This topic contains 24 replies, has 1 voice, and was last updated by 
-
Topic
-
Unirbúningur stikuferðar umhverfisnefndar 4×4 hefur gengið brösulega í ár.
Sótt var um leyfi til að stika Breiðbak um miðjan júlí, en formlegt leyfi hefur ekki borist enn.
Var því sótt um leyfi til að stika innan friðlands að fjallabaki og kom upp leiðin úr Dómadal um pokahrygg í Hrafntinnusker.
Var þetta auðsótt og barst okkur eftirfarandi póstur frá Ólafi Erni UST:„Umhverfisstofnun þakkar umhverfisnefnd Ferðaklúbbsins 4×4 kærlega fyrir gott boð um að stika leiðir á Fjallabaki og vill þiggja að Ferðaklúbburinn stiki leiðina inn að Hrafntinnuskeri, þ.e. leiðina frá Vegamótum Landmannaleiðar að gatnamótum vegar sem liggur upp í Hrafntinnusker annars vegar og niður að Laufafelli hins vegar. Leiðin er 9,7 km samkvæmt korti (sjá meðfylgjandi skjal). Umrædd leið er erfið yfirferðar og samkvæmt athugun Umhverfisstofnunar hefur verið töluverð hætta á akstri utan vega á leiðinni. Því telur stofnunin að stikunin muni hafa jákvæð áhrif á öryggi ferðamanna og draga úr líkum á akstri utan vega.“
Stikuferð Umhverisnefndar hefst því laugardaginn 4 september kl 08.00 í Select á höfða. Haldið verður þaðan í Dómadal um landveg og stikað úr Dómdalnum í Hrafntinnusker.
Að lokinni stikun verður haldið í Dalakofan, skála Útivistar í boði Útivistar og Grillað í boði F4x4. Gist verður 1 nótt í Dalakofanum, en um 20 gistipáss eru í skálanum.
Á sunnudegi verður valin skemtileg útsýnisleið á leið til byggða.
Skráning er hér á vefnum og hjá umhverfisnefd hja f4x4.is og hjá Diddu s-6948862
Taka skal fram hve margir eru í bíl, símanúmer, hvort verður gist en takmarkað gistipláss er í skálanum.
Skráningargjald: góða skapið.
Kvaðir: Ekki er ekið utanega og endalaust púl.
kveðja Dagur umhverfisnefnd F4x4
-
Replies
-
Skráning
Dagur Bragason s-8940095
Farþegi: 1
Gisting: já 1 fullorðinn og 1 barn.
Bíll: Hálfpatti með öllum græjum.
Þarft og gott verk hjá umhverfisnefndinni að stika þessa leið. Vonandi flækist skiffinska hans Opinbera Geira ekki fyrir því að hægt verði að stika Breiðbak næsta ár, þar er líka full þörf á að endurnýja stikurnar sem Sigurjón Rist setti niður á sínum tíma. Flott hjá Ólafi hjá Ust að bregðast snöggt við og hagnýta vinnusemi 4×4 í þágu umhverfisins.
Rétt að taka fram að frágangi á Dalakofanum er ekki lokið að fullu, eitthvað sem eftir er að fínpússa og syðri burstin ókláruð. Eins á eftir að græja til vatn, rafmagn og ýmis þægindi. Þó er komin bráðabirgðalausn á vatnsmálin sem byggja á því að handdæla vatni í 200 l tank úr Markarfljóti, púlvinna en ætti ekki að standa í kröftugu stikuliði umhverfisnefndar. Bara muna að opna krana sem eru ofan og neðan við dæluna og loka þeim aftur eftir að dælingu er lokið. Vatnsklósett er því virkt. Svefnrými er þannig að í rúmum er pláss fyrir 10 (5xtvíbreitt), svefnloft þar yfir tekur 6 og svo er "hanabjálkasvefnloft" þar sem allt að 10 sáttir geta komið sér fyrir. Auk þess er eitthvað af auka dýnum.
