This topic contains 25 replies, has 12 voices, and was last updated by 
-
Topic
-
Sælt veri fólkið. Það líður að hinni árlegu stikuferð sem farin verður núna um næstu helgi. Núna er tækifærið fyrir þá sem langar að taka fyrstu skrefin í að ferðast í hóp í meira en dagsferð að slá tvær flugur í einu höggi, annarsvegar að komast í góða ferð með skemmtilegu fólki og hins vegar að láta gott af sér leiða í þeim tilgangi að reyna að koma í veg fyrir utanvegaakstur með þvi að stika þá slóða sem aka má um á hálendinu. Ég fór sjálfur í mína fyrstu stikuferð árið 2007 og kynntist þar mörgu góðu fólki sem ég hef haldið kynni við síðan og lærði margt um ferðamennsku á hálendinu í þeirri ferð. Og þar sem ég hef verið svo illa fyrirkallaður síðustu þrjú haust að komast ekki með í þessar ferðir þá ætlum við „Gráni“ nú að leggja land undir fót og slóða undir dekk og reyna að gera eitthvað gagn þetta haustið. Vænti ég þess umhverfisnefndin fari að koma með ferðaplan fyrir þessa ferð innan tíðar. Vonast svo eftir að sjá fullt af góðu fólki í ferðinni. L.M.
-
Replies
-
Ég held að ég sé að merkja þessa leið rétt;
Pokahryggur-Dalakofinn
Sæl Jón.
Þú mátt bæta inn leiðinni að Hraftinnuskeri. Þar á að stika, leiðin að Dalakofanum er bætt við ef við höfum tíma.
Er hægt að skrá sig?
Bætti við leiðinni inn í Hrafntinnusker.
Þá lítur dæmið svona út…
Við stikuðum þessa leið fyrir nokkrum árum síðan. Það var afar skemmtilegt. Eftir að hafa farið þarna um í sumar mátti sjá að þörf er á endurstikun og reikna ég með við við Didda tökum þátt í þeirri vinnu um helgina.
kv. Óli
Góðan daginn,
eins og fram hefur komið erum við í Umhverfisnefndinni að standa fyrir stikuferð. Eins og sjá má á korti hér fyrir neðan erum við að fara að stika frá Sátubarni á Fjallabak yfir Pokahrygg og Reykjadal í gegnum Hrafntinnuhraun að Höskuldsskála við Hrafntinnusker, svo frá Reykjadal að Dalakofa. Einnig er meiningin að stika frá Dalakofa að Keldum og svo sunnan við Rauðfossafjöll suður undir Sléttafell og svo vestur að Mundafellsháls. Samtals um 42 kílómetrar.
Nú er verið að athuga með gistingu en Dalakofinn, Hellirinn og Hungurfitin eru upptekin. Er verið að athuga eitt og annað og þá kannski helst Áfangagil sama stað og við gistum í fyrra. En hvar við gistum skiptir kannski ekki öllu svo fremi það sé ekki á Akureyri, þá gerum við þessa ferð eftirminnilega eins og alllllllar hinar
En meiningin er að fara austur á föstudagskvöld og byrja að stika kl 09:00 á laugardagsmorgni. Svo þegar við komum í náttstað á laugardagskvöld verður sameiginleg máltíð og eitthvað til að væta kverkarnar með. Nú ef verkefnið hefur ekki klárast á laugardeginum verður það klárað á sunnudeginum. En miðað við hvernig gekk í fyrra mun það klárast á laugadeginum, sem væri reyndar betra því það á að vera úrhellisrigning á sunnudeginum.
Ég verð með stikur, stikuhamra, endurskin og eitthvað af heftibyssum en gott væri að þeir sem eiga heftibyssu taki hana með. Félagsmenn þyrftu þá að taka með sér hlífðarföt og vettlinga.
Kveðja Hjörtur SS og Umhverfisnefnd.
Ekki er nógu gott að það sé ekki hægt að bæta inn í textan sinn athugasemd, meira að segja mjög bagalegt.
En best er að skrá sig bara hér inn á spjallið og nefna fjölda svo ég geti keyft nægilega mikið magn af RAUÐVÍNI 😉
Kveðja Hjörtur SS
Alltaf gaman í stikuferðum. Þessi leið er einstaklega skemmtileg. Óska því eftir skráningu
Didda + 1
Góðan daginn,
vegna slæmrar þáttöku fellur niður gisting í Dalakofa og hringdi Skúli í mig og lét mig vita af því. Ég þáði boðið með þökkum og erum við því með gistingu í Dalakofa föstudags og laugardagskvöld.
Kveðja Hjörtur SS
Stefni á að koma með, veit betur á morgun
Jæææææja,,,,, þetta stefnir í fámenna, en þeim mun góðmennari ferð. L.M.
Góðan daginn,
já Logi algjörlega. En hvar er nýja fólkið okkar í klúbbnum, sem á að taka við vendinum ?? Ég spyr !!!
Kveðja Hjörtur SS
Væntanlega fer öll umhverfisnefndin með, svo skráningarnar hér eru líklega ekki tæmandi…. eða hvað?
kv. Óli
Góðan daginn,
Þórður Ámundason villt þú hafa samband við mig í dag í síma 8951961. Eins ef einhver veit símann hjá Þórði sem getur þá kannski hringt í mig og látið mig hafa hann.
Kveðja Hjörtur SS
Ég kemst því miður ekki vegna fjölskylduástæðna…
Sælt veri fólkið. Ég get því miður ekki tekið þátt í verkefninu núna þar sem ég er að trússa og snúast í kringum hóp sem er að skoða og finna góða gönguleið milli Landmannahellis og Dalakofa.Búinn að lofa því fyrir nokkru. Vonast til að hitta ykkur á morgun og svo gistum við í Dalakofanum á laugardagskvöld og sjáumst allavega þá . Með kveðju Olgeir
Sælt veri fólkið. Því miður komumst ég og mínir ekki með í þetta skiptið. Vinnan er alltaf að flækjast fyrir manni. Gangi ykkur vel og góða skemmtun.
Kv. MG magnum
Langaði virkilega að koma með, en hafði því miður ekki tíma.
Hvað er að frétta? Hvernig gengur?
Kveðja,
Hafliði
Sælir.
Gæti einhver úr Umhverfisnefndinni haft samband við Hjört Jaka og fengið fréttir af gangi mála hjá þessum dugnaðarforkum sem fóru í Stikuferðina. Sett síðan fréttirnar hér inn til að halda þræðinum og okkur heitum.
Kv. SBS.
Nei, ekki trufla þau…
You must be logged in to reply to this topic.