This topic contains 24 replies, has 1 voice, and was last updated by 
-
Topic
-
Sælir félagar, ég var að velta því fyrir mér hvort þið gætuð aðstoðað við bilanaleit.
Sjúklingurinn er Suzuki Vitara 96 árgerð, 1600cc 16v og beinskiptur. Þannig er mál með vexti að bíllinn fer í gang án vandræða og hægt að taka af stað, en ef gefið er hraustlega inn er eins og hann kafni á inngjöf, drepst næstum á og hann kemst ekki úr sporunum. Með lagni og mjög lítillin inngjöf er hægt að koma honum uppí svona 60 í öðrum gír en ef það kemur brekka þá kafnar hann og maður verður að lulla upp í fyrsta, rétt hraðar en í lausagangi. Ef hann hins vegar gengur lausagang í meira en ca. 2 mínútur, þá drepst á honum og maður verður að pumpa gjöfina til að koma honum í gang.
Búið er að athuga eftirfarandi:
Nýjir kertaþræðir
Nýtt kveikjulok
Ný kerti
Nýr kveikjuhamar
Skipta um bensínlok
Athuga þjöppu á cylindrum, hún var ágæt
Athuga kælivatn, kælivatnsskynjarar eiga víst að geta verið með vandræði ef vantar vatn.
Athugatímareim og skipta um hana.
Skipta um bensínsíu.
Ekki búið að mæla þrýsting frá bensíndælu, en spíssareilið fær þó líklega nógan þrýsting því þar spýtist út bensín ef maður losar endaboltann.
Prófa að tengja og aftengja loftflæðiskynjara, breytti engu.
Það er ekkert ljós í mælaborði.Þannig að við erum eiginlega uppiskroppa með hugmyndir. Þær væru allar vel þegnar.
kveðja,
Gísli Sveri
-
Replies
-
Einnig væri gaman ef einhver lumaði á varahlutabíl og væri til í að lána mér skynjara til að prófa, s.s. vatnshitaskynjara, loftflæðiskynjara og slíkt.
Hefur einhver tekið eftir því að heimasíða Suzuki er suzukibilar.is ? Mér finnst það ekki gróðavænleg markaðssetning 😀
Pabbi gamli lenti í því fyrir sirka tíu árum með svipaðan bíl að það bráðnuðu saman þrír vírar (kápan utan um þá öllu heldur) sem hafa eitthvað með innspítinguna að gera. Mig minnir að þeir séu hægra meginn aftarlega í einhverju svörtu boxi.
Þetta var reyndar sjálfskiftur Sidekick með 1600 vél. Umboðið sá um að spottera vandann og gera við.
Kv. Haffi.
Eru útblástursgöngin í lagi! Gæti verið að kísillinn í hvarfkútnum væri farinn að molna og hringla inni í kútnum og þá stífla útblásturinn???
Ertu með flækjur???
Alli
HaffiTopp
Það er auðvitað góð hugmynd að skoða öll lúm, ekki ólíkleg skýring á svona "draugavandamáli". Geng í það mál í kvöld.
dagsform
Var búinn að hugsa út í þetta, finnst þá ekki að hann ætti að drepa á eftir 2 mínútur í gallalausum lausagangi. Þarf samt að rífa hvarfakútinn undan, svo það kemur þá í ljós.
Almar Árnason
Ég er nýbúinn að kaupa bílinn, en ég held að það séu ekki flækjur, 90% viss. Getur það valdið veseni?Annars hallast ég að því að þetta sé bensínblönduvandi, veit bara ekki hvað veldur.
kveðja,
Gísli Sveri
Þegar ég les aftur yfir lýsinguna hjá hér efst þá kannski er það ólíklegt en ég átti svona bíl sem í voru flækjur og þá þjáðist hann af gangtruflunum oft á tíðum, þá sérstaklega í bleitu…..var það skinjari í pústi (eða vírarnir að honum) sem var orsakavaldur því að hann var kominn nánast undir miðjan bíl, þar sem flækjurnar sameinuðust en er annars í pústgreininni…….
Alli
Lenti í svona svipuðu með mína súkku og eftir miklar athuganir kom í ljós að 2 kertaþræðir leiddu út en eingöngu þegar vélin var farin að hitna. Ég myndi athuga kertaþræðina betur.
Ef að snúningurinn næst ekki upp án álags myndi ég hallast að því að það sé skortur á eldsneyti. Þó að vélin gengi bara á 2 cyl. ætti maður að ná snúningshraða upp án álags.
Hef lent í því sama á diesel traktor sem var nýr en ein sían (gruggkúlan) var stífluð sem leyndi á sér því að það kom ekki í ljós fyrr en hún var tekinn í sundur. Ég myndi því fara betur í gegnum bensínrörin og kannski eru fleiri síur. Eða þá bensíndælan.
