Stiku-, Skálanefndar- og Hústrukka ferð

Sæl.

Ég heyrði í Hyrti í dag og var hann glaður og reyfur að vanda. Stikuferðin að þessu sinni var á Fjallabakssvæðinu í samvinnu við Umhverfisstofnun og Sjálfboðaliðasamtökin. Um 14:00 var búið að stika frá Valafelli – Áfangagili,  síðan var stikaður línuvegurinn  að Ljótapolli. Eftir það var farið í Landmannahellir og grillað lambalæri. Í ferðinni voru um 16 manns og voru það félagsmenn og menn frá Sjálfboðaliðasamtökunum.

Einnig heyrði ég í Skálarnefndarmönnum og voru þeir ídag að þrífa og taka til í Setrinu, mála, skapa og gera skálan tilbúin fyrir veturinn. Pústið var soðið og rafstöðin því í toppstandi.

Ég hef ekkert heyrt í Hústrukkum en ef einhver hefur upplýsingar þá endilega komið með þær.

Kveðja

Sveinbjörn