Myndir af skálanum má sjá hér:
http://www.utivist.is/utivist/frettir/? … _id=366742
Kv – Skúli
P.s. Þeir sem ekki komast í stikuferðina en vilja fara í góða vinnuferð á fjöll eru velkomnir í vinnuferðina helgina eftir stikuferðina. Og auðvitað líka þeir sem fara í stikuferðina en vilja komast aftur í Dalakofann :o)
Sælir félagar. Þetta líst mér vel á. Ég fór í dag uppí Hrafntinnusker í ógleymanlega fallegu veðri og sá að töluvert er af stikum á leiðinni, en þörf á að þétta þær og bæta í skörð þar sem stikur hafa brotnað. Af hverju er ekki vilji fyrir að stika alla leið fram að Laufafelli eða var það ekki nefnt. Ég kemst því miður ekki í þetta núna. Svo frétti ég að búið er að skila steininum á sinn stað í Dómadalshrauninu. Vonandi eiga þátttakendur skemmtilegan dag.Með kveðju Olgeir
Ég og konan mæta, er á Trooper, með öllum græjum.
Gisting fyrir 2
Það er eitt djúpt úrrennsli alveg í vegkantinum þar sem Pokahryggurinn er mjóstur. Þar þyrfti að koma stika sem er 2 metrar lágmark og reyndar vantar efni í þessa grottu sem er stórhættuleg ef laus snjór leggst yfir. Kv. Olgeir
Sæl,
Eftir að hafa spjallað lítillega við Ólaf Arnar hjá UST í dag, stendur okkur til boða að stika leiðina frá Dómadal yfir að gatnamótum Hrafntinnusker/Laufafell og þaðan bæði inn að íshellunum við Hrafntinnusker og yfir að Laufafelli. En Olgeir bennti á í pósti hér framar að þá leið væri einnig vert að stika. Við reynum að vanda til stikunnarinnar, þannig að hún komi að sem mestu gagni.
Kveðja DiddaDidda mætir á Dúllunni. Gisting fyrir 2-3
Davíð Diego (8220891) er til í að mæta, er 1 á LC90 með flestu.
Sæl öll. Þessar stikuferðir hafa verið fastur liður í hauststarfinu hjá mér á undangengnum árum og eru þetta einhverjar skemmtilegustu ferðir sem ég fer í, góðir ferðafélagar, líf og fjör og afbragðs líkamsrækt. Því miður er það svo að ég kemst ekki þetta árið og þykir mér það mjög miður að grái Mussoinn skuli ekki verða sýnilegur á myndum úr ferðinni þetta árið. Ég vil hvetja alla félaga, nýja sem gamla að skrá sig í þessa ferð, þarna er t.d. kjörinn vettvangur fyrir nýja félaga að kynnast öðrum klúbbmeðlimum og mynda tengsl sem geta leitt af sér góða ferðahópa í framtíðinni. Svo er alltaf þessi góða tilfinning sem fylgir þessum ferðum að maður sé að gera gagn og það er vissulega verið að gera gagn í þessum ferðum. Koma svo félagar, skrá sig.
Kv. Logi Már.
Og að öllu undanskrifuðu í þessum þræði, má ekki gleyma því hversu gríðarlega fallegt þetta svæði er auk þess sem fáir hafa eflaust komið í Dalakofann fyrr.
Kv. Magnús G.
Góður pistill hjá þér Logi Már, við komum til með að sakna þín (og gráa Mussosins) í haust, en ef aðstæður verða þannig, kíkir þú etv. til okkar :).
Við sem höfum ferðast um svæðið getum tekið undir með Magnúsi/Magnum um fegurð svæðisins, mikilfengleika og fjölbreytileika þess. Dalakofinn verður spennandi viðbót við ferðina, en þar held ég að Útivist sé að eignast enn einn gullmolann í skálaseríu sinni.
Fyrir áhugasama vil ég benda á að hægt er að skrá sig hér á spjallþræðinum og tilkynna þannig þátttöku, senda póst til Umhverfisnefndar ( [url]umhverfisnefnd@f4x4.is) eða bara hringja í migKveðja Didda
gsm 694 8862
Góðan daginn félagar.
