Stórferðin – fréttaþráður

Sælir félagar.

Smá fréttir af Sóðum. Við fórum úr Rvk kl 13.00 á fimmtudaginn. Stefnan tekin á Sylgjufell. Mikill snjór er á leiðinni frá Vatnsfelli og inneftir. Eiginlega sá mesti snjór sem við höfum séð í mörg ár. Og færið var afar erfitt og því var gott að vera kominn á 46 tommu dekkin. Tók okkur 8 tíma að aka þessa 80 km frá Vatnsfelli og því 10 km ferðahraði per / klst. Vöknuðum snemma á föstudegi og skyggni ekki neitt…. snjóblinda af bestu/verstu gerð. Allt rann saman, himinn og jörð. Og mikill snjór gerði það að verkum að maður gerði engann greinamun á hvað var upp og hvað niður… Því var ákveðið að fara ekki Vonarskarð norður og stefnan tekin á Hágöngur. Ókum um Hágönguhraun beint yfir á stífluna og fengum skyggni um leið og við komum vestur fyrir Syðri Hágönguna. Og gaman að sjá hálft fjallið í sól og hitt hulið… Tók okkur 5 tíma, og ferðahraðinn um 5 km / klst.

Svo var bara tekið stímið noður á eftir öllum hinum. Náðum nokkrum hópum, fengum lummur og kakó í Réttartorfu (takk fyrir okkur) og lentum á Akureyri um kl 22.30. Þá var loksins grillaður kvöldmaðurinn sem átti að étast á fimmtudeginum. Held að Benzinn hafi eitt um 240 – 260 L frá Rvk í þetta verkefni.

Það má segja með sanni að þessi ferð sé búin að bjóða upp á flest hjá okkur. Langir dagar, frábært landslag (þar sem það sást) skemmtilegir ferðafélagar, gott verður, skyggni slæmt og skyggni gott, ekið óvart fram af hengju og niður í gil ca 25 m (og sloppið með það..), léttar affelganir, hliðarhalli (og einn lenti í smá brasi, tveir settir uppá húdd, hleypt meira úr að ofanverðu, haldið við bíl að neðanverðu), coarar hafa þurft að labba á undan bílum, ekið í lóló í marga klukkutíma, ekið á 80 – 100 km hraða þegar skyggnið leyfði (og þið afsakið okkur félagar, þegar við komum framúr… við vorum bara svo fegnir að geta sprett úr spori), góð gisting á Akureyri….

Sem sagt allt bara frábært. Og túrinn er bara hálfnaður. Ætlum svo á sýninguna á eftir og auðvitað í veisluna í kvöld. Slepptum stuttu jeppaferðinni áðan. Liggjum bara hér í leti. En þurfum að skipta um 2 felgubolta í Datsun.

Kv Palli

JÁ ,, það verðu gaman sjá myndir af ferðini fljótlega við opið hús og menn hafa mart að seija frá hvernig gekk og lýsa því
sem fyrir bar . Það var gamann fylgjast með í nótt hvernig mönnum tóku þessa ferð með góða skapið að leiðarljósi .
Það getur verið gamann að vera sófaritari og fylgast með hvernig gengur .Eigið góðan dag strákar

KV,,,, MHN

Fréttir , Menn eru að taka sig til og eiga hittast kl 12 í varmahlíð og kemur þá hver fer veginn eða kjöl og hvað margir bílar eru í lamansleisi
mun ég seija frá hverni gengur eftir kl 1 ,

kv,,,, MHN

Frétt , engar enþá , það hefur bara náðst í Broskalla og þeir eru að hleipa úr ,

K,,,, MHN

Fréttir . úlfar eru eru að nálgast Þverbrekku og Broskallar eru komnir og 777 + Jeep G er komnir á kjalveg , færið er aðeins birjað þíngast Ford er að nálgast malbik og eru með Jakkan í spotta Fúlagengið er rétt á eftir þeim en Sóðar eru komnir á malbik og eru að pumpa í . Eikvað óhapp var við Hveravelli eikver Patrol í basli , veit ekki hver það er , annas eru menn bara sáttir við færðina þúngt á köplum ( Meira eftir smá stund )

kv,,, MHN

Veislu fréttir. ég var fá þær upplýsingar ad það væri pantadur matur fyrir 300 manns og hefðu átt ad duga þar sem þetta var vel útlátið en þegar sunnan menn komu voru þetta eins og gráðugir úlfar. Og var allt borðað sem tönn festir og var talað um það í eldhúsinu að það þurfti varla ad vaska upp diskana svo heinir vory þeir.Menn höfðu dansað uppi á borðum hefði þetta verið vel myndað og skjalfest.Talað var um hefði mannskapurinn verid 5 tonn þegar þeir komu en færu til baka sem 6 tonn.Höfðu menn klæmst vid annara manna konur sem sumir hefðu tekið óstyrkt upp hvort ad menn hefðu handalögmál er ósagt.Annars hefði veislan farið þokkalega fram miða við suma sunnlendina sem fóru mikin.
Og létu hátt og hváðust vera bestir og hefðu skorað á menn að koma á jökul við gott færi.Og sýna getu sína og hæfni hversu snilldar takta þeir hefðu að geyma.(Meira vildi þessi heimildar maður ekki hafa eftir sig sem er ekki gefið upp hér).

kv…….MHN

Nú erum við í Fúlagenginu komnir i bæinn eftir rösklega og áfallalausa ferð frá Skiptabakka suður á Eyfirðingaleið, vestur hana og suður Kjöl. Tókum hefðbundna leið að mestu leyti nema við skruppum uppá Fremri Skútann og horfðum þá ofan á Fordgengið í hlaðinu á Árbúðum. Færið var skemmtilegt og skyggni var ýmist dimm þoka eða bjart og sól.

Við viljum þakka norðanmönnum sértaklega fyrir frábærar móttökur og skemmtilega samveru.
Lummurnar í Réttartorfu og kjötsúpan í Skiptabakka voru höfðinglega framreiddar og gaman á sjá þessa frábæru skála.

Góða kvöldið
Birnurnar lentu í bænum kl 21:30 og héldu hver til síns heima.
Ferðin var virkilega skemmtileg og viljum við Birna þakka fyrir okkur þær höfðinglegu móttökur sem voru bæði í Réttartorfu og Skiptabakka og þakka öllum ferðafélugunum og öllum sem við hittum á leið okkar um hálendið fyrir viðkynninguna og vonandi hittast síðar á fjöllum eða annarsstaðar.

Kv Jói og Birna á Pæjunni.

Sælir félagar.
Hjá okkur úlfum gekk ferðin vel eins og til var stofnað. Bilun og affelgun töfðu för um nokkra klst. og svo tókum við smáúturdúr þegar við komum á slóðir þar sem unnt var að taka klárana til kostanna. Fregnritari hefði eflaust viljað vera með í þeirri skemmtun. Ímyndunaralfið flytur fjöll. Gott til að vita að menn eru ekki mjög jarðbundnir í skáldskap sínum.
Ég þakka félögum okkar fyrir norðan fyrir móttökurnar. Og súpan á Skiptabakka var þvílíkt hnossgæti. Er hægt að fá uppskriftina?
Úlfarnir voru svo komnir í bæinn tímanlega fyrir svefninn. Hefðum gjarna viljað hafa ljósmyndunarstoppin ennþá fleiri og lengri en drifum okkur niður því maður tekur víst ekki landslagsmyndir í náttmyrkri.
Meðal annarra orða; kappakstur er góður fyrir þá sem hafa áhuga fyrir honum og verði þeim að góðu. Við hinir viljum fara hægar yfir og leggja meiri áherslu á að njóta útsýnis og útiveru. Allir ferðast á sínum eigin forsendum og eiga að njóta þess.
Með bestu þökk
Pétur