Stórferð á Mývatn 2012

[quote="Jakob Huni":363khvb4]Hvað eru margir skráðir i þessa stórferð á Mývatn get hvergi fundið neitt um það upp á að taka á móti ykkur i ströngukvisl
Kv Jakob form Húnvetningadeildar[/quote:363khvb4]

https://old.f4x4.is/index.php?option=com_seminar&Itemid=285

Var að heyra í Árna bró. Þeir eiga um 9 km eftir inn í Nýjadal. Skyggni er lítið en þó vongóðir um að það sé að lagast. Tími fer í að þræða fram hjá kröpum. Norðanmenn komu í Gæsavötn í gærkvöldi um Bárðardal. Taka á stöðuna á málum í Nýjadal og ákveða með framhaldið.

Sælir

Er eitthvað að frétta fyrir okkur sófariddarana sem ekki komust?

kv
Friðrik

Þeir eru að tínast til byggða Hafliði og fl voru kominn á þjóðveg en ekki jeep gengið Ég er ánæður með BROSKALLA gengið mitt þeir standa sig enda ekki við öðru að búast

Við erum búnir að eiga fínan dag með Húsavíkurdeild, mjög vel tekið á móti okkur og allt til fyrirmyndar. Fengum tækifæri til að þenja mótóra og Jeep gengið leyfði okkur að sjá hvað þeirra bílar geta þotið áfram

Nú eru menn að hvíla sig og undirbúa sig fyrir kvöldverð í kvöld.

Kveðja,
Hafliði

Jeep Gengið,

Færið fram að gæsavötnum , frekar blautt en enginn vandi að drífa, eftir gæsavötn = fallegur blámi útum allt og enginn vandræði að drífa heldur en við þekkjum svosum ekki annað…

Okkur gekk fínt frá Versölum upp að víkurskarði og þaðan inn í gæsavötn þar sem krapinn var farinn að segja vel til sín í gær og gengu kafbáta lýsingar á milli manna. Besta ráðið var þó að koma sér vel fyrir og botna 8 cyl vélarnar í bílunum og fljóta yfir krapann, það gekk mjög vel, við prufuðum að fara hægt í þetta og ryðja… en hættum því fljótt þar sem bensín ráðið virkaði of vel.

Við töfðumst vegna brotinnar stýrisstangar í Patrol sem fékk að fljóta með okkur, síðan gataði ég dekk hjá mér í grjótinu(og felgan lak aðeins) þegar nær dró mývatni og einn öxull í wagoneer sem fór að framan en annað var það ekki. Auðvitað suðum við þessa stýrisstöng saman eins og jeep genginu er einu lagið og gerðum við dekkið hjá mér og wagoneerin var kominn með nýjan öxul í gang kl 11 um morguninn daginn eftir með hraðsendingu frá RVK og felgan hjá mér soðin og tilbúnir fyrir nýjan dag.

Frábær hópur og góð ferð norður og það náðist smá kappakstur þegar norðar dró á sléttunum þar. 5000 rpm og 6000 rpm sáust oft og brosið dó ekki af mönnum þrátt fyrir langt ferðalag eða um og yfir 300 km og 17 klst þennan daginn og meirihlutann í krapa og síðan í traktors förum á sprengisands leiðinni aðeins norðar en Gæsavötn… T.d. lenti ég í einu farinu af þessum stóru trukkum og bílinn hjá mér sökk 6 cm í snjónn með vinstri hliðinni en hin hliðin var 50 cm ofan í farinu og bíllinn hallaði ansi vel hehe. Við hættum þó að vera nálægt þessum förum og keyrðum niður að mývatni og komutíminn var um 1 leytið. Mættum Eyjamönnum á leiðinni að sækja einhvern bilaðan bíl.

ég er reyndar orðinn sófariddari þar sem felguboltar/bremsudiskur/felgur/sprungið dekk og samblanda af þessu orsökuðu það að ég varð að snúa frá og reyndar vegna stórafmælis nú í kvöld 😉

Frábær ferð norður og mjög góðar móttökur á hótelinu.

myndir koma seinna

kv
Gunnar
Jeep Gengið
Wrangler v8 41" Irok.

Fóru einhverjir Langjökul heim?

[quote="hagalin":3iac1pp2]Fóru einhverjir Langjökul heim?[/quote:3iac1pp2]
Við (Drekar) tókum 3 daga á þetta og fórum Kjalveg heim. Þar var töluverður krapi og var þetta c.a. 1 festa á bíl . Vorum komnir niður á malbik um miðnætti

Ég og frúin viljum þakka kærlega fyrir okkur fyrir frábæra ferð í alla staði. Alltaf gaman og koma norður. Flottur túr í Boði norðanmanna á laugardeginum og virkilega gaman að hafa svona leiðsögn um svæðið.
Takk fyrir okkur.

Hagalín og Edda Ósk.

P.S. Einn farinn að telja niður fyrir næstu ferð…..

Meirihluti Jeep gengisins kom í bæinn í dag. Mánudag.

Við hófum ferðina á fimtudag í Versölum og ókum þaðan á föstudag norður Kvíslarveitur og austur að Hágöngum. Lélegt skyggni framan af en þokkalegt færi. Þegar nálgaðist Vonarskarð fór að létta til gerði hið besta veður.

Við misstum niður bíl í læk við Svarthöfða en Kaldahvísl var opin og auðfær. Þaðan var stefnan tekin á Hnífla í einstöku útsýni yfir Bárabungu og nærliggjandi tinda.

Komum við í Gæsavötnum í síminnkandi snjó. Þar fréttum við að Dyngjufjalladalur væri dæmdur ófær og tókum við stefnuna á vað á Skjálfanda. Þaðan beina línu í Sandbúðir. Heldur jókst snjórinn þarna og var hægt að spretta úr spori í frábæru skyggni.

Á sprengisandi bognaði togstöng í læk og litlu síðan brotnaði öxull í nokkuð háum skörum í litlum læk. Tafði þetta nokkuð för en tögstöngin var rétt og soðin og við skiluðum okkur niður á Mývatn rétt um miðnætti.

Mjög skemmtilegur og fræðandi laugardagur með Húsvíkingum og kvöldverður í Skjólbrekku.

Við ákváðum að fara Sprengisand suður á sunnudag í góðu veðri framan af. Fór að hvessa síðdegis með rigningu og krapa. Gekk vandræðalaust í Versali þar sem eldaðar voru stórsteikur að hætti Jeeppa manna og síðan stuttur dagur í dag heim á leið.

Takk fyrir okkur.
Bjartmar