This topic contains 11 replies, has 1 voice, and was last updated by 
-
Topic
-
Jæja þá er heilinn endanlega kominn í steik hjá mér, og allt er það þessum blessuðu 4-link pælingum að þakka! Nema hvað. Í morgun var ég kominn með svona nokkuð ágæta hugmynd hvernig ég ætlaði að hafa þetta. Og það var þannig að ég ætlaði að hafa 2 70 cm langar stífur, og 14 cm lóðrétt bil á milli þeirra á hásingunni en 8 cm í grind. Með því ætla ég að fá hann til að fjaðra ofurlítið saman þegar ég þruma á mjóa pedalann. Efri stífurnar væru þá lágréttar í akstursstöðu en neðri halla 5° upp frá hásingu.
En nema hvað, þarf þá ekki einhver apaköttur að byrja að rugla í mér og segja að ég eigi að hafa efri stífurnar styttri til þess að halda pinjónhallanum. Svo ég er búinn að eyða deginum í að velta þessu öllu fyrir mér þvers og kruss. Og ég er ekki frá því að ef ég hef efri stífurnar styttri, þá snúist pinjónninn NIÐUR þegar jeppinn fjaðrar sundur, en ef þær eru jafnlangar þá snýst ekkert upp á hásinguna!
.
Er alveg endanlega kominn í rugl pælingar eða er þetta rétt sem mér var sagt? S.s. að betra væri að hafa efri stífurnar styttri?
.
kv. Kiddi semeraðfarayfirumefþessarpælingarhættaekkips. þetta er að framan
-
Replies
-
Skoðaðu þetta, skemmtilegur fróðleikur þarna. [url=http://www.mmedia.is/gjjarn/sjeppar/gormgr/gormindex.htm:38rhj5na][b:38rhj5na]hérna[/b:38rhj5na][/url:38rhj5na]
Ég er búinn að lesa þetta svona allavega 15 sinnum en þarna er því miður ekki minnst á þetta… en mjög margt gott á henni samt sem áður og ekkert nema gott framtak hjá Gumma!
kv. Kiddi
Ég myndi reyna að hafa stífurnar nokkurnvegin samsíða. Það minkar áhrif drifkraftanna á fjöðrunina og það ætti að minnka með því hopp dekkjana í þungu færi (þegar maður er að krafla sig áfram).
Gallinn er að ef bíllinn hefur nægjanlega öfluga vél þá keyrist afturendinn niður við harða inngjöf, og lyftir sér við harða bremsum. Skiptir meira máli á stuttum kraftmiklum bíl, en löngum kraftlausum.Lengdin á stífunum er ekkert svo heilög, svo lengi sem þær eru ekki ýkt mis-langar.
Öll fjöðrunarkerfi virka eins og 3-ja arma fjöðrunin sem GummiJ lýsir. Endapunkturinn á stífunum annað hvort ýtir upp undir grind bílsins eða dregur hana niður eftir því hvort gefið er í eða bremsað. Þessi punktur er kallaður virtual-reaction-point. Á four link fjöðrun er þessi punktur þar sem stefnulínur efri og neðri stífunnar skerast. Þeim mun nær dekkjunum sem þessi punktur er, þeim mun meiri áhrif hafa drifkraftarnir á fjöðrunina, og svo öfugt. IFS bílar hafa þennan punkt einnig, og held ég að hann sé þar sem stefnulínur festipunkta efri og neðri stífunnar skerast, þó ekki alveg viss.
og hananú
Rúnar.
Jújú, ég er búinn að pæla í þessu fram og til baka og ætla að hafa þær nánast samsíða, en láta neðri stífuna þó halla örlítið (5°) upp frá hásingu þannig að bíllinn keyri sig frekar niður að framan heldur en sundur þegar ég þruma á bensínið. Efri stífurnar væru þá lágréttar.
En það sem er að vefjast fyrir mér er ekki það, heldur pinjón hallinn við fjöðrun óháð drifkröftunum! Þ.e.a.s. hvernig snýst upp á hásinguna. Ég er að komast á þá skoðun að það sé best að hafa stífurnar jafnlangar en langar að heyra álit annarra á því…
.
kv. Kiddi
Eða teiknaðu þetta upp með circli, þá sérðu nokkurnvegin hversu mikið þetta er.
Ef þú lítur á orginal kerfin undir bílum þá eru efri stífurnar yfirleitt með mikið meiri halla en þær neðri, og töluvert styttri (og reyndar einnig mikið innar á hásingunni). Þar virðist bara vera allt í lagi þó hásingin snúist eitthvað aðeins við það að bíllinn sé lestaður, eða fjaðri.
