This topic contains 9 replies, has 1 voice, and was last updated by 
-
Topic
-
Suðurlands-og Suðurnesjadeild eru að undirbúa sumarhátíðina.
Hvað eigum við nú að gera til að hátíðin verði sem veglegust ? Eru svona bíltúrar nauðsynlegir ? Gera meira fyrir börnin ? Áfengisbann ? Allir í háttinn fyrir miðnætti ? Meira af þrautum og leikjum ? Varðeldur ómissandi ? Hvað segja menn í deildum um þátttöku ?
-
Replies
-
Anonymous- Umræður: 0
- Svör: 16404
Jæja er komið heilt ár síðan á Akureyri ? og þá hálft ár í jól.
Menn hefðu bara gott af að sleppa bíltúrnum og fara frekar á hestbak. Það hafa náttúrulega fæstir prufað þetta og veitti mönnum dýrmæta reynslu til að spekulera í nýju fjaðrakerfi. Þótt hesturinn hafi ekki vhf… og og og auka þetta og hitt, þá hefur hann þreplausa hraðastýringu og fax.!
Áfengisbann ætti auðvitað að gilda fram að hádegi,hvernin ætti annars að fara á hestbak ?
Varðeldur er alltaf skemmtilegur en hvað um þetta meinta gítarrall ???? Á að gefa út sérstakt sönghefti,stærra,virðulegra og auðvitað með heldur fleiri textum heldur en á Akreyri.
Virðuleg athöfn einsog ávarp formansins ætti reyndar að fara fram á Sunnudagsmorgni kl 10. stundvíslega,þá truflar hann engan.Sólarkveðjur Strumpur
Anonymous- Umræður: 0
- Svör: 16404
Þó það sé kannski útúrdúr í þessari umræðu, þá er einkennilegt eftir að hafa fylgst með endalausum vangaveltum um það hvernig hægt sé að ná fleiri hestöflum undir jeppahúddin, að sjá það lagt til hér að menn ferðist sitjandi klofvega á eins hestafla grasmótor! Það er ferðmáti sem er heldur ólíkur því sem við sækjumst almennt í eða hvað!
Kv – Skúli
Jæja, nú er undirbúningur að fara að hefjast fyrir alvöru. Ég heyri að það verði mikil mæting frá Suðurnesja-og Suðurlandsdeild á hátíðina. Í deildunum hefur ekki verið hefð fyrir sumarstarfi, svo þetta er nýlunda hjá okkur. Asskoti er menn eitthvað daufir í dálkinn að tjá sig um hátíðina. Væntanlega eru bara allir sáttir við dagsskrána ??!! Eru ekki samt eitthvað sem menn vilja segja.
Hvað segja t.d. norðanmenn með þátttöku ??
Nú er allt að smella saman með undirbúninginn. Veðurguðirnir lofa sæmilegasta veðri, svo nú er um að gera að drífa sig. Risatjaldið verður reist í kvöld, söngheftin eru tilbúin með gítarhljómum.
Sipulagður hefur verið ca 1 klst reiðtúr kl 14,00 á laugardag, sem kostar kr. 2,000 pr mann
Hvað segja norðanmenn t.d. um mætingahorfur ??
Anonymous- Umræður: 0
- Svör: 16404
Jæja er þá allt orðið klárt fyrir þessa gleðisamkundu.
Hestarnir stríðaldir og bikarinn fullur.Heyrst hefur að gefa eigi út sönghefti með blindra letri og ævigamlir meðlimir þurfi ekki að draga upp aukaaugun.
En hvaða bull er þetta um að Shadows eigi að spila þarna ?
10 gítarar og einhvað fleira.!!Veðurspáin er stórfín, miðað við staðsetningu á Íslandi svo ekki ætti það að fæla frá.
Ætli þakið geti rifnað af tjaldinu,eða opnast það bara ????
Ætli norðanmenn geti sungið jafn hraustlega og þeir gerðu síðast ???Suðurnesjamenn, ætli þeir kunni bara einn texta ???
kveðja
söngstrumpurinn
Já söngheftið er tilbúið og gætir þar ýmissa grasa. Letrið er stórt, það er rétt. Nú er vitað um 5 gítarleikara. Gerð verður leit í bílum sem á svæðið koma og kannað hvort ekki leynist þar fleiri hljóðfæri, því auðvitað eiga allir að spila með
Unnið er að því að kenna Suðurnesjamönnum að syngja um annað en Pattana (Patrólana). Að vísu er búið að endurbæta vísuna því Smári setti low-gír í bílinn og loftpúða. Það verður að dásama þetta líka í söngnum
Jæja, nú er sumarhátíðin að baki.
Hvernig fannst mönnum takast til?
Mér fannst þetta hin besta skemmtum. Formenn Suðurlands- og Suðurnesjadeilda stjórnuðu þessu af skörungsskap og klikkaði ekkert nema veðrið. Því var þó reddað fyrir horn með því að vera með stórt samkomutjald þar sem sameiginlegur kvöldverður, kvöldvaka og gítarrall fór fram. Frekar fámennt var víst í bíltúrnum sem Heiðar stóð fyrir á laugardagsmorgninum. Palli Hall, Gummi Hæ ásamt fleirum stjórnuðu leikjum barna á öllum aldri í rigningunni. Lúffi trúbador spilaði undir fjöldasöng við varðeldinn sem skíðlogaði þrátt fyrir skýfall fyrr um daginn.Kveðja
KG
Sælir félagar.
Ég verð nú að segja það að við fjölskyldan skemmtum okkur bara vel, þrátt fyrir að veðrið hafi ekki verið upp á marga fiska…, en þó var nokkuð hlítt allan tíman. Einnig var hópurinn minn nokkuð stór á svæðinu og allir staðráðnir að hafa gaman alla helgina.
Einhver umræða var þó á svæðinu, eftir að sumir menn hrukku í kút, er vaskir menn mættu í tjöldin til að rukka 3.500 kr þátttökugjald fyrir fjölskylduna. Ég hef svo sem ekkert um það að segja annað en það, að það hefði alveg mátt segja frá því í Setrinu, því hefð er fyrir því að kosnaður við undanfarnar hátiðir hafa verið kostaðarlitlar fyrir félagsmenn. Hafa ber þó það í huga að kostaður við stóra samkomutjaldið var þó nokkur…
Einnig var ekki mikil stemming fyrir bíltúr í mínum vinahópi, því jú við vorum að koma úr 2 vikna bíltúr. Sennilega er þó heppilegra að fara í 3 – 4 tíma bíltúr á stundum sem slíkum, en 7 tíma.
Annars var bara gaman….Maður er manns gaman…
kv
Palli.
Gaman í heyra í ykkur Páll og Kjartan. Það var nokkur óánægja með þetta rukkeri á okkur. Lítillega var leitað eftir styrkjum fyrir tjaldinu í heimabyggðunum en ekki tókst að fá styrktaraðila. Já tjaldið kostar kr. 100,000 og gerði svo sannarlega sitt gagn.
Það er erfitt að ákveða verð aðgöngumiðans, þegar ekkert er vitað um þátttöku og veður. Kannski að tjaldið hafi orðið til þess að fleiri hafi mætt en ella og er það þá hið besta mál.
Við fyrstu sýn, virðist að nokkurt tap hafi orðið á hátíðinni, en vonandi er það ekki meir en svo að Suðurnesja-og Suðurlandsdeild láti sig hafa það að greiða það.
Bíltúrinn kom mér á óvart. Í Hrafnagili í fyrra fóru hér um bil allir í bíltúrinn og nú fóru aðeins 6 bílar.
Um 43 tjöld voru á svæðinu, þannig a.m.k.150 manns hafa verið á svæðinu.
You must be logged in to reply to this topic.