.

Svo borgar sig alltaf að spandera í skoðun á góðu verkstæði, láta fagmenn yfirfara allt fyrir rúman 5000 kall (veit ekki alveg hvað þetta kostar í dag). Þótt hann sé skoðaður er ekki víst að allt sé í lagi, gæti jafnvel eitthvað hafa gerst eftir skoðun.

Ég held að þetta sé fínt verð sem þú ert að fá hann á.

Jæja, nú man ég ekki fleira í bili.

Kveðja
Izeman

ps svo drífur þetta alveg helling og ótrúlegt hvað hægt er að láta hann lulla áfram ef maður heldur honum í rétt rúmlega 1000 sn.