Stórviðburður í vændum…

Sæll Þorri og til hamingju með nýja trukkinn
hann er stórglæsilegur á að líta

svona fyrir forvitnissakir hvaða hlutföll eru orginal í bílnum?

Ég vildi nú líka benda á að bílinn er ekki grindarlaus
heldur er grindinn innbyggð í boddýinu..
það er eins og margir átti sig ekki á þessu…
kv
pæjinn

Sælir kappar.

Jú, það er mikið rétt, auðvitað er "grind" í bílnum, en hún er eins og Hlynur bendir á innbyggð í yfirbygginguna. Við breytinguna er örlítið klippt úr fremsta hluta sílsins aftan við framhjólið og þá sá maður vel hvernig þetta er uppbyggt. Þarna er fimm eða sexfalt 1-1,5 mm stál beygt í U eins og hefðbundin grind og krumpað eftir kúnstarinnar reglum til að fá út úr því styrk. Auðvitað er burðurinn í bílnum þarna, þótt þetta sé sambyggt yfirbyggingunni. Þetta er sýnist mér mjög svipuð uppbygging og t.d. í Cherokee.

Hlutföllin sem bíllinn kemur original á eru 1:3,9 en nýju hlutföllin eru 1:4,88. Það á nú svo sem eftir að reyna almennilega á þennan búnað við alvöru erfiðar aðstæður, en hingað til hefur ekkert komið uppá. 4ra ferða helgin er framundan og þá verður væntanlega tekið almennilega á þessu, en reyndar er Jóhannes kominn á fullt með sinn bíl í túristakeyrlsu.

Ég sé því ekkert til fyrirstöðu Hlynur að svona dúkka verði sett á "44 hjól, enda hef ég látlaust hvatt menn til að setja LC 90 á svoleiðis hjól á original framfjöðrunarbúnaði. Eina ástæðan fyrir því að ég fór ekki þá leið er sú, að ég nota bílinn minn mjög mikið í daglegu snatti í bænum og nenni því ekki að túttast á þessum "44 kringlum. En fyrir þá sem nenna því á annað borð, þá sé ég því ekkert til fyrirstöðu.

Ferðakveðja,

BÞV

Sælir félagar.

Ég sé að skemmtinefndarformaðurinn Lúther er að fara á taugum í dag, enda frúin á fjöllum og hann í húsmóðurshlutverkinu og slíkt er bara ekki fyrir hvaða eiginmann sem er……!

Svo er kallinn einnig að fara á límingunum,vegna þess að einhver hér að framan hefur nefnt að Pæja sé að koma á 44 tommur og auðvitað er það skiljanlegt, því enginn hefur enn þorað að fara á 44 tommu Barbí. Nú er búið að breyta tveimum 38 Pæjum og eru þær bara flottar. Auðvitað á eftir að koma í ljós hvort græjan drífi við erfiðustu aðstæðurnar.

Að mínu mati skiptir það engu hvort grindin er inn í boddíinu eða hvort hún er á gamla mátan, ef menn ætla að troða undir bílinn stór hjól ! Allt hlítur þetta að komast undir og snýst um hönnun og burð. Geri bara ráð fyrir því að þeir skáeygðu hafi vitað hvað þeir voru að hanna í byrjun og eins og með aðra bíla er barasta ekkert mál að setja 44 tommu hjól undir af alvöru mönnum, eins og við þekkjum hér heima. Til stuðnings þessu máli, er hægt að skoða torfærubílinn hans Halla Pé með sinni sjálfberandi grind. Held að bíllinn sá arna sé nú heldur betur eiganda sínum til sóma, bæði hvað varðar hugvit og smíð.

Svo kastar Lúther stórum steinum úr glerhúsi og íjar að því fullt að smáhlutum eigi eftir að leysa……þegar hann og hans félagarar á Nýbílaveginum eru enn með grundvallarbreytingarnar á nýja Barbí niðrum sig, ef marka má þann tíma sem hönnun, smíði og þess háttar hefur tekið hjá þeim ágætu mönnum. Átta mig þó á því að þetta er skrifað á persónulegum nótum, en ekki fyrir hönd vinnuveitandans.

Til upplýsingar fyrir alla, þá eru bara pöntuð hlutföll í bílinn að utan og fyrsta settið er bara ekki komið enn. Einhver sagði að það hefði komið tvö framsett á dögunum, þannig að þetta er allt að koma. Þekki ekki til framlássins, en væntanlega er bara hægt að panta hann frá Rallý-Art, sem gerir út þá bíla sem hafa unnið öll heimsins erfiðustu rallkeppnir heimsins, s.b. París Dakar og fl. Þar er líka hægt að panta úrhleypibúnað, sem er bara skrúfaður í bílinn……Ekkert mix takk fyrir….Svo ég tali nú ekki um alltar tegundirnar að kraftsettum, sem auka tog / hestöfl og fl. Búið var að fá eitt slíkt sett og er það í gamla Pajero hans Jóa.