Kv. SHM
Þú segist hafa tekið loftflæðiskynjara úr sambandi og það hafi ekki breytt neinu. Mér þykir það ágæt vísbending um að loftflæðiskynjarinn sé bilaður ef bíllinn gengur jafn illa þegar skynjarinn er tengdur eða ótengdur.
Hvernig er öndunin á bensínkerfinu. Ef þetta er "gamla" kerfið þá getur verið að öndunin sé stífluð (taka af bensínlokið og keyra þannig). Eða kannski að loftsían sé stífluð?? Mér var allavega kennt í bilanaleit að útiloka eldsneytiskerfið áður en maður fer í rafkerfið o.þ.a.l. tölvukerfið.
Kv.SHM
Sæll á sukku með flækjum og þessu dóti lenti í svipuðu brasi í vetur sérstaklega ef það var raki eða bleita , mér var sagt að þetta væri kveikjulokið tók það í sundur púsaði sreyaði wd40 inní það og á kertaþræðina á báðum endum og það virkaði.
Takk fyrir góðar hugmyndir og svör.
Björgvin:
Kertaþræðirnir eru splunkunýjir og vandamálið var til staðar áður en skipt var um þá. Svo er annað mál að gangurinn breytist ekkert eftir því hvort bíllinn er heitur eða kaldur.
Sigurdurhm:
Búinn að ganga úr skugga um að það er fínn bensínþrýstingur, alveg inn í spíssareilið, svo ég hugsa að dælan sé í lagi. Búinn að prófa þetta með bensínlokið.
Elmar:
Kveikjulokið er nýtt, pússaði samt sem áður snertlurnar, breytti því miður engu.
Baldur:
Þegar ég hugsaði betur út í þetta, þá er K&N sía í bílnum, en þær eru þekktar fyrir að rústa loftflæðiskynjurum. Mér finnst þetta langlíklegasta skýringin.Þá er önnur spurning. Getur einhver lánað mér svona skynjara í 5 mínútur til að prófa, svo ég geti keypt hann með góðri samvisku á mánudaginn?
Kveðja,
Gísli
Fékk lánaðan loftflæðiskynjara úr bíl í fullkomnu lagi, hafði ekki erindi sem erfiði. Ætla að reyna að koma honum í tölvu. Kannast enginn við þessa bilanalýsingu?
Sæll
Er kveikjan rétt stillt??
Er óeðlilegt soghljóð við vélina? Gæti verið að draga falst loft.En annars held ég að þetta sé pústið, skrúfaðu það í sundur á fyrstu samskeytum eftir að það kemur frá greininni og prófaðu kaggann þannig. Skemmtilegt hljóð. hehe
Ég mundi prófa þetta
Ómar Gunnarsson
Það kæmi þægilega á óvart ef það væri hvarfakúturinn, þarf að skipta um pakkningu fyrir framan hann þannig að næsta mál er að rífa þetta í sundur og prófa.
Það er búið að fara allan skalan með kveikjuna, hann skánar ef ég sný henni öfgamikið til vinstri (veit ekki hvort það er að flýta eða seinka) en þá gengur hann 2500rpm í lausagangi, svo það er líklega ekki skýringin.
Helst ekki hafa ég held dæmi í því:)
Mældu þrístinginn og sjáðu hvort hann sé réttur.
Hann á að vera 2,5-3,0 bör án vacumslöngu á þrýstijafnara og 2,1-2,6 bör með þrýstijafnara tengdann.
kv Gísli
Sæll Gísli
Ég lenti í svipuðum vandræðum með Cherokee hann var í lagi í smá tíma en þá missti hann afl. Eftir að vera búi að skipta um helling af dóti í vélinni, skera hvarfakútinn úr þá kom í ljós að bensíndælan missti þrýsting og þá fúskaði bíllinn og missti afl.
Kveðja
Sveinbjörn R-43
Tók pústið í sundur fyrir framan hvarfakút en það breytti engu. Og líklega er nægur bensínþrýstingur, því hann var settur í mengunarmæli í dag og þá kom í ljós að það er óeðlilega mikið óbrennt bensín í pústinu. Blandan er því of sterk hvað sem veldur því.
ég er í svipuðum vandræðum með mína súkku
ég skipti út 1298cc efi vél fyrir 1590cc og setti efi dótið af 1298cc vélini á hana.
hún eyddi einsog andsk þannig að ég fór með hana á verkstæði og kallinn var búinn að komast að því að hún fær of sterka blöndu nú er hann að reyna tengja han við tölvu til að finna hvað er að
en mín keyrði hinsvegar nokkuð eðlilega
efast um að þetta hjálpi en allavega innlegg í málið
prufaðu ef þú getur fengið lánaða tölvu úr alveg eins bíl að svissa á milli.
Hún er staðsett undir mælaborðinu vinstra megin ef þú vissir það ekki þegar.
You must be logged in to reply to this topic.