Suðar í tölvunni

Besta lausin er að fá sér áriðil sem spennir upp úr 12V í td 19V með því tapast minni orka auk þess sem þú ert ekki að framleiða 220V riðspennu í óþarfa til að spenna það síðan niður í 19V jafnstraum en það er jú orkan sem flestar fartölvur nota.
Það segir sig sjálft að það er raunhæfasti kosturinn.

Ég gæti trúað að suðið sem er að stríða þér verði til vegna þess að bylgjuformið sem áriðillinn framleiðir er kassabylgja. Því kröftugri sem áriðillinn er, þeim mun "betur" nær hann að framleiða fullkomna kassabylgju, en það eykur enn hættu á svona truflunum. Ég kann engar pottþéttar einfaldar aðferðir til að losna við svona suð og legg til að þú dustir rykið af gamla áriðlinum fyrst hann truflaði ekki. Svo fást reyndar áriðlar sem framleiða sínusbylgju, en þeir eru margfalt dýrari en kassabylgjuáriðlarnir.

Svo er einn möguleiki í stöðunni: Ef voltafjöldinn á rafhlöðu tölvunnar er 12 Volt eins og á gömlu fartölvunni minni þá ættu 14 volt frá rafkerfi bílsins að duga líka. Ég útbjó snúru með sígarettukveikjatengi í annan endann og passandi fyrir tölvuna í hinn – og þetta svínvirkaði. Að vísu fær batteríið í tölvunni enga hleðslu, en í þessari vél er það löngu orðið ónýtt og virkar hvort eð er ekki. Þeir sem vilja prófa svona kúnstir verða bara að vera 100% vissir á að tengja plús og mínus rétt og gera þetta alfarið á eigin ábyrgð.

Wolf