Stóraferðin

Jæja það tók slétta 3 tíma að fylla öll 120 plássin sem voru í boði til að byrja með…

Ég bið þó alla sem ekki "náðu inn" að skrá sig endilega á biðlista og það fyrr en seinna því við munum reyna hvað við getum að fjölga plássum – svo detta alltaf einhverjir út…

Benni

Þegar verið er að bóka í ferðina, þá er spurt um "Bókuð pláss", hvað er átt við hér? Ég túlkaði þetta sem bíla, þ.e. að ég væri að bóka einn bíl með tveimur í, því fram kemur í texta að gert er ráð fyrir tveimur í bíl. En, mér virðist á skráningum að margir hafi túlkað þetta sem fólk og því skráð 2 fyrir hvern bíl (bílstjóri + farþegi).

Hvort á þetta að vera, ef þetta er fólk, þá vantar marga í fjölda töluna, ef þetta eru bílar, þá er fjölda talan of há.

Kveðja,
Hafliði

Sammála Hafliða,

[quote="Ella":2t3jlh89]Í upplýsingunum stóð…. Skráning mun hefjast þriðjudaginn 5 feb kl 21:00 á vef 4×4
Á vef 4×4 er þetta eini þráðurinn sem fjallar um Stórferð.
Á þessum þræði eru örfáir búnir að skrá sig.
Engu að síður er sagt að það sé orðið fullt í ferðina….
Hvar skráðu aðrir sig? Var einhver önnur skráningarleið? Og hvenær opnaðist fyrir þá skráningu?
Fyrir löngu síðan var farið að telja upp einhverja sem væru að fara….var einhver forskráning? Og þá hvar?

Væri ágætt að fá svör við þessu.

kv.
Ella[/quote:2t3jlh89]

Sæl Ella, það á að fara í Skráning í ferðir sem er efst á síðunni. https://old.f4x4.is/index.php?option=com_seminar&Itemid=285

Það er skýrtið að þetta skuli vera flókið þar sem 143 eru skráðir nú þegar og engin af þeim hefur kvartað.

Læra, já þú segir nokkuð.

þetta stóð í fréttinni um ferðina sem kom inn 7 Janúar , með feitletri

[b:1vc0d752]"Skráningar hefjast 5. febrúar kl 21:00 og vissara er að skrá sig og sinn hóp sem fyrst til að vera viss um að fá pláss"[/b:1vc0d752]

Hæ hó… Maður rétt skreppur í vinnuna og það verður allt vitlaust

Ég taldi þetta nú vera nokkuð skýrt og meira að segja stendur í skráningarforminu "muna að skrá fjölda"

Eins hafa verið birtar 3 fréttir á forsíðu og haldnar tvær kynningar… En það má öruggega alltaf gera betur..

Þetta var alla vega skýrt fyrir okkur tæknimönnunum sem stöndum að baki þessu (allir verk/tæknifræðingar ) – Þetta kannski þvælist fyrir lögfræðingum

En ef einhver ætlar að skrá fleiri en einn þá verður að skrá sig út af vefnum til að það sé hægt – þetta er einhver lapsus í kerfinu sem að við höfum engin skil á.

Ef menn hafa gleymt að skrá fjölda farþega þá er bara að senda póst á tuttugengid@sk3.is og við reddum því…

Við erum svo að vinna hörðum höndum að því að auka við gistipláss á fjöllum þannig að sem flestir fái gistingu. Húsrúm á Höfn er nægjanlegt. Fjöldinn er hins vegar orðinn það mikill að við munum þurfa að borða í 2 – 3 hollum, en það getur varla orðið vandamál.

Ef einhverjir hafa hugsað sér að sofa í sínum bílum á föstudagsnótt þá væri mjög gott að fá meldingu um það þar sem að það er gistipláss það kvöld sem að er takmarkandi fyrir fjölda ferðalanga.

Benni

Sæll Hjalti,

Við vissum af þessum fundi – tími skráninga var hins vegar ákveðinn og auglýstur með um mánaðar fyrirvara og flestir hefðu því getað gert ráðstafanir. Skil ekkert í mönnum að boða fund þegar skráningar í aðalferðina eru á dagskrá Ég komst t.d. ekki á fundinn þar sem að ég varð að sitja við tölvuna og vera klár í að leiðbeina mönnum….

Hins vegar er ekki ástæða til að örvænta alveg strax – skrá sig heldur á biðlista þar sem að við erum að vinna hörðum höndum í því að koma fleirum í ferðina – og horfur eru góðar

Markmiðið er að allir sem vilja komist með – vonum það besta…

Benni

Nú erum við búnir að yfirfara skráningar og leiðrétta fjölda hjá þeim sem misskráðu hann.

Það eru því í dag 181 skráður í ferðina á 94 bílum

Þar af eru þeir síðustu 61 sem skráðu sig formlega á biðlista í dag (allir sem skráðu sig eftir 23:52 í gærkvöldi). En við erum að vinna í lausn á þessum biðlista og vonum að við getum birt endanlega hámarkstölu á morgun

Þangað til langar mig að biðja alla Hópana um að skipa tengilið hópsins og senda okkur línu á tuttugengid@sk3.is um það hver hann er, síma og e-mail hjá viðkomandi.

Þá mætti líka láta fylgja með hvort að hópurinn hafi yfir einkarás á VHF að ráða eða hvort hann óski eftir að fá úthlutaða eina af rásum 4×4.

Benni

Já Ofsi – VIð leggjum gildrur hvar sem við komum… Vittu til það eiga margir eftir að sitja fastir í spólförum eftir 49 og 54" þegar við crúsum þarna yfir….

En hvað gerðist – mér dauðbrá þegar ég sá skráningar flæða inn og undir miðnætti í gær tóku að birtast allskyns uppvakningar og fannst mér ég sjá bregða fyrir framliðnum nagdýrum sem ég hélt að væru öll búin að grafa sig sex fet undir….

Svo frétti ég að því að Hlynur og hinn óþverrinn sem er eftir ætli bara að taka strætó á Höfn þar sem að tveir er ekki hópur (nema skv. Guðna Ágústs – en við erum lögnu hætt að taka mark á honum)

Bíð bara eftir að Fúlagengið láti á sér kræla og þá fer nú að verða vel mætt af gömlum og góðum gengjum….

Benni