This topic contains 31 replies, has 11 voices, and was last updated by 
-
Topic
-
Heilir og sælir félagar,
Það er komið að okkar árlegu stikuferð. Að þessu sinni verður hún föstudaginn 30. ágúst til sunnudags 1. sept.
Að þessu sinni verður stikað nokkurn veginn hring í kringum Heklu. Stikað verður frá syðri Fjallabak um Langvíuhraun að Dómadalsleið í Sölvahrauni. Þetta um 41 km. Svo er verið að spá í að bæta kannski við stikum á einhverjum leiðum þarna í kring, eftir hvernig gengur.
Klúbburinn býður upp á gistingu í Áfangagili fyrir alla sem taka þátt. Það verður einnig sameiginlegur kvöldmatur í Áfangagili, laugardaginn 31. ágúst.
Stikað er í samráði og samvinnu við heimamenn. Langvíuhraunið var stikuð fyrir all nokkru og er þörf á að lagfæra og bæta við, á löngum köflum leiðarinnar.
Frekari upplýsingar, hér á spjallinu innan skamms.
fh. umhverfisnefndar
Bergur Pálsson
-
Replies
-
Skora á fólk að mæta í stikuferð, þetta eru skemmtilegar ferðir og leiðin sem verður stikuð er mjög falleg. Fyrir þá sem ekki vilja vera allan tíman er auðvitað ekkert mál að vera t.d. bara á laugardeginum. Því fleiri sem mæta því betur gengur að stika.
Kv. Óli
Sælt veri fólkið. Mér sýnist veðurspáin vera heldur að lagast en á þessu svæði er mesta hættan af sandfoki og vikurs. Mér sýnist vegurinn sleikja 800 metra línuna á tveimur stöðum, í Breiðaskarði og við Mundafellsháls. Ég get haft heftara með og á slatta af heftum sem allavega passa í hann 10 mm breið og duga í marga tugi stika. Hlakka til að hitta ykkur á laugardagsmorgun ef út verður sigandi hundi. Með kveðju Olgeir sem notar L 381 hvað sem hver segir.
Sæl öll. Samkvæmt norsku veðurstofunni lítur bara nokkuð vel út með veðrið. Ég fann meira að segja Mundafell sem er hæsti punkturinn ásamt Breiðaskarði og þar er spáð 11 metrum af vestri og sól um miðjan daginn. Kann ekki að setja inn mynd hér. Kv. Olgeir
Sæl öll
Við Anna ætlum að mæta á laugardagsmorgun. Hvenær eigum við að vera mætt við vegmótin, Fjallbaksleið-Syðri-Hekluvegur?
Væri gott að gefa upp tímasetninguna:)
kv
Guðmundur Geir
Hvar er meiningin að hittast fyrir brottför á morgun kl. 1400?
Kem með mína heftibyssu og vona að græjan virki vel.
Kv.
Anna Brynhildur
R-3486
Góðan daginn,
spáin er bara nokkuð góð fyrir okkur á morgun laugardag vestlæg átt og sól. Sverrir ég reikna með að fara úr bænum um kl 18:00 frá stöðinni í dag föstudag og jafnvel fá mér kvöldmat á Selfossi. Fyrir þá sem ætla að mæta á laugardagsmorgun þá annað hvort komið þið bara upp að Áfangagili 64°06,064 N og 19°34,518 V nú eða við vegamótin þar sem við byrjum í 64°06,105 N og 19°37,39 V það eru ekki nema 4 kílómetrar á milli þessara staða. En meiningin er að byrja um kl 09:00.
Guðmundur Geir taktu eftir ég ætla að byrja norðan megin !!Kveðja Hjörtur SS
OK Hjörtur. Sjáumst á Stöðinni um kl. 18, en ég reikna með að fara sjálfur beint í Áfangagil.
Tek heftarann með. Hef ekki fengið neinn vinnufélaga í bílinn ennþá, en það hlýtur að reddast á morgun.
Sverrir Kr.
Við skiptum um skoðun, mætum á Stöðina kl. 18:00 núna á eftir
kv
Geiri
Góðan dag
Það er merkilegt að mæta á viðburð á vegum mörgþúsundmanna klúbbs og sjá að aðeins ca. 10 sálir eru mættar til að stika leið á einu fallegasta svæði landsins, stutt frá höfuðborginni. Stikun er annar at tveimur atburðum sem haldið er á lofti sem hluta af umhverfisvænni stefnu klúbbsins. Hinn atburðurinn er landgræðsluferð, en fáir hafa mætt þangað líka að undanförnu.
Því hefur verið haldið fram að stikuferðirnar séu mikilvægar, vegna þess að auk þess að afmarka þær leiðir sem eru stikaðar, er rakað yfir utanvegaakstursför, villuslóðum lokað og lagfært á annan hátt á stikunarleiðinni. Vissulega er þetta allt rétt, en þegar svona fáir mæta í stikun er í raun ekkert hægt að gera nema að slá niður stikurnar og setja á þær endurskin, annað verður undan að láta.
Þetta var nú samt afskaplega skemmtileg ferð, þó hún hafi verið erfið. En félagar ættu nú að hugsa um sinn eigin hag og spá í hvort ekki væri rétt að fjölmenna í þá viðburði sem klúbburinn stendur fyrir, sérstaklega í viðburði sem klúbburinn nýtir sér í sínu markaðsstarfi og samskiptum við aðra aðila.
Takk Umhverfisnefnd fyrir flotta ferð.
kv. Óli
Góðan daginn,
já Óli þetta með fjöldann er umhugsunarvert og brýn þörf á einhverskonar aðgerðum. Geri mér sjálfur ekki grein ja alla vega svona í fljótu bragði hvað klúbburinn gæti gert. Ég sjálfur reyndi aðeins fyrir þessa ferð að fá styrk hjá fyrirtæki til bensínkaupa fyrir þá sem að umhverfis ferðum standa en fékk engin svör. Sökum annarra ástæðna er ekki gott að sækja mikið um styrki núna á þessum tíma punkti en ætla að huga að því síðar. En það er allt önnur Ella.
Nú stikuferðin gekk ljómandi vel sem má þakka í fyrsta lagi duglegum og samstilltum hópi fólks. Fólki sem bera hagsmuni klúbbsins sér fyrir brjósti. Fólki sem lætur ýmissa kvilla ekki stoppa sig né þann hamagang sem veðrið getur boðið upp á og hafi allir sem mættu allar mínar þakkir.
Kveðja Hjörtur SS
Kem svo með myndir um helgina
You must be logged in to reply to this topic.