This topic contains 9 replies, has 1 voice, and was last updated by 
-
Topic
-
Sælir félagar.
Ég er að dunda mér að gera upp gamlan patrol og er núna að vinna í frammhásingunni.
Ég ætla að styrkja hana með prófíl og þá rakst ég á smá vandamál. Hver getur soðið prófílinn á drifkúluna hjá mér þar sem hún er úr steypujárni.. Ég er nokkuð lúnkinn á miggunni en þetta er eitthvað sem ég er með smá vafa fyrir, þarf ekki að pinnasjóða þetta með einhverjum spez kúnstum. þetta er allt tilsniðið og hásingin tóm.. þarf bara að vita hvert ég gæti farið að láta mauka þetta saman fyrir mig.
-
Replies
-
Þett á allt að vera suðuhæft stál og því ekkert því til fyrirstöðu að nota "miggið".
Það er allavega mín reynsla af patrol hásingum.
Kv Júnni
Já helduru það..
Kannski nóg bara að vera með vélina í hvínandi botni til að ná sæmilega inn í þetta…
spurning um að gera bara prufu á þessu..nema einhver viti betur.. ?
Ég held það sé smá misskilningur í gangi hérna.
Hjalti talar um steypujárn þannig að hann hlýtur að vera að tala um gömlu Patrol hásingarnar með litla drifinu.
Ég hef eitthvað soðið í drifkúlur í Dana hásingum en þær eru úr svona einhverju pottstáli. Vandamálið með að sjóða í þetta er að potturinn og stálið sem er soðið við kólnar mishratt og þegar það gerist þá er hætt við að suðan springi. Það eru tvær leiðir til að komast hjá þessu, annarsvegar sú að hita kúluna duglega og sjóða þetta síðan saman og leyfa þessu að kólna hægt t.d. með því að vefja þessu inn í steinull. Þar sem þú nefnir að hásingin sé tóm þá man ég eftir því að hafa séð á einhverju kanaspjallinu þar sem einhver kveikti hreinlega í grillkolum inn í hásingunni til að hita hana… það gæti kannski virkað.
Hin leiðin er að sjóða bara stutt í einu, svona 2-3 cm og leyfa þessu að kólna á milli. Ég hef gert þetta þannig og það hefur ekki verið til vandræða. Strax eftir að ég sýð þá lem ég líka í suðuna með gjallhamri og losa þannig um spennu sem gæti myndast.
Ég hef bæði notað MIG suðu í þetta og pinnasuðu með einhverjum spes pinnum sem ég fékk í Landvélum.Tek það síðan fram að ég er EKKI fagmaður og veit eiginlega ekkert hvað ég er að gera… en þetta hefur virkað fyrir mig
Ef þú vilt fá einhvern til að gera þetta fyrir þig þá dettur mér helst í hug bara Stál og Stansar og Renniverkstæði Ægis
Sæll Kristinn.
já þetta er gamla patrol hásingin.. þetta er 86 model að patrol.
Ok. Þannig að potturinn kólnar hraðar en stálið. Já ég var búinn að hugsa um að lemja duglega í þetta eftir suðu, einmitt útaf spennumun. Það eina sem ég er hræddur um, eins og þú segir, hvort maður geti notað venjulegan MIG þráð í þetta eða hvort maður þurfi einhvern spes pinna í þetta. Það sagði mér einhver að þetta væru annarskonar vírar notaðir í þetta.
Þetta með kolin fannst mér fyndið, hefði ekki getað dottið það í hug sjálfum. Veit ekki alveg hvort maður prófi það en ég ætla að prófa að sjóða þetta með allt í botni 2-3 cm og nota steinull.
Spurning um að forhita pottinn með gasbolta fyrst..
Vorum einu sinni tveir saman að gera við Dana 60 sem hafði brotnað í tvennt í árkestri, ef ég man rétt þá var grjótvarnargarður eitthvað að þvælast fyrir econoline-inum sem hún var undir, svona leit hún út……..https://old.f4x4.is/index.php?option=com … mId=271759
Við réttum hana af eins og við gátum með tveimur búkkum og stórri sleggju. Síðan forhituðum við hana vel og lengi með gastækjum, suðum hana með krómpinnum ef ég man rétt (a.m.k. með pinnum fyrir pott), hömruðum suðuna og kringum hana eftir hvern pinna, héldum allan tímann sem jöfnustum hita á hásingunni (bæði rörinu og kúlunni) og héldum hita á öllu saman í smá tíma eftir að við hættum að sjóða og hömruðum kringum suðurnar á meðan. Pökkuðum svo hásingunni inn í steinull og vinnugalla til að hægja á kólnun.
Þetta virkaði mjög vel. Fórum reyndar aldrei í ferð á bílnum því hann seldist áður en breytingum lauk en fórum í nokkra prufutúra þar sem við þjösnuðumst á honum. Seinna var hann í togi og rakst þá annað framhjólið í steinsteyptan stólpa við enda á handriði á brú svo bíllinn hoppaði til á brúnni, en ekkert sá á suðunum þrátt fyrir það svo þessi aðferð virkaði greinilega vel.
Freyr
Smá spurning: Er þessi hásing ekki alveg fílhraust? Lítur a.m.k. út fyrir að vera mjög sterk, svo fyrir hvaða átök er verið að styrkja hana?
Allavega er gamla hásingin úr ´89 til ´97 ekki úr pottjárni og hef ég alloft soðið í þær með góðum árangri.
Kv. Júnni
Bara hita vel fyrir og pakka inn í ull á eftir það virkaði vel þegar ég sauð í svona hásingu fyrir allnokkru síðan einmitt með þráðsuðu ekkert fancy og bara hélt og hélt.
Ég þakka góð svör..
já ég kannast við nýrri hásingarnar úr 89 – 97 bílnum það er einmitt auðveldara að eiga við þær.
Ok þá ætla ég að prófa að forhita kúluna og sjóða þetta með þráð og lemja þetta duglega þegar ég er búinn og pakka þessu inn. Það kemur þá fljótt í ljós hvor að þetta haldi eða ekki.
Nú ef ekki þá er bara að tala við félagana í Stál og stönsum. Takmarkað hvað maður nennir að elltast við þetta ef þetta fer eitthvað að klikka.
You must be logged in to reply to this topic.