This topic contains 24 replies, has 1 voice, and was last updated by 
-
Topic
-
Sælir félagar, ég var að velta því fyrir mér hvort þið gætuð aðstoðað við bilanaleit.
Sjúklingurinn er Suzuki Vitara 96 árgerð, 1600cc 16v og beinskiptur. Þannig er mál með vexti að bíllinn fer í gang án vandræða og hægt að taka af stað, en ef gefið er hraustlega inn er eins og hann kafni á inngjöf, drepst næstum á og hann kemst ekki úr sporunum. Með lagni og mjög lítillin inngjöf er hægt að koma honum uppí svona 60 í öðrum gír en ef það kemur brekka þá kafnar hann og maður verður að lulla upp í fyrsta, rétt hraðar en í lausagangi. Ef hann hins vegar gengur lausagang í meira en ca. 2 mínútur, þá drepst á honum og maður verður að pumpa gjöfina til að koma honum í gang.
Búið er að athuga eftirfarandi:
Nýjir kertaþræðir
Nýtt kveikjulok
Ný kerti
Nýr kveikjuhamar
Skipta um bensínlok
Athuga þjöppu á cylindrum, hún var ágæt
Athuga kælivatn, kælivatnsskynjarar eiga víst að geta verið með vandræði ef vantar vatn.
Athugatímareim og skipta um hana.
Skipta um bensínsíu.
Ekki búið að mæla þrýsting frá bensíndælu, en spíssareilið fær þó líklega nógan þrýsting því þar spýtist út bensín ef maður losar endaboltann.
Prófa að tengja og aftengja loftflæðiskynjara, breytti engu.
Það er ekkert ljós í mælaborði.Þannig að við erum eiginlega uppiskroppa með hugmyndir. Þær væru allar vel þegnar.
kveðja,
Gísli Sveri
-
Replies
-
Að bensíþrístingurinn sé ekki of hár þe ef þrýstijafnarinn er fastur og gefur því of mikinn þrísting þá færðu líka vandamál ss
mældu þrístinginn
kv Gísli
Mældi loksins bensínþrýstinginn í dag. Hann reyndist bara 22psi þegar hann átti að vera 34-38psi. Vonandi er þetta lausnin. Spurning hvort það er dælan sjálf eða rafmagnið að henni, kemur í ljós annað kvöld.
Afhverju það var svona mikið óbrunnið bensín hlýtur að skýrast af því að kveikjan er í rugli, eftir mikið fikt.
Svo er ekki loku fyrir það skotið að þetta sé þrýstijafnarinn, en ég hringdi í Suzuki í dag og þeir sögðust aldrei hafa selt svoleiðis, svo það er þá ekki svo líklegt að hann sé farinn.
kveðja,
Gísli Sveri
Blessaður!
Ég átti KIA bíl sem lét svona eftir að átt hafði verið við lokið í bensíntankinum sem bensíndælan er tengd við (tæringarvandamál). En það var ekki hægt að skipta um bara lokið/festingarnar heldur varð maður að kaupa bensíndæluna með. Til að reyna að spara var reynt að mixa lokið og tengingar (stútana) við bensínrörin í stað þess að kaupa nýja dælu með öllu. Ég losaði mig við bílinn áður en það fannst út úr þessu en mér datt helst í hug að bensíndælan eða öllu frekar tengingarnar við hana væru orðnar það lélegar að það örsakaði að dælan væri að draga inn falskt loft. Verst var þetta þegar bílinn var i halla (upp að framan) og lítið á tankinum.
Það verður fróðlegt að heyra svo hvað veldur þessu hjá þér.
Kv. SHM
Þetta er nær örugglega bensíndælan, þær hafa átt það til að fara með svipuðum afleiðingum og hjá þér. Ef þig vantar dælu gæti ég vitað um eina.
Kv. Súkkukall
You must be logged in to reply to this topic.