Þannig að þetta getur nú vart skipt miklu máli.Aha, þetta er að framan hjá þér…. var einhvernvegin fastur við að hugsa um afturhásingar…
En, jú þetta er rétt hjá þér, styttri efri stífur þýða akkurat það sem þú segir, svo lengi sem stífurnar eru samsíða. Breytist eitthvað ef þær eru ekki samsíða.
Rúnar.
Það hefur nú myndast nokkuð sterk hefð fyrir því að hafa 4-link stífur jafn langar og samsíða, ef sett er undir að framan. Þó eru sjálfsagt til undantekningar frá því, og jafnframt óvíst að það sé einmitt það réttasta fyrir fjallajeppa.
Hins vegar eru nokkur atriði sem gera jafnlengdar-samsíða uppsetninguna vænlegri en annað;a) Halli á pinjón breytist ekki við samslag/sundurslag eða breytta hæð á gormum/púðum.
b) Það snýst ekki upp á gúmmíin í þverstífunni
c) Það myndast lágmarks þvingun við misfjöðrun vegna þess að það snýst ekki upp á hásinguna, það hlífir gúmmíum í stífum.
d) Það er búið að smíða þessa uppsetningu í hundruð bíla hér á landi með ágætis árangri, það er alltaf ,,örugga" leiðin að byggja á reynslu fjöldans.
Aðrar uppsetningar hafa trúlega hina ýmsu kosti, t.d. væri hægt að leysa hjöruliðavesen að hluta með réttri uppstillingu o.s.frv. Það verður þó varla gert nema með heilmiklu sirkils-reglustiku-pári eða þar til gerðum tölvuforritum (sem ég nota nú frekar). Forsendur fyrir hvorutveggja er að mæla upp allt sem skiptir máli, t.d. fjarlægð flangsa á drifi og millikassa frá ,,gólfi" og miðju hásingar, ásamt því að ákveða (fyrsta atriði) hvar hásingin á að vera (í normalstöðu). o.s.frv.
Upphaflega lýsingin hjá Kristni, þ.e. að hafa jafn langar stífur ofan/neðan, en styttra á milli að aftan, gefur hegðun sem líkist fjöðrun eins og er í Rover, Cruiser og Patrol, nokkurs konar kynblendingur. Þetta gæti komið ágætlega út, sérstaklega fyrir grindarvasana, sem oft verða oft asnalega síðir og valda óheppilegum spennum í grind vegna fjarlægðar neðri stífunnar frá grind.
Sú pæling að hafa efri stífuna töluvert styttri en þá neðri, að framan, þykir mér ekki neitt sérstaklega spennandi. Mikið rétt, hásingin veltir sér aftur við sundurslag í slíkri uppsetningu, sé miðað við að efri stífan sé nokkurn veginn lárétt í normalstöðu. Ég er ekki viss um að framskaftið fíli það vel ef það er mjög stutt eins og svo oft. Við samslag yrði hreyfingin mun eðlilegri, jafnvel bara mjög heppileg varðandi hjöruliði…
…einu var ég næstum búinn að gleyma varðandi uppsetningu á fjöðrun, sérstaklega að framan. Það má alls ekki gleyma að hugsa um hvað gerist þegar maður nauðhemlar. Maður er svo upptekinn af drifgetu og áframakstri að þetta vill ansi mikið gleymast, en er eiginlega mikilvægara en allt hitt til samans….
Þetta eru mín $0.02
kv
Grímur
Hurru Rúnar….mislangar stífur eru bara samsíða á einum stað í fjöðrunarsviðinu, alls staðar annars staðar er horn á milli þeirra. Jafnframt er nokkuð til í þessu með skurðpunktinn, en þar er sagan ekki öll, heldur færist hann við fjöðrun, og auk þess skiptir máli hvar miðja, eða öllu heldur snertiflötur dekks við jörðu, er miðað við stífuendana sem festast í hásingu.
Við pælingar um kraftajafnvægi í fjöðrunarbúnaði sem hlýst af drifkrafti bílsins er einfaldast að sleppa því að hugsa sér að það sé dekk fest við hásinguna, heldur líta dekkið sem ásoðinn turn úr rörinu niður á jörð. Kraftaparið er lóðréttur kraftur(vektor) upp í turninn, og láréttur vektor niðri við jörð sem togar bílinn áfram. Þá er hægt að reikna allt draslið statiskt sem stangavirki. Um dynamísku hegðunina ætla ég ekki að fjölyrða, enda er ég ekki neinn sérfræðingur á því sviði.