Hins vegar vill ég fullyrða að annar eins hraði á breytingum á bíl, hefur ekki átt sér stað fyrr, amk ekki að hálfu umboðsaðila. Aron fékk fyrsta bílinn til skoðunar 4 vikum áður en tveir bílar litu dagsins ljós í 1000 bíla ferðinni. Byrjaði hann þó ekki strax á breytingunni, en ein vika leið áður en hafist var handa. Þar að auki veit ég ekki til þess að umboð / breytingaraðilar hafi nokkru sinni áður ákveðið að breyta tveimum pródótýpum jafnt. Slíkt er aðdáunarvert og lýsir hug og ákveðni manna í verkefninu.

Annars óska ég þeim félögum mínum Jóa og Bjössa til hamingju með "ógeðslega" flotta bíla. Get líka játað það hér að ég er pínu öfundsjúkur, en líka stoltur að þeim að þora þetta……! (en ég jafna mig, vonandi..

Kv
Palli

Ræs!

Ég stóðst ekki mátið Lúther minn að ýta þessum úr vör aftur… Nú er liðinn meira en hálfur annar mánuður frá því að þú varst að tjá þig hér að framan og enn sé ég ekki þennan nýja "einn traustasta fjallajeppa sem í boði er" (LC 120) breyttan á götunum, hvað þá á fjöllum…

Þú skrifaðir: "Svo ég sé ekki að A.T sé með neitt niðri um sig eins og þú segir. Auðvitað komu upp vandamál Palli enn þau voru ekki frá A.T kominn enda sáum við ekki um hönnun bílsins. Enn að mínu viti eru tæknimenn og strákarnir á breytingav. hjá A.T búnir að vinna frábært verk til að gera þennan bíl að einum traustasta fjallajeppa sem í boði er".

Hvernig stendur þetta mál í dag? Verða 2003 bílarnir sem kynntir voru með pompi og pragt hinn 4. janúar sl. orðnir ársgamlir eða jafnvel meira þegar loksins verður hægt að koma þeim á "38 hjól??? Hentar þessi bíll bara nokkuð til breytinga? Þarf ekki nánast að skipta um allt? Ein klassísk í lokin; nú er ég að leita að sumardekkjum, hvenær koma AT-405???

Lúther skemmtó leikur sér,
lætur móðann mása.
Verst og berst sem vera ber
ferst þó lítt að blása…

Já, það er pínu púki í mér í kvöld, þó hef ég ekki fengið (á) bauk(inn) ennþá… Kannski er það vegna þess að ég er svo góður í skrokknum – Grindarskekkjan háir mér ekki lengur…

Ferðakveðja,

BÞV

Sælir.
Ég óska þér til hamingju með bílinn, en ég tók eftir því að
enginn hefur spurt um verð á græjunni með breytingu.
Er mikill verðmunur á pajero og 120 cruser með 38" breytingum.
Kveðja Þórður R2939.

Veit einhver um karlinn? Af hverju svarar hann mér ekki? Ég trúi því ekki að búið sé að setja hann í samskiptabann…

Ferðakveðja,

BÞV

Úpps mér var nú bara bent á þessa þvælu út í bæ, og að
Björn Þorri væri farinn að semja ástarljóð til mín.

Ég hef nú miklu meiri áhyggjur af þróun þinni en okkar hér
í Kópavogi Björn Þorri minn, þú verður bara að koma í heimsókn og líta alla dýrðina augum
Nei það er kannski ekki góð hugmynd þín vegna.

það er verið að breyta c.a 12 bílum í 38" sem allir eiga að vera komnir á götuna í Júní.
Söluhæðsti 38" bíllinn?? og já ætli það ekki enn eitt árið.

Enn Björn Þorri ég svara þér bara þannig að ég býð þér í kaffi og hafðu með þér eitthvað róandi.

Kv. Lúther

Pirraður hann kom á spjallið
sjálfsagt svíkur daman
kannski dreif hún ekki fjallið
það finnst þorra miður gaman.

kv.Lúther

Það er naumast pirringurinn í Pajero eigendum, kom þessi grindalausi Pajero ekki fyrir ári eða tveim???????
Og rétt núna að drífa uppá 38".
Má ekki búa til smá eftirvæntingu eftir 38" LC90 þannig að ykkur Pajero eigendum gefist tími til að setja lægri drif og lása í ykkar nýju Pajeroa þannig að uppítökuverðið verði hærra uppí nýja Cruiserinn.