This topic contains 5 replies, has 1 voice, and was last updated by 
-
Topic
-
AnonymousHeil og sæl,
Ég var að spá í hvort þið gætuð nokkuð veitt mér upplýsingar um hugsanlega bilun hjá mér.Þannig er mál með vexti að stundum kemur kast upp í stýri í Patrolnum hjá mér og virðist kastið koma eftir að búið er að aka ofaní nokkrar litlar holur sem víða eru í malbikinu út á landi. Kastið byrjar smátt en magnast upp og hættir ekki nema hægt sé verulega á.
Bíllinn er 33″ breyttur og ég finn ekki í fljótu bragði neitt að.
Með fyrirfram þökk, KIH
-
Replies
-
Hugsanlega stýrisdempari ónýtur.
Sæll.
Ég keypti nýjan Patrol árið 1999 og ók honum fyrst óbreyttum í 1/2 ár, þvínæst á 33" í 1 ár. Alltaf af og til (aðallega alltaf) var titringur í stýrinu sérstaklega á 33" dekkjunum. Bílinn setti ég svo í 38" breytingu hjá Jóni Hólm (Stál og Stansar) og ráðlagði hann mér að setja tjakk með hjálparátaki því þetta væri landlægur sjúkdómur í Patrol. Í uþb. viku var ég tjakklaus eftir breytinguna en gafst þá upp og fékk tjakk, enda bíllinn mjög leiðinlegur, skalf alltaf meira eða minna og var mjög viðkvæmur fyrir því þegar dekkin voru köld og ferköntuð (reyndar held ég að 38" dekk hafi verið fundin upp á undan hjólinu, en það er nú önnur saga).
Stýristjakkurinn gjörbreytti jeppanum til hins betra og þar fyrir utan er álagið á arminn úr stýrisvélinni talsvert minna, þó það sé kannski atriði á minni dekkjum en 38".
En ef þetta er eitthvað sem eykst skyndilega á keyrslu (flutter) gæti þetta verið demparamál.
Vona að þetta gagnist þér.
Kv,
Lalli.
Ég myndi byrja á því að skoða vel fóðringar í þverstífunni því ef það er komið slit í þær verður bíllinn með ansi sjálfstæðar skoðanir. Best er að hafa hann í gangi og fá einhvern til að "jugga" stýrinu aðeins og þá á maður að sjá hvort óeðlilegt slit sé komið í fóðringar. Bíll á 33" dekkjum á ekki að þurfa stýristjakk en hann mun aldrei versna við það heldur mun veskið þynnast aðeins.
Hlynur
Ef þetta byrjar við að keyra í holu og hættir ekki fyrr en þú hægir á, þá bendir það á að hann sé of léttur á spindillegum eða spindillega brotin. þú getur athugað það með að lyfta bílnum upp að framan og ath hvort sé slag í legunum.
kv.
Palli
Skipta út fóðringum í hliðarstífu, stýrisendum, og umfram allt, leiðrétta spindilhallann, jafnvel auka hann umfram orginal. Ef bíllinn þinn er hækkaður lítilega, þá hefur spindilhallinn örugglega ekki verið leiðréttur á eftir, og er lítill sem enginn, jafnvel negatífur.
Fá þér svo OME stýrisdempara hjá Benna (ódýrir og góðir).
Að setja stýristjakk í 33" bíl er algjör óþarfi. Þó svo að stýristjakkar séu nauðsynlegir fyrir stærstu dekk, þá finnst mér þeir alltaf skemma soldið stýriseiginleikana (fílinginn).Kveðja
Rúnar.
You must be logged in to reply to this topic.