…æji…úff…núna missti ég mig aðeins….
kv
Grímur
Þetta mál sem þú ert að hafa áhyggjur af með afstöðuna á poinnioninum er venjulega ekki vandamál nema þú ætli að vera með einhverja ævintíralega slaglegnd í fjöðrununni. Þú hefur bara efri stífunar stillanlegar (lengdina) þá getur þú alltaf stillt stefnuna þannig að þetta verði vírbings laust. Ef þú ert með mjög stutt drifskaft og tvöfaldan lið að ofan þá er betra að hafa efri stífunar svolítið styttri kannski svona 1/2 eða 2/3 af neðristífunum. en athugaðu að það er verra ef þú er enn með einfaldan lið að ofan.
Guðmundur
Sko, í biblíunni er það leitt út (statiskt), að 100% anti-squat (það að bíllinn gangi ekkert niður að aftan við harða inngjöf), er uppfyllt þegar eftirfarandi jafna heldur, e/d=h/L. e er hæð sýnarálagspunktsins frá jörðu, d er fjarlægð punktsins frá miðlínu afturdekksins, h er hæðin á þyngdarpunkti bílsins og L er hjólhafið. Þessi jafna er uppfyllt á línu sem liggur frá snertipunkti afturdekksins við jörð, fram með bílnum að punkti yfir miðlínu framdekkja bílsins, sem er í þeirri hæð sem þyngdarpunktur bílsins er í (þetta á við bíla með hásingu að aftan).
Fyrir 100% anti dive, (það að bíllinn bremsi alveg láréttur), þurfa sýndarálagspunktarnir að vera á hliðum þríhyrnings sem er myndaður af hjólhafi bílsins og toppunkti þar á milli sem er í hæð þyngdarpunkts bílsins. Staðsetning toppunktsins fram-aftur er ákvörðuð af hlutfalli bremsukraftana á milli fram og afturhásingar. Ef t.d. 70% af bremsukraftinum er að framan, þá er punkturinn 70% af hjólhafi bílsins fyrir aftan framhásingu, og 30% fyrir framan afturhásingu.
100% anti-dive er nánast aldrei notað, enda leiðir það að fullt af öðrum leiðindum (á sérstaklega við afturhásinguna) 50% anti-dive og minna er almennara (samkvæmt biblíunni). Demparar og stífleiki fjaðra spila svo ekki minni rullu í þessu en stífurnar.Reynslan hefur svo sýnt okkur hér á klakanum að í raunverulegu lífi, skiptir þetta ekkert svo miklu máli. Eru bara mismunandi eiginleikar, ekkert sem segir að eitt sé endilega eitthvað réttara en annað.
Nördakveðja
Rúnar.
Það hringdi í mig ágætur maður fyrr í kvöld og útskýrði þetta fyrir mér hvers vegna styttri stífur eru hafðar að ofan. Og tengist það ekkert pinjónhalla eins og skotið var að mér fyrr í dag, heldur er meiningin að þvinga fjöðrunina þannig að jeppinn sé ekki svagur. Þetta er það sem Arctic Trucks hefur sett undir skilst mér (leiðréttið ef ég fer rangt með)
.
En ég ætla þá að halda mig við jafnlangarstífur og geri sjálfsagt einhverjar tilraunir með hallann á neðri stífunni, bara svona upp á gamanið.
.
Bestu þakkir fyrir svörin piltar. Þetta er ágætis fróðleikur sem þið eruð búnir að dæla út úr ykkur hérna! Svo er það bara spurning hvort maður leggi í það að melta þetta allt saman, heilabúið má ekki við svona miklum fróðleik í miðjum prófum. Eða eins og góður maður sagði: "Every time I learn something new, it pushes some old stuff out of my brain". 😛
.
kveðja Kristinn
Ég er búinn að liggja yfir sömu hlutum lengi.
Kannski kemur þetta þér að notum.Vona að þetta komi rétt inn.
[url=http://www.4wheeloffroad.com/techarticles/suspension/131_0306_four_link_suspension_part_1/:1ah7e7zu][b:1ah7e7zu]Fyrri hluti[/b:1ah7e7zu][/url:1ah7e7zu]
[url=http://www.4wheeloffroad.com/techarticles/suspension/131_0307_four_link_suspension_part_2/:1ah7e7zu][b:1ah7e7zu]Seinni hluti[/b:1ah7e7zu][/url:1ah7e7zu]
Einn af hliðarlínunni
You must be logged in to reply to this topic.