Ég hef mikinn áhuga á því að koma með. Lít á þetta svæði sem mitt ;O) Vann við það tvö sumur að aka útlendingum um þetta svæði (92 og 93) og fór td 25 daga í röð inn í Sker í júlí 93. Eftir slíka törn fær maður auðvitað pínu leiða á starfinu ;O)
En ég mæti á mínum fjallabíl og tek með mér einn ungling og hugsanlega einn fullvaxinn bróðir (ef hann vill koma með)
Kv
Palli #77 GSM 664-2103 og NMT virkar ekki ;O)
Það er ekki hægt að sleppa þessarri ferð svo við ætlum að skrá okkur.
Magnús Guðmundsson R-2136, líklega á 31" Musso
Linda Sif 16 ára og Guðmundur Freyr næstum 14 ára óvíst með litla skottið.Kv. MG
Sæl,
Fyrir áhugasama vildi ég benda á að það er smá grein í Fréttablaðinu í dag 01.09.2010 um Dalakofann. Greinina má sjá í fylgiblaðinu sem heitir "ALT" og er á bls. 3.Kveðja Didda
Það er ekki hægt að vera án þessara stikuferða…..skráði mig
Kem á mínum 3/4 Pajero og verð með einn farþega
Þórður Ámundason
Nú er stikuferðinn í fyrramálið og allir geta komið með, en aðeins skráðir fá gistingu og grill.
kveðja Dagur
Vel tókst til með stikuferð umhverfisnefndar. Við fengum góðan og öflugan mannskap með í ferðina. en alls voru 16 manns á 7 bílum með í för. Veðrið hefur verið betra á svæðinu, en fólk lét það ekki á sig fá.
Leiðin sem stikuð var lá frá Landmannaleið yfir pokahrygg að gatnamótum Hrafntinnuskers og Laufafells. Áfram var haldið og annarsvegar var leiðin stikuð inn að íshellum, og hinsvegar í átt að Laufafelli. Samtals voru endurstikaðir ríflega 30 km. Leiðin öll hafði áður verið stikuð, en við þéttum stikurnar með nýjum, reistum við og lagfærðum þær gömlu sem áður voru. Áætla má að notaðar hafi verið hátt í 200 nýjar stikur á leiðinni. Ég vil fyrir hönd umhverfisnefndar þakka þessum góða hópi sem stóð sig í alla staði frábærlega – skemmtilegt fólk sem gaman var að ferðast með.Kveðja
Didda
Ég vil þakka fyrir þetta framtak sem var orðið verulega aðkallandi. Ég fór um helgina upp að Hrafntinnuskeri og sá hvað þetta var flott hjá ykkur. Til dæmis stikur báðum megin á brúninni á Snjógilinu. Stikun getur aldrei verið nema til bóta sérstaklega fyrir ókunnuga í dimmviðri. Ég held að ekki yrði grátið þó að gamla Dyngjuleiðin væri stikuð einhverntíma,ef ekki fást leyfi á heilögum stöðum. Svo vil ég þakka honum Degi fyrir að gefa sér tíma til að koma og spila bíl kunningja okkar sem lenti í árekstri í Lambafitarhrauninu. Með kveðju. Olgeir
Þakka fyrir mig og Brynhildi kóara, þetta var skemtileg ferð.
Vaskur hópur stikara kláraði djobbið í góðum tíma þótt ég hafi brugðið mér frá til að spila bílaí sundur, eftir árekstur.
Dalakofinn lofar góðu og væri enn betri ef hitaveitan virkaði.
kveðja Dagur
Ég vil þakka fyrir mig. Þessi ferð var mjög hressandi þótt ekki hafi veðrið verið uppá marga fiska. En engin lét það á sig fá,flott stemning í hópnum og skemmtileg skoðunarferð á sunnudeginum sem gerði þessa ferð bara góða. þetta verður árviss viðburður hjá mér. Að fara í svona vel skipulagða stikuferð er bara góður partur af tilverunni. Takk fyrir mig
Anonymous- Umræður: 0
- Svör: 16404
Var engin með myndadellu í hópnum? Þið vitið að myndir úr ferðum efla þáttöku í starfi klúbbsins.
Kveðja SBS. Kem vonandi næst.
You must be logged in to reply to this topic.