Stórferð Skagafjarðardeildar

Þegar þessi orð eru skrifuð er búið að endurskoða og endur-afturskoða ferðaplanið og er nú birt með seinnitíma viðbótum og hljóðar eftirfarandi:
Til stendur að leggja upp frá KS í Varmahlið eins og áður hefur komið fram. Stefnan verður sett á skálann í Dreka í Drekagili í Dyngjufjöllum. Gist verður í Dreka aðfaranótt föstudags og laugardags. Dagskrá föstudagsins verður aðlöguð að veðri og vindum og gæti í versta falli hljóðað uppá trivial pursuit með tári af sjerríi. Í besta falli verður haldið á jökul og hann ekinn sem mest ökumenn og faratæki þola. Á föstudagskvöld verður slegið upp veislu og matseðill verður eftirfarndi:
Grillað lambalæri af Skagfirskum heiðum
Bakaðar kartöflur
Ekta bernessósa
Laufblöð
Rómaður eftirréttur að hætti Stefáns Vals

Á laugardag stendur til að halda í Þeystareyki og anda að sér ómenguðu þingeysku lofti, sem ku streyma uppúr jörðinni í námunda við Skálann í Þeystareykjum. Á leiðinni á Þeystareykjasvæðið komumst við ekki hjá því að þvera þjóðveg 1, en um leið opnast möguleikar á því að ná eldsneyti á Mývatni og grípa um leið KÞ pylsu með öllu nema hráum.
Á sunnudag verður svo haldið heim og ætlunin er að heimkoma verði á skikkanlegum tíma.
Ferðanefndinni telst til að eknir verði ca. 400 km. á fimmtudegi og laugardegi. Við þetta bætist nokkur akstur en það ekki liggur fyrir hve mikill þar sem heimferðin hefur ekki verið skipulögð i þaula. Þessu til viðbótar kemur akstur á föstudeginum sem gæti verið allnokkur ef fært verður á jökul.
Þáttökugjald er kr. 10.500, innifalið er gisting og maturinn á föstudagskvöldinu.
Vakni einhverjar spurningar má setja sig í samband við höfuð ferðanefndarinnar í síma 867-9042 og þar svarar hátt og snjallt Stefán Valur eða hér á vefnum.

skráðir eru

Benni +1
Unnar +1
Eyberg
Stebbi Gaukur +1
Hilmar B. +2
Ingvar Páll +2
skarphéðinn +1
stefán Valur +2
Halldór Bjarnas. +1
Guðjón Örn +1
Heiðar B. +2
Sigurjón +1