Sunnudagshugvekja.

Nú ætti ég sem "dreifari" líklega ekki að leggja neitt til þessara mál, en í Reykjavík er jú miðstöð alls starfsins og höfuðaðsetur (án þess að gera lítið úr Setrinu!) og sumir okkar dreifaranna hefðum áreiðanlega gott af því að kíkja við þegar við erum á ferðinni á réttum dögum. En mig langar til að koma að þeirri hugmynd, hvort ekki sé hentugast að fá til kaups eða leigu iðnaðarhúsnæði á einu gólfi, sem yrði nýtt þannig að verulegur hluti þess væri þannig útbúinn að þar gætu félagsmenn fengið að fara inn með bíla sína til að þrífa þá eða í minniháttar viðhald (miða við að það væri eitthvað, sem hægt væri að klára á einni kvöldstund og skilyrði að menn væru farnir út fyrir einhvern tiltekinn tíma), hluti húsnæðisins væri hinsvegar nothæfur sem fundarsalur, en svo mætti stækka aðstöðuna með því að opna í milli fundarsals og þrifalegs bílaskála þegar mikil aðsókn væri. Það er hugmyndin á bak við það að leyfa ekki langtímastöður bíla í viðgerð þarna inni. Hvað segið þið um einhverja útfærslu á þessari hugmynd?

Það er víst rétt að klúbburinn eigi orðið ansi digran sjóð og hefur oftar en einu sinni verið sagt að það er alls ekki markmið hans að safna endalaust peningum. Hagnaði var skilað af reglulegri starfsemi á síðasta ári og ég held að það stefni í annað eins, þótt ég þori nú ekki að vera með yfirlýsingar fyrir aðalfundinn. Rætt var í stjórn í vetur að finna yrði leiðir til að verja þessum fjármunum þannig að allir félagsmenn njóti góðs af. T.d. er tækifæri fyrir landsbyggðardeildir að óska eftir styrkjum núna á komandi aðalfundi, ég held að ein styrkveitingarbeiðni hafi borist á síðasta aðalfundi.

Minn elskulegi Ofsi skilur ekkert af hverju ég er að blanda Setrinu inn í þetta en í mínum huga er þetta nátengt allt saman. Það var vilji til þess að eyða þessum fjármunum í að byggja annan skála í eigu félagsins en það virðist lítið gerast í þeim málum og líklega er miklu sniðugra að taka skála annarra félaga í vetrarfóstur, enda bíða útivistarfélögin í röðum eftir því að klúbburinn slái til og segi já. Jújú, eins og allir vita þá vil ég bæta aðstöðuna á toilet-sviðinu upp í Setri en það var nú ekki það sem ég átti við hér að ofan, heldur þá ákvörðun sem hefur verið tekin um að kanna stækkun á Setrinu sjálfu. Það mál hefur verið á "hold" í dágóðan tíma vegna hugmynda um annann skála. En þegar litið er til þess að farnar eru a.m.k. 5 ferðir á ári eða fleiri þar sem Setrið er stappfullt þá má alveg huga að því að bæta aðstöðuna, þó væri ekki annað en að kaupa stóla svo allir fái sæti en ekki bara helmingurinn!

Í hvað vilja félagsmenn að fjármunum félagsins sé eytt? Það er eingöngu aðalfundur sem getur tekið allar meiriháttar ákvarðanir um eyðslu á peningum klúbbsins, ekki stjórn. Heimildir stjórnar til að taka ákvarðanir eru bundnar við þá upphæð sem kemur inn í félagsgjöldum á hverju ári. Dágóð upphæð en dugar ekki til skálabygginga eða byggingu húsnæðis. Og það er alveg frábært að það sé komin af stað einhver umræða um þessa hluti því þannig koma fram hugmyndir sem hægt er að byggja einhvern umræðugrundvöll á. Ég legg því m.a. til að allir leggi höfuðið aðeins í bleyti fram að aðalfundi og komi með sniðugar hugmyndir. Ef það verður samþykkt á aðalfundi að kanna frekar með húsnæðismál klúbbsins hér í Reykjavík þá mun stjórn fara í slíka vinnu. Annað mál sem t.d. þarfnast fjármuna, þó ekki eins mikilla, eru heimasíðumál klúbbsins og er vinna að hefjast á því sviðinu nú þegar.

Fari klúbburinn út í það að byggja eigin húsnæði þá þarf gífurlega vinnu til og góða og trausta aðila til að halda utan um slíkt verk. Og mikla sjálfboðavinnu. Klúbburinn á fjármuni, en ekki tugir milljóna eins og ein svona bygging getur kostað.

Hugmynd Ólsarans er líka góð og hans hugmyndir eiga fullan rétt á sér þótt hann sé "dreifari"! En í dag sækja allt upp í 200 manns mánudagsfundina og það þarf góða aðstöðu til. Ein hugmynd sem hefur komið fram er að kaupa okkur inn í húsnæði FÍ í Mörkinni, fjármagna breytingar á húsnæðinu svo það henti betur og nýta þá stóra salinn niðri, þann sama og FÍ heldur sínar myndasýningar í. Nú er kominn nýr forseti FÍ, fínn náungi sem við mörg hver þekkjum sem einn af velvildarmönnum klúbbsins, Ólafur Örn Haraldsson. Kannski hittum við þá fyrir aðeins skárra viðmót en það sem við höfum fengið frá FÍ fólki þetta starfsár sem er að ljúka.

Ég er opin fyrir öllum hugmyndum um húsnæði. Ef ég hefði verið einráð væri ég fyrir löngu búin að pakka saman og storma úr Mörkinni, aðstaðan er svo hroðaleg miðað við starfsemina sem þyrfti að geta farið fram þarna.

Þetta varð alltof langt hjá mér…. :o)

Kveðja
Soffía

Í þau fáu skipti sem ég hef komið í mörkina hefur mér fundist það heldur þröngt og það eitt að fólk þurfi að vera hálf hokið undir súð þegar fjölmenni er finnst mér fráhrindandi að mæta á opið hús,þó svo að maður láti sig hafa það.
Ég er ekki búinn að vera lengi í klúbbnum en þegar ég mætti á opið hús inní mörk í fyrsta skipti,kom það mér heldur spánkst fyrir sjónir miðað við fjöldann sem er í klúbbnum hvað húsnæðið var og er lítið.
Til að nýta húsið betur væri hægt að ryðja þessum borðum sem er stillt upp fyrir miðju og fáir geta nýtt,á annan hátt upp og fært þau nær veggjum. (mín skoðun).

kv
Jóhannes

Held að hugmyndin hjá Ólsara gangi ekki upp þó að óneytanlega sé hún spennandi. Þetta er eynfaldlega of fjölmennur félagskapur til að blönduð nýting á húsnæðinu geri sig án árekstra með tilheyrandi leyðindum.

held að hugmind "ólsarans" ofl gæti alveg gengið eins og hver önnur, ef regglur eru settar um notkun svona "multipurpose" húsnæðis þá er bara að setja reglur og fylgja þeim eftir svo sem um kostnað, umgengni ofl (dæmi nú hver fyrir sig), ef rekstrargrundvöllur værir fyrir svona húsnæði þá yrði væntnalega að hafa ca 1/2 starf með í þeim reikning, þetta yrði að sjálfsögðu að vera algjör "multipurpose" manneskja….

það ætti nú ekki að vera flókið fyrir suma af okkar reiknihestum að setja upp smá reikniforrit og skoða svona í startið

kv
Jon