Sumardagurinn fysti

Sæll Magnús,

Hvað er það sem þú kallar Dyrfjalla-leið hér sunnan heiða ? Ég man ekki eftir henni – en mig gæti nú svo sem misminnt með það ?

En ég má til með að láta fljóta með hér smá sögu um þennan þráð og ég vona að þú móðgist ekki allt of mikið Magnús.
Ég fékk nefnilega tölvupóst í dag frá aðila sem þekkir framhaldsskólakennara í íslensku hér í bæ. Sá hafði verið að skoða þessa síðu eitthvað og séð þennan þráð.
Viðkomandi þótti þetta svo glæsilegur þráður að hann kóperaði hann algjörlega án leyfis náttúrulega (þó er vísað samviskusamlega í heimildir), setti upp á blað og dreifði í tíma hjá sér sem leiðréttingarverkefni í Íslensku.

Aftur, ég vona að ég sé ekki að móðga þig of mikið Magnús með að segja frá þessu hér – það er alls ekki tilgangurinn. Frekar að benda á hvernig þessi vefur okkar er óþrjótandi brunnur gleði á ólíklegustu stöðum 😉

Arnór

Ok – ég mundi bara eftir Dyr og Dyradal þar, ekki Dyrfjöllum – en sé það núna þegar ég skoða það nánar á korti – takk fyrir það Ofsi.

Það má kannski einnig bæta aðeins við þennan pistil hjá Magnúsi hinum síðari. Að það er ekkert sama sem merki milli þess að geta stafsett rétt og geta skrifað læsilegan texta.
Magnús hinn fyrri. Þ.a.s aðalstjarna þessa þráðar og nú orðinn landsþekktur fyrir prófverkefni ( spurning hvort hann ætti að fá greitt frá menntamálaráðuneytinu fyrir þetta innlegg sitt til bættrar málnotkunar ) sérstaklega í ljósi hnignunar íslenskrar tungu, á þessum síðustu og verstu tímum. En engu af síður legg ég til við þig Magnús að þú fáir þér forritið Púkinn sem er ritvilluvörn, beygingarforrit og samheitaorðabók. Reyndar ættu allir að vera með þetta forrit. Það er afskaplega þægilegt að geta skrifað hratt og líta síðan yfir textann og sjá að Púkinn hefur strikað undir það sem ekki er rétt stafsett. Púkinn er kannski ekki endanleg lausn, heldur dregur hann stórlega úr villum og í tilfellum þeirra sem eru verulega slæmir í stafsetningu gæti árangurinn orðið 80-90% . Púkinn gæti t.d hjálpað Magnúsi hinum síðari til þess að setja inn pistla án þess að konan sé heima.
Annað innlegg hvað er eiginlega Lesblinda, ég held að það hafi ekki verið búið að finna upp það orð þegar ég var í skóla. Reyndar var ekki heldur búið að finna upp orðið misþroska, of virkur og fleiri fín orð yfir það sem við kölluðum bara tossa, Svo eru menn greindir í dag, það þykir helvíti flott að skella börnum bara í greiningu. Við fjölskyldan fengum einmitt reynslu að þessum greiningum. Þegar dóttir mín var í skóla í Breiðholti þá var hún sett í greiningu, að mér forspurðum. Síðan vorum við foreldrarnir kallaðir á fund í skólanum. Ég vissi nú ekki alveg hvað var í gangi. En þarna voru mætti sérfræðingar. Og var nú lagst yfir niðurstöðurnar sem ekki voru góðar. Þegar ég las yfir þessa greiningu sá ég strax að, dóttir mín hefði ekki skilið spurningarnar. Einfaldlega vegna þess að hún var fædd í Svíþjóð og hafði búið þar í 8 ár án þess að hafa nokkurn tíman hitt íslenska krakka á sama reki. Og auk þess töluðu systkinin nánast eingöngu sænsku sín á milli. Síðan eftir að hafa búið hér í eitt ár fer hún semsagt í þessa greiningu.
Þarna höfðu sérfræðingarnir semsagt farið offari í speki sinni. Því má svo bæta við að þetta sama próf var síðan lagt fyrir hana snarlega á sænsku, enda var ég víst nokkuð óstilltur þarna. Og bingó, hún náði meðal greind þrátt fyrir þá fötlun sína að eiga mig sem faðir. Úpps, hvert er ég eiginlega kominn.

Það er að mínu mati lágkúrulegt að leggjast á menn sem eru rit-lesblindir en hef í gegnum tíðina rekist á þó nokkra fræðinga sem dæma börnin aftur í torfkofana í valdi fræða sinna,og eins og Ofsinn segir voru þau kölluð tossar og voru sett í bekk samkv því.
En afstaða þessara fræðinga átti það til að breytast ef maður eins og Ofsinn var óstilltur í návist þeirra og neitaði að kaupa afurðir þeirra á Nóatúnsverði Ég geymi enn nokkur slík fræðileg próf sem gerð voru á fósturbörnum mínum og enn þá hristi ég hausinn yfir menntaheimsku fræðingana,og þeim mun vittlausara finnst mér að þegar gert er líkt og Magnús hinn síðari lýsir og finnst það lýsa algjöru virðingarleysi og hroka manna sem eiga að vita betur, og hafa þar af leiðandi enga afsökun fyrir gerðum sínum.
Klakinn

Vil taka undir með rithöfundinum Einari Kára að það skipti meira máli að hafa eitthvað fram að færa en endilega gera það á réttu máli.

Púkinn annars ágætur og hjálpar svona les-blindingum eins og mér